15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਸਮਾਜ ਵਿੱਚ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਅਤੇ ਲੋਕਾਂ ਨੂੰ ਟ੍ਰੈਫਿਕ ਨਿਯਮਾਂ ਪ੍ਰਤੀ ਜਾਗਰੂਕ ਕਰਨ ਦੇ ਉਦੇਸ਼ ਨਾਲ ਸ਼੍ਰੀ ਗ੍ਰੇਸਾ ਫਿਲਮਜ਼ ਦੀ ਪੇਸ਼ਕਸ਼ ਪੰਜਾਬੀ ਸ਼ਾਰਟ ਫਿਲਮ ‘ਨੋ ਚਲਾਨ ਕਰੋ ਧਿਆਨ’ ਦੀ ਸ਼ੂਟਿੰਗ ਦਾ ਮਹੂਰਤ ਕੀਤਾ ਗਿਆ। ਇਹ ਫਿਲਮ ਸੋਨਾਲੀਕਾ ਸੋਸ਼ਲ ਡਿਵੈਲਪਮੈਂਟ ਸੋਸਾਇਟੀ ਦੇ ਸਹਿਯੋਗ ਨਾਲ ਤਿਆਰ ਕੀਤੀ ਜਾ ਰਹੀ ਹੈ।
ਫਿਲਮ ਦੀ ਕਹਾਣੀ ਸਾਬਕਾ ਐਮ.ਪੀ. ਸ਼੍ਰੀ ਅਵੀਨਾਸ਼ ਰਾਏ ਖੰਨਾ ਵੱਲੋਂ ਲਿਖੀ ਗਈ ਹੈ, ਜਦਕਿ ਫਿਲਮ ਦੇ ਡਾਇਲਾਗ, ਥੀਮ ਸੌਂਗ ਅਤੇ ਨਿਰਦੇਸ਼ਨ ਦੀ ਜ਼ਿੰਮੇਵਾਰੀ ਡਾਇਰੈਕਟਰ ਅਸ਼ੋਕ ਪੁਰੀ ਵੱਲੋਂ ਨਿਭਾਈ ਜਾ ਰਹੀ ਹੈ। ਫਿਲਮ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਸੜਕਾਂ ’ਤੇ ਜ਼ਿੰਮੇਵਾਰੀ ਨਾਲ ਵਾਹਨ ਚਲਾਉਣ ਲਈ ਪ੍ਰੇਰਿਤ ਕਰਨਾ ਹੈ।
ਮਹੂਰਤ ਮੌਕੇ ਸਾਬਕਾ ਐਮ.ਪੀ. ਅਵੀਨਾਸ਼ ਰਾਏ ਖੰਨਾ ਅਤੇ ਟੈਕਸੇਸ਼ਨ ਬਾਰ ਕੌਂਸਲ ਦੇ ਐਡਵੋਕੇਟ ਐਸ.ਪੀ. ਰਾਣਾ ਵਿਸ਼ੇਸ਼ ਤੌਰ ’ਤੇ ਪਹੁੰਚੇ। ਇਸ ਮੌਕੇ ਅਵੀਨਾਸ਼ ਰਾਏ ਖੰਨਾ ਨੇ ਐਡਵੋਕੇਟ ਐਸ.ਪੀ. ਰਾਣਾ, ਡਾਇਰੈਕਟਰ ਅਸ਼ੋਕ ਪੁਰੀ, ਗੁਰਮੇਲ ਧਾਲੀਵਾਲ ਅਤੇ ਅਜੇ ਸਹਿਦੇਵ ਦੀ ਹਾਜ਼ਰੀ ਵਿੱਚ ਨਾਰੀਅਲ ਤੋੜਨ ਦੀ ਰਸਮ ਅਦਾ ਕਰਕੇ ਸ਼ੂਟਿੰਗ ਦੀ ਸ਼ੁਰੂਆਤ ਕੀਤੀ।
ਫਿਲਮ ਦੇ ਪਹਿਲੇ ਦਿਨ ਪੁਲਿਸ ਨਾਕੇ ਨਾਲ ਸਬੰਧਤ ਦ੍ਰਿਸ਼ ਫਿਲਮਾਏ ਗਏ। ਇਸ ਦੌਰਾਨ ਪਲਵਿੰਦਰ ਸਿੰਘ ਸੈਣੀ ਨੇ ਪੁਲਿਸ ਇੰਸਪੈਕਟਰ, ਹੈਡ ਕਾਂਸਟੇਬਲ ਅੰਮ੍ਰਿਤ ਲਾਲ, ਲੇਡੀ ਹੈਡ ਕਾਂਸਟੇਬਲ ਕਮਲਜੀਤ ਕੌਰ ਅਤੇ ਡਰਾਈਵਰ ਮੋਨੂੰ ਕੁਮਾਰ ਦੀ ਭੂਮਿਕਾ ਨਿਭਾਈ। ਚੈਕਿੰਗ ਲਈ ਵਰਤੇ ਗਏ ਵਾਹਨ ਅਤੇ ਨਾਕੇ ਦੇ ਦ੍ਰਿਸ਼ ਨੂੰ ਬੇਹੱਦ ਪ੍ਰਭਾਵਸ਼ਾਲੀ ਢੰਗ ਨਾਲ ਫਿਲਮਾਇਆ ਗਿਆ।
ਕਹਾਣੀ ਦੇ ਮੁੱਖ ਪਾਤਰ ਜਰਨੈਲ ਦਾ ਕਿਰਦਾਰ ਮਹੇਸ਼ ਕੁਮਾਰ ਵੱਲੋਂ ਨਿਭਾਇਆ ਗਿਆ। ਸ਼ੂਟਿੰਗ ਦੌਰਾਨ ਦਲਜਿੰਦਰ ਸਿੰਘ ਧਾਮੀ ਦੀ ਕਾਰ ਨਾਲ ਸਬੰਧਤ ਦ੍ਰਿਸ਼ ਵੀ ਫਿਲਮਾਏ ਗਏ। ਇਨ੍ਹਾਂ ਦ੍ਰਿਸ਼ਾਂ ਰਾਹੀਂ ਫਿਲਮ ਦੇ ਮੁੱਖ ਸੰਦੇਸ਼ ਅਤੇ ਟ੍ਰੈਫਿਕ ਨਿਯਮਾਂ ਪ੍ਰਤੀ ਜਾਗਰੂਕਤਾ ਦੇ ਭਾਵ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਨਾਕੇ ਦੇ ਸੀਨ ਤੋਂ ਬਾਅਦ ਮੁੱਖ ਪਾਤਰ ਜਰਨੈਲ ਦੇ ਘਰ ਦੇ ਦ੍ਰਿਸ਼ ਫਿਲਮਾਏ ਗਏ, ਜਿੱਥੇ ਉਸ ਦੀ ਮਾਤਾ ਨਸੀਬ ਕੌਰ ਦਾ ਕਿਰਦਾਰ ਸੁਖਵੀਰ ਚੱਠਾ ਅਤੇ ਪਿਤਾ ਕਿਸ਼ਨ ਸਿੰਘ ਦਾ ਕਿਰਦਾਰ ਐਮ.ਐਸ. ਹੀਰਾ ਵੱਲੋਂ ਨਿਭਾਇਆ ਗਿਆ।
ਫਿਲਮ ਦੀ ਟੀਮ ਵਿੱਚ ਕੈਮਰਾਮੈਨ ਰੋਹਿਤ ਕੁਮਾਰ, ਮੇਕਅਪ ਮੈਨ ਅਜੇ ਗੋਰੀ ਅਤੇ ਕਰੀਏਟਿਵ ਡਾਇਰੈਕਟਰ ਸ਼ਰਨਜੀਤ ਸ਼ਾਮਲ ਹਨ। ਟੀਮ ਵੱਲੋਂ ਤਪਦੀ ਗਰਮੀ ਦੇ ਬਾਵਜੂਦ ਪਹਿਲੇ ਦਿਨ ਦੀ ਸ਼ੂਟਿੰਗ ਪੂਰੇ ਉਤਸ਼ਾਹ ਨਾਲ ਮੁਕੰਮਲ ਕੀਤੀ ਗਈ।
ਫੋਟੋ ਕੈਪਸ਼ਨ: ਸੋਨਾਲੀਕਾ ਸੋਸ਼ਲ ਡਿਵੈਲਪਮੈਂਟ ਸੋਸਾਇਟੀ ਦੇ ਸਹਿਯੋਗ ਨਾਲ ਟ੍ਰੈਫਿਕ ਜਾਗਰੂਕਤਾ ਲਈ ਬਣਾਈ ਜਾ ਰਹੀ ਪੰਜਾਬੀ ਸ਼ਾਰਟ ਫਿਲਮ ‘ਨੋ ਚਲਾਨ ਕਰੋ ਧਿਆਨ’ ਦੇ ਮਹੂਰਤ ਮੌਕੇ ਸਾਬਕਾ ਐਮ.ਪੀ. ਅਵੀਨਾਸ਼ ਰਾਏ ਖੰਨਾ, ਡਾਇਰੈਕਟਰ ਅਸ਼ੋਕ ਪੁਰੀ, ਐਡਵੋਕੇਟ ਐਸ.ਪੀ. ਰਾਣਾ, ਗੁਰਮੇਲ ਧਾਲੀਵਾਲ, ਕੈਮਰਾਮੈਨ ਰੋਹਿਤ ਕੁਮਾਰ ਅਤੇ ਹੋਰ ਟੀਮ ਮੈਂਬਰ।
