ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ ਦਿਹਾਤੀ ਪੁਲਿਸ ਨੇ ਥਾਣਾ ਲੋਹੀਆਂ ਵਿੱਚ ਪ੍ਰਵਾਸੀ ਮਾਂ-ਧੀ ਨਾਲ ਹੋਏ ਸਨਸਨੀਖੇਜ਼ ਗੈਂਗਰੇਪ ਮਾਮਲੇ ਵਿੱਚ ਮੁੱਖ ਦੋਸ਼ੀ ਸਮੇਤ ਤਿੰਨ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਕੇ ਵੱਡੀ ਕਾਰਵਾਈ ਅੰਜਾਮ ਦਿੱਤੀ ਹੈ। ਇਹ ਗ੍ਰਿਫਤਾਰੀ ਸੀਨੀਅਰ ਪੁਲਿਸ ਕਪਤਾਨ ਸ਼੍ਰੀ ਹਰਵਿੰਦਰ ਸਿੰਘ ਵਿ਼ਰਕ, PPS ਦੇ ਦਿਸ਼ਾ-ਨਿਰਦੇਸ਼ਾਂ ਅਤੇ DIG ਜਲੰਧਰ ਰੇਂਜ ਸ਼੍ਰੀ ਨਵੀਨ ਸਿੰਗਲਾ, IPS ਦੇ ਸਖ਼ਤ ਹੁਕਮਾਂ ਤਹਿਤ ਬਣਾਈ ਗਈ ਵਿਸ਼ੇਸ਼ ਟੀਮ ਵੱਲੋਂ ਕੀਤੀ ਗਈ।
ਘਟਨਾ ਦਾ ਵੇਰਵਾ, ਪੁਲਿਸ ਅਨੁਸਾਰ, 23/24 ਨਵੰਬਰ 2025 ਦੀ ਐਤਵਾਰ ਰਾਤ ਲਗਭਗ 12:30 ਵਜੇ ਚਾਰ ਹਥਿਆਰਬੰਦ ਅਣਪਛਾਤੇ ਨੌਜਵਾਨ ਪਿੰਡ ਕਾਂਗ ਕਲਾਂ ਵਿੱਚ ਖੇਤਾਂ ਵਿੱਚ ਮੋਟਰ ਵਾਲੇ ਕਮਰੇ ਵਿੱਚ ਰਹਿੰਦੇ ਪ੍ਰਵਾਸੀ ਪਰਿਵਾਰ ਦੇ ਘਰ ਵਿੱਚ ਜ਼ਬਰਦਸਤੀ ਦਾਖਲ ਹੋਏ। ਦੋਸ਼ੀਆਂ ਨੇ ਮਹਿਲਾ (ਉਮਰ ਕਰੀਬ 35 ਸਾਲ) ਨਾਲ ਤਿੰਨ ਨੇ ਗੈਂਗਰੇਪ ਕੀਤਾ ਜਦੋਂਕਿ ਉਸਦੀ ਧੀ (ਉਮਰ ਕਰੀਬ 19 ਸਾਲ) ਨਾਲ ਇਕ ਹੋਰ ਮੁਲਜ਼ਮ ਨੇ ਜਬਰਜਨਾਹ ਕੀਤਾ। ਮਹਿਲਾ ਦਾ ਜਵਾਈ ਅਤੇ ਤਿੰਨ ਛੋਟੇ ਬੱਚਿਆਂ ਨੂੰ ਦੂਜੇ ਕਮਰੇ ਵਿੱਚ ਬੰਦ ਕਰਕੇ ਧਮਕੀਆਂ ਦਿੱਤੀਆਂ ਗਈਆਂ।
ਇਸ ਘਟਨਾ ਨਾਲ ਬਣੇ ਖ਼ੌਫ਼ ਦੇ ਮਾਹੌਲ ਨੂੰ ਦੇਖਦੇ ਹੋਏ ਮਹਿਲਾ ਇੰਸਪੈਕਟਰ ਸੀਮਾ ਵੱਲੋਂ 24 ਨਵੰਬਰ ਨੂੰ FIR ਨੰਬਰ 176 ਅਧੀਨ ਧਾਰਾਵਾਂ 64 BNS (376 IPC), 70(1) BNS (376-D IPC) ਅਤੇ 351(2) BNS (506 IPC) ਤਹਿਤ ਮਾਮਲਾ ਦਰਜ ਕੀਤਾ ਗਿਆ।
ਪੁਲਿਸ ਦੀ ਕਾਰਵਾਈ, ਸ਼੍ਰੀ ਸਰਬਜੀਤ ਰਾਏ, PPS ਦੀ ਅਗਵਾਈ ਹੇਠ CIA ਸਟਾਫ਼ ਇੰਚਾਰਜ ਇੰਸਪੈਕਟਰ ਪੁਸ਼ਪ ਬਾਲੀ ਦੀ ਟੀਮ ਨੇ ਤਕਨੀਕੀ, ਵਿਗਿਆਨਕ ਅਤੇ ਮਨੁੱਖੀ ਸੂਤਰਾਂ ਦੇ ਆਧਾਰ ’ਤੇ ਮਾਮਲੇ ਨੂੰ 29 ਨਵੰਬਰ ਨੂੰ ਟ੍ਰੇਸ ਕਰ ਲਿਆ।
ਇਸ ਤੋਂ ਬਾਅਦ ਤਿੰਨ ਦੋਸ਼ੀਆਂ ਨੂੰ ਕੰਡਨੁਮਾ ਰੈਸਟ ਹਾਊਸ, ਨਜ਼ਦੀਕ ਰੇਲਵੇ ਸਟੇਸ਼ਨ ਲੋਹੀਆਂ ਤੋਂ ਗ੍ਰਿਫਤਾਰ ਕਰ ਲਿਆ ਗਿਆ।
ਗ੍ਰਿਫਤਾਰ ਦੋਸ਼ੀ
1. ਸੱਜਨ ਪੁੱਤਰ ਮਾਰਕ, ਵਾਰਡ 01, ਲੋਹੀਆਂ (ਉਮਰ ਲਗਭਗ 19)
2. ਰੋਕੀ ਪੁੱਤਰ ਲੇਟ ਸ਼ੌਕਤ, ਵਾਰਡ 01, ਲੋਹੀਆਂ (ਉਮਰ ਲਗਭਗ 19)
3. ਅਰਸ਼ਪ੍ਰੀਤ ਸਿੰਘ ਉਰਫ਼ ਅਰਸ਼, ਵਾਰਡ 02, ਲੋਹੀਆਂ (ਉਮਰ ਲਗਭਗ 18.5)
ਬਰਾਮਦਗੀ, 2 ਬਿਨਾਂ ਨੰਬਰ ਵਾਲੀਆਂ ਮੋਟਰਸਾਈਕਲਾਂ
ਹੀਰੋ ਸਪਲੈਂਡਰ: ਬਜਾਜ ਪਲੇਟਿਨਾ: ਵਾਰਦਾਤ ਵਿੱਚ ਵਰਤੇ ਹਥਿਆਰ
ਫਰਾਰ ਦੋਸ਼ੀ ਦੀ ਤਲਾਸ਼ ਜਾਰੀ : ਚੌਥਾ ਦੋਸ਼ੀ ਰਾਜਨ ਉਰਫ਼ ਰੋਹਿਤ ਪੁੱਤਰ ਮੰਗਲ, ਵਾਰਡ 01, ਲੋਹੀਆਂ (ਉਮਰ ~19) ਮੌਕੇ ਤੋਂ ਫਰਾਰ ਹੈ ਜਿਸਦੀ ਗ੍ਰਿਫਤਾਰੀ ਲਈ ਪੁਲਿਸ ਵੱਲੋਂ ਛਾਪੇਮਾਰੀ ਜਾਰੀ ਹੈ।
ਪੁਰਾਣਾ ਅਪਰਾਧਿਕ ਰਿਕਾਰਡ: ਸੱਜਨ ਖ਼ਿਲਾਫ਼ ਕੇਸ: 379-B, 34, 411 – ਸਲਤਾਨਪੁਰ ਲੋਧੀ
NDPS ਐਕਟ – ਲੋਹੀਆਂ : 331(4), 3(5) BNS – ਸਲਤਾਨਪੁਰ ਲੋਧੀ
305, 331(2) BNS – ਤਲਵੰਡੀ ਚੌਧਰੀਆਂ
ਰੋਕੀ ਖ਼ਿਲਾਫ਼ ਕੇਸ: Railway Property Act – RPF ਨਕੋਦਰ
379-B, 34, 411 – ਸਲਤਾਨਪੁਰ ਲੋਧੀ
305, 331(2) BNS – ਤਲਵੰਡੀ ਚੌਧਰੀਆਂ
ਕਬੂਲੀ ਬਿਆਨ : ਪੁੱਛਗਿੱਛ ਦੌਰਾਨ ਦੋਸ਼ੀਆਂ ਨੇ ਕਬੂਲਿਆ ਕਿ ਉਹ ਪਹਿਲਾਂ ਚੋਰੀ ਕਰਨ ਦੀ ਨੀਅਤ ਨਾਲ ਕਮਰੇ ਵਿੱਚ ਘੁੱਸੇ ਸਨ ਪਰ ਬਾਅਦ ਵਿੱਚ ਉਨ੍ਹਾਂ ਨੇ ਮਿਲਕੇ ਮਾਂ-ਧੀ ਨਾਲ ਜਘਨਿਆ ਗੈਂਗਰੇਪ ਕੀਤਾ ਅਤੇ ਮੌਕੇ ਤੋਂ ਮਿਲੀ ਵਿਦੇਸ਼ੀ ਸ਼ਰਾਬ ਵੀ ਪੀਤੀ।
ਪੁਲਿਸ ਵੱਲੋਂ ਦੋਸ਼ੀਆਂ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕੀਤਾ ਜਾ ਰਿਹਾ ਹੈ। ਕ੍ਰਾਈਮ ਸੀਨ ਰੀ-ਕ੍ਰੀਏਸ਼ਨ ਅਤੇ ਵੀਡੀਓਗ੍ਰਾਫੀ ਵੀ ਕੀਤੀ ਜਾਵੇਗੀ।
