(ਫ਼ਿਰੋਜ਼ਪੁਰ),4 ਜੂਨ – ਪਿਛਲੇ ਇਕ ਹਫ਼ਤੇ ਵਿਚ ਕ੍ਰਮਵਾਰ ਪੈਟਰੋਲ ਅਤੇ ਡੀਜ਼ਲ ਦੇ ਰੇਟਾਂ ਵਿਚ ਕੁੱਲ 1.05 ਤੇ 1.06 ਰੁਪਏ ਪ੍ਰਤੀ ਲੀਟਰ ਵਾਧਾ ਹੋਇਆ ਹੈ | ਫ਼ਿਰੋਜਪੁਰ ਵਿਚ ਪੈਟਰੋਲ ਦਾ ਰੇਟ ਲਗਭਗ 96.63 ਰੁਪਏ ਅਤੇ ਡੀਜ਼ਲ 88.31 ਰੁਪਏ ਪ੍ਰਤੀ ਲੀਟਰ ਪਹੁੰਚ ਗਿਆ। ਤੇਲ ਦੇ ਰੇਟਾਂ ਵਿਚ ਹੋ ਰਹੇ ਵਾਧੇ ਤੇ ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਪੰਜਾਬ ਆਗੂ ਦਰਸ਼ਨ ਸਿੰਘ ਮੀਹਾ ਸਿੰਘ ਵਾਲਾ ਨੇ ਰੋਸ ਪ੍ਰਗਟਾਉਂਦਿਆਂ ਕਿਹਾ ਕਿ ਕਿਸਾਨ ਪਹਿਲਾਂ ਹੀ ਮਹਿੰਗਾਈ ਕਾਰਨ ਕਰਜ਼ੇ ਦੀ ਮਾਰ ਹੇਠ ਹੈ ਤੇ ਇਸ ਨਾਲ ਉਹ ਹੋਰ ਵਿੱਤੀ ਬੋਝ ਹੇਠ ਦੱਬਿਆ ਜਾਵੇਗਾ।
