ਬਠਿੰਡਾ : ਇੱਥੋਂ ਦੇ ਪੋਸਟ ਆਫਿਸ ਬਾਜ਼ਾਰ ‘ਚ ਲੁਟੇਰਿਆਂ ਨੇ ਦਿਨ-ਦਿਹਾੜੇ ਇਕ ਜਵੈਲਰ ਤੋਂ ਲੱਖਾਂ ਰੁਪਏ ਦਾ ਸੋਨਾ ਲੁੱਟ ਲਿਆ। ਸ਼ੁੱਕਰਵਾਰ ਨੂੰ ਇਕ ਔਰਤ ਅਤੇ ਮਰਦ ਪੋਸਟ ਆਫਿਸ ‘ਚ ਸਥਿਤ ਫੈਸ਼ਨ ਜਵੈਲਰਜ਼ ‘ਚ ਪਹੁੰਚੇ ਸਨ। ਜਵੈਲਰ ਮਾਲਕ ਭੀਮ ਸੈਨ ਉਕਤ ਵਿਅਕਤੀਆਂ ਨੂੰ ਸੋਨੇ ਦੀਆਂ ਵੱਖ-ਵੱਖ ਚੈਨਾ ਦਿਖਾ ਰਿਹਾ ਸੀ ਕਿ ਇਸ ਦੌਰਾਨ ਉਹ ਸੋਨੇ ਦੀਆਂ ਚੇਨਾਂ ਵਾਲਾ ਵੱਡਾ ਪੈਕਟ ਲੈ ਕੇ ਫ਼ਰਾਰ ਹੋ ਗਏ। ਲੁੱਟੇ ਗਏ ਸੋਨੇ ਦੀ ਕੀਮਤ ਕਰੀਬ ਅੱਠ ਲੱਖ ਰੁਪਏ ਦੱਸੀ ਜਾਂਦੀ ਹੈ। ਘਟਨਾ ਦੀ ਸੂਚਨਾ ਜਵੈਲਰ ਮਾਲਕ ਭੀਮ ਸੈਨ ਵੱਲੋਂ ਕੋਤਵਾਲੀ ਪੁਲਿਸ ਨੂੰ ਦਿੱਤੀ ਗਈ। ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਆਪਣੇ ਕਬਜ਼ੇ ਵਿੱਚ ਲੈ ਲਈ ਹੈ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
