ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਨਸ਼ਾ ਸਮੱਗਲਰਾਂ ਨੂੰ ਫੜਨ ਤੋਂ ਬਾਅਦ ਛੱਡਣ ਤੋਂ ਨਰਾਜ਼ ਹੋਏ ਪਿੰਡ ਭੂੰਦੜ ਵਾਸੀਆਂ ਨੇ ਪੁਲਿਸ ਦੀ ਗੱਡੀ ਨੂੰ ਰੋਕ ਕੇ ਪੁਲਿਸ ਮੁਲਾਜ਼ਮਾਂ ਨੂੰ ਪਿੰਡ ਵਿੱਚ ਹੀ ਕਈ ਘੰਟੇ ਰੋਕੀ ਰੱਖਿਆ।
ਰਾਮਪੁਰਾ ਫੂਲ : ਪੁਲਿਸ ਨੇ ਨਸ਼ਾ ਸਮੱਗਲਰ ਫੜ ਕੇ ਛੱਡੇ, ਭੜਕੇ ਪਿੰਡ ਵਾਸੀਆਂ ਨੇ ਪੁਲਿਸ ਮੁਲਾਜ਼ਮਾਂ ਦਾ ਕੀਤਾ ਘਿਰਾਓ ਅਤੇ ਕਈ ਘੰਟੇ ਪਰਦਰਸ਼ਨ ਕੀਤਾ। ਪਿੰਡ ਵਾਸੀਆਂ ਨੇ ਪੁਲਿਸ ਤੇ ਆਰੋਪ ਲਗਾਏ ਕਿ ਪੁਲਿਸ ਨੇ ਮੌਕੇ ਤੋਂ ਦੋ ਵਿਅਕਤੀਆਂ ਨੂੰ ਵੀ ਫੜ ਲਿਆ ਪਰ ਬਾਅਦ ਵਿਚ ਉਨ੍ਹਾਂ ਨੂੰ ਭਜਾ ਦਿੱਤਾ। ਇਸ ਨੂੰ ਲੈ ਕੇ ਪਿੰਡ ਵਾਸੀਆਂ ਨੇ ਪੁੁਲਿਸ ਟੀਮ ਦਾ ਘਿਰਾਓ ਕਰ ਲਿਆ ਤੇ ਕਈ ਘੰਟੇ ਪੁਲਿਸ ਟੀਮ ਨੂੰ ਪਿੰਡ ਦੀ ਸੱਥ ਵਿਚ ਰੋਕੀ ਰੱਖਿਆ।
ਨਸ਼ਾ ਸਮੱਗਲਰਾਂ ਨੂੰ ਫੜਨ ਤੋਂ ਬਾਅਦ ਛੱਡਣ ਤੋਂ ਨਰਾਜ਼ ਹੋਏ ਪਿੰਡ ਭੂੰਦੜ ਵਾਸੀਆਂ ਨੇ ਪੁਲਿਸ ਦੀ ਗੱਡੀ ਨੂੰ ਰੋਕ ਕੇ ਪੁਲਿਸ ਮੁਲਾਜ਼ਮਾਂ ਨੂੰ ਪਿੰਡ ਵਿੱਚ ਹੀ ਕਈ ਘੰਟੇ ਰੋਕੀ ਰੱਖਿਆ। ਪਿੰਡ ਵਾਸੀਆਂ ਦਾ ਦੋਸ਼ ਹੈ ਥਾਣਾ ਬਾਲਿਆਂਵਾਲੀ ਪਿੰਡ ਤੋਂ ਤਿੰਨ ਕੁ ਕਿਲੋਮੀਟਰ ਦੂਰ ਹੈ ਤੇ 5-10 ਮਿੰਟ ਦਾ ਰਾਹ ਹੈ ਪਰ ਸੂਚਨਾ ਦੇਣ ਦੇ ਬਾਅਦ ਵੀ ਪੁਲਿਸ ਤਕਰੀਬਨ ਇਕ ਘੰਟੇ ਬਾਅਦ ਪੁੱਜੀ।
ਮੌਕੇ ‘ਤੇ ਇਕੱਠੇ ਹੋਏ ਪਿੰਡ ਵਾਸੀਆਂ ਨੇ ਪੁਲੀਸ ਦੇ ਮੁਲਾਜ਼ਮਾਂ ਨੂੰ ਨਸ਼ਾ ਸਮੱਗਲਰ ਦਾ ਘਰ ਦਿਖਾਇਆ। ਪੁਲਿਸ ਨੇ ਅੰਦਰ ਕਿਸੇ ਨੂੰ ਨਹੀਂ ਆਉਣ ਦਿੱਤਾ। ਜਦੋਂ ਪੁਲਸ ਅਫਸਰ ਬਾਹਰ ਆਇਆ ਤਾਂ ਉਸ ਨੇ ਦੋ ਖਾਲੀ ਟੀਕੇ ਹੱਥ ਵਿਚ ਫੜ੍ਹੇ ਹੋਏ ਸਨ ਅਤੇ ਇਕ ਕੂੜੇਦਾਨ ਜਿਸ ਵਿਚ ਕੂੜਾ ਸੀ। ਪੁਲਿਸ ਨੇ ਮੌਕੇ ਤੋਂ ਦੋ ਆਦਮੀਆ ਨੂੰ ਵੀ ਫੜ ਲਿਆ ਪਰ ਬਾਅਦ ਵਿਚ ਉਨ੍ਹਾਂ ਨੂੰ ਭਜਾ ਦਿੱਤਾ। ਇਸ ਨੂੰ ਲੈ ਕੇ ਪਿੰਡ ਵਾਸੀਆਂ ਨੇ ਪੁੁਲਿਸ ਟੀਮ ਦਾ ਘਿਰਾਓ ਕਰ ਲਿਆ ਤੇ ਕਈ ਘੰਟੇ ਪੁਲਿਸ ਟੀਮ ਨੂੰ ਪਿੰਡ ਵਿੱਚ ਹੀ ਰੋਕੀ ਰੱਖਿਆ।
ਪੁਲਿਸ ਜਦੋਂ ਜਾਣ ਲੱਗੀ ਤਾਂ ਉਨ੍ਹਾਂ ਨੇ ਫੜੇ ਹੋਏ ਆਦਮੀਆ ਨੂੰ ਭਜਾ ਦਿੱਤਾ ਤਾਂ ਪਿੰਡ ਵਾਸੀਆਂ ਨੇ ਪੁਲਿਸ ਦੀ ਗੱਡੀ ਦਾ ਘਿਰਾਓ ਕਰ ਲਿਆ। ਬਾਲਿਆਂਵਾਲੀ ਦੇ ਥਾਣਾ ਇੰਚਾਰਜ ਜਸਵੀਰ ਸਿੰਘ ਜੋ ਕਿਸੇ ਕੰਮ ਤੋਂ ਬਾਹਰ ਗਏ ਹੋਏ ਸਨ, ਨੇ ਮੌਕੇ ‘ਤੇ ਪੁੱਜ ਕੇ ਪਿੰਡ ਵਾਸੀਆਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਉਨ੍ਹਾਂ ਨੂੰ ਇਨਸਾਫ਼ ਮਿਲੇਗਾ। ਥਾਣਾ ਮੁਖੀ ਨੇ ਕੁਝ ਵੀ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਉਹ ਪਿੰਡ ਵਾਸੀਆਂ ਨਾਲ ਗੱਲਬਾਤ ਕਰ ਰਹੇ ਹਨ। ਪਿੰਡ ਦੇ ਸਰਪੰਚ ਨਾਲ ਬੈਠ ਕੇ ਪੁਲਿਸ ਨੇ ਪਿੰਡ ਵਾਸੀਆਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਕਥਿਤ ਦੋਸ਼ੀਆਂ ਨੂੰ ਜਲਦ ਹੀ ਫੜ ਲਿਆ ਜਾਵੇਗਾ ਜਿਸ ਤੋਂ ਬਾਅਦ ਪਿੰਡ ਵਾਸੀ ਪੁਲਸ ਨਾਲ ਸਮਝੌਤੇ ਨੂੰ ਮਨ ਗਏ ਅਤੇ ਪੁਲਸ ਵਾਲਿਆ ਨੂੰ ਜਾਣ ਦਿੱਤਾ ਗਿਆ।
