ਨਵਜੋਤ ਸਿੰਘ ਸਿੱਧੂ ਧਾਰਮਿਕ ਪਿੱਚ ‘ਤੇ ਸਿਆਸੀ ਖੇਡ ਖੇਡ ਰਹੇ ਹਨ – ਮਨਦੀਪ ਸਿੰਘ ਮੰਨਾ

ਪਟਿਆਲਾ,19 ਮਈ  – ਨਵਜੋਤ ਸਿੰਘ ਸਿੱਧੂ ਮੌਕਾਪ੍ਰਸਤ ਰਾਜਨੀਤੀ ਕਰ ਰਹੇ ਹਨ ਅਤੇ ਉਹ ਲੋਕਾਂ ਦੇ ਮਨਾਂ ਨਾਲ ਜੁੜੇ ਬੇਅਦਬੀ ਦੇ ਧਾਰਮਿਕ ਮੁੱਦੇ ਦੀ ਪਿੱਚ ‘ਤੇ ਸਿਆਸੀ ਖੇਡ ਖੇਡ ਰਹੇ ਹਨ। ਇਹ ਵਿਚਾਰ ਅੱਜ ਸਿਆਸੀ ਆਗੂ ਮਨਦੀਪ ਸਿੰਘ ਮੰਨਾ ਦੇ ਹਨ । ਉਨ੍ਹਾਂ ਦਾ ਕਹਿਣਾ ਸੀ ਕਿ ਸਿੱਧੂ ਜੋੜੀ ਸਿੱਧੀ ਤਰ੍ਹਾਂ ਮੈਦਾਨ ਵਿਚ ਨਿੱਤਰ ਆਏ । ਰੋਜ਼ਾਨਾ ਸਿਰਫ਼ ਟਵੀਟ ਪਾ ਕੇ ਕੈਪਟਨ ਅਮਰਿੰਦਰ ਸਿੰਘ ਖ਼ਿਲਾਫ਼ ਬਿਆਨਬਾਜ਼ੀ ਕਰ ਕੇ ਸਿਆਸੀ ਰੋਟੀਆਂ ਸੇਕਣੀਆਂ ਬੰਦ ਕਰੇ। ਉਨ੍ਹਾਂ ਕਿਹਾ ਕਿ ਜੇਕਰ ਨਵਜੋਤ ਸਿੰਘ ਸਿੱਧੂ ਹਫ਼ਤੇ ਵਿਚ ਸਿੱਧੇ ਹੋ ਕੇ ਪੰਜਾਬ ਦੇ ਲੋਕਾਂ ਦੀ ਵੱਖਰੇ ਤੌਰ ‘ਤੇ ਅਗਵਾਈ ਕਰਨ ਲਈ ਮੈਦਾਨ ਵਿਚ ਨਾ ਨਿੱਤਰੇ ਤਾਂ ਉਹ ਸਿੱਧੂ ਪਰਿਵਾਰ ਦੇ ਘੁਟਾਲਿਆਂ ਦਾ ਪਰਦਾਫਾਸ਼ ਕਰਨਗੇ।