ਮਾਛੀਵਾੜਾ ਸਾਹਿਬ 18 ਜੂਨ – ਪਿਛਲੇ ਦਿਨੀਂ ਪਿੰਡ ਗੜੁੀ ਤਰਖਾਣਾਂ ਦੇ ਵਸਨੀਕ ਨੌਜਵਾਨ ਰਾਜਪਾਲ ਸਿੰਘ ਨੇ ਪੁਲਿਸ ਦੀ ਜ਼ਲਾਲਤ ਤੋਂ ਤੰਗ ਆ ਕੇ ਉਸ ਸਮੇਂ ਖ਼ੁਦਕੁਸ਼ੀ ਕਰ ਲਈ ਸੀ, ਜਦੋਂ ਪੁਲਿਸ ਜ਼ਿਲ੍ਹਾ ਖੰਨਾ ਵਿਚ ਤਾਇਨਾਤ ਇੰਸਪੈਕਟਰ ਦਵਿੰਦਰ ਸਿੰਘ ਨੇ ਮ੍ਰਿਤਕ ਰਾਜਪਾਲ ਦੀ ਮਾਂ ਨੂੰ ਕਿਸੇ ਕੇਸ ਵਿਚ ਬਿਨਾਂ ਵਜਾ ਜ਼ਲੀਲ ਕੀਤਾ। ਕਾਫ਼ੀ ਮਸ਼ੱਕਤ ਬਾਦ ਰਾਜਪਾਲ ਦੇ ਪਰਿਵਾਰ ਦੇ ਬਿਆਨਾਂ ‘ਤੇ ਖ਼ੁਦਕੁਸ਼ੀ ਲਈ ਉਕਸਾਉਣ ਲਈ ਇੰਸਪੈਕਟਰ ਦਵਿੰਦਰ ਸਿੰਘ ,ਮ੍ਰਿਤਕ ਦੀ ਪੁਲਿਸ ਮੁਲਾਜ਼ਮ ਭਰਜਾਈ ਤੇ ਦੋ ਹੋਰ ਵਿਅਕਤੀਆਂ ਵਿਰੁੱਧ ਪੁਲਿਸ ਨੇ ਪਰਚਾ ਤਾਂ ਦਰਜ ਕਰ ਲਿਆ,ਪਰ ਅਜੇ ਤੱਕ ਕਿਸੇ ਦੀ ਵੀ ਗ੍ਰਿਫ਼ਤਾਰੀ ਨਹੀ ਕੀਤੀ । ਜਿਸ ਦੇ ਰੋਸ ਵਜੋਂ ਮ੍ਰਿਤਕ ਨੌਜਵਾਨ ਦੇ ਪੁਲਿਸ ਮੁਲਾਜ਼ਮ ਭਰਾ,ਮਾਂ ਤੇ ਪਿੰਡ ਵਾਸੀਆਂ ਨੇ ਗੜੁੀ ਪੁਲ ‘ਤੇ ਧਰਨਾ ਲਗਾ ਕੇ ਆਪਣੇ ਗ਼ੁੱਸੇ ਦਾ ਪ੍ਰਗਟਾਵਾ ਕੀਤਾ । ਇਸ ਦੌਰਾਨ ਕਈ ਘੰਟੇ ਪੁਲ ਦੇ ਚਾਰੇ ਪਾਸੇ ਆਵਾਜਾਈ ਪੂਰੀ ਤਰਾ ਬੰਦ ਰਹੀ ।
