ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਜਲੰਧਰ :ਕੰਵਲਜੀਤ ਸਿੰਘ ਮੱਕੜ- ਰਾਇਰਪੁਰ-ਰਸੂਲਪੁਰ ਖੇਤਰ ਵਿੱਚ ਅੱਜ ਔਰੰਗਜ਼ੇਬ ਦਾ ਪੁਤਲਾ ਤਿਆਰ ਕੀਤਾ ਗਿਆ ਸੀ, ਜਿਸਦਾ ਦਹਿਨ ਕਰਨਾ ਸੀ। ਪਰੰਤੂ ਜਿਵੇਂ ਹੀ ਇਸਦੀ ਸੂਚਨਾ ਪੁਲਿਸ ਪਾਰਟੀ ਨੂੰ ਮਿਲੀ, ਪੁਲਿਸ ਸਵੇਰੇ ਹੀ ਮੌਕੇ ‘ਤੇ ਪਹੁੰਚ ਗਈ ਅਤੇ ਪੁਤਲੇ ਨੂੰ ਤੋੜ ਦਿੱਤਾ। ਇਹ ਜ਼ਮੀਨ ਇੰਫਲੂਐਂਸਰ ਰੋਜ਼ਰ ਸੰਧੂ ਦੀ ਦੱਸੀ ਜਾ ਰਹੀ ਹੈ, ਜਿੱਥੇ ਉਸਦੀ ਅਗਵਾਈ ‘ਚ 40 ਫੁੱਟ ਲੰਬਾ ਪੁਤਲਾ ਬਣਾਇਆ ਗਿਆ ਸੀ।
ਪੁਲਿਸ ਨੇ ਵੱਡੀ ਗਿਣਤੀ ਵਿੱਚ ਫ਼ੋਰਸ ਮੌਕੇ ‘ਤੇ ਭੇਜ ਕੇ ਪੁਤਲੇ ਨੂੰ ਹਟਾ ਦਿੱਤਾ ਅਤੇ ਗਰਾਊਂਡ ਖਾਲੀ ਕਰਵਾ ਦਿੱਤਾ। ਇਸ ਦੌਰਾਨ ਰੋਜ਼ਰ ਸੰਧੂ ਨੂੰ ਵੀ ਹਿਰਾਸਤ ਵਿੱਚ ਲਿਆ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਪੰਜਾਬ ਦਾ ਮਾਹੌਲ ਖ਼ਰਾਬ ਨਾ ਹੋਵੇ, ਇਸ ਕਰਕੇ ਇਹ ਕਾਰਵਾਈ ਲਾਜ਼ਮੀ ਸੀ।
ਯਾਦ ਰਹੇ ਕਿ ਇਸ ਜ਼ਮੀਨ ‘ਤੇ ਹਰ ਸਾਲ ਦਸ਼ਹਿਰਾ ਮਨਾਇਆ ਜਾਂਦਾ ਹੈ ਅਤੇ ਰਾਵਣ, ਕੁੰਭਕਰਨ ਤੇ ਮੇਘਨਾਥ ਦੇ ਪੁਤਲੇ ਸਾੜੇ ਜਾਂਦੇ ਹਨ। ਪਰ ਅੱਜ ਪਹਿਲੀ ਵਾਰ ਇੱਥੇ ਔਰੰਗਜ਼ੇਬ ਦਾ ਪੁਤਲਾ ਸਾੜਨ ਦੀ ਤਿਆਰੀ ਹੋ ਰਹੀ ਸੀ। ਤਿੰਨ ਦਿਨ ਤੋਂ ਪੁਤਲਾ ਤਿਆਰ ਕਰਨ ਦਾ ਕੰਮ ਚੱਲ ਰਿਹਾ ਸੀ।
ਇਸ ਦੌਰਾਨ ਪੁਲਿਸ ਨਾਲ ਕੁਝ ਲੋਕਾਂ ਦੀ ਬਹਿਸ ਵੀ ਹੋਈ, ਪਰ ਪੁਲਿਸ ਨੇ ਸਪਸ਼ਟ ਕੀਤਾ ਕਿ ਕਿਸੇ ਨੂੰ ਵੀ ਪੰਜਾਬ ਦਾ ਮਾਹੌਲ ਖ਼ਰਾਬ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
