ਸੋਨੇ ਦੀਆਂ ਕੀਮਤਾਂ ‘ਚ ਜ਼ਬਰਦਸਤ ਤੇਜ਼ੀ, ਚਾਂਦੀ ਵੀ ਹੋਈ ਮਹਿੰਗੀ, ਜਾਣੋ ਕੀ ਹਨ ਰੇਟ

ਨਵੀਂ ਦਿੱਲੀ, ਪੀਟੀਆਈ : ਵੀਰਵਾਰ ਨੂੰ ਸੋਨਾ ਤੇ ਚਾਂਦੀ ਦੋਵੇਂ ਮਹਿੰਗੇ ਹੋ ਗਏ। HDFC Securities ਮੁਤਾਬਕ, ਗਲੋਬਲ ਪੱਧਰ ‘ਤੇ ਧਾਤੂਆਂ ਦੀਆਂ ਕੀਮਤਾਂ ‘ਚ ਮਜ਼ਬੂਤ ਸੁਧਾਰ ਤੇ ਰੁਪਏ ‘ਚ ਗਿਰਾਵਟ ਦੀ ਵਜ੍ਹਾ ਤੋਂ ਰਾਸ਼ਟਰੀ ਰਾਜਧਾਨੀ ‘ਚ ਸੋਨਾ 526 ਰੁਪਏ ਦੀ ਤੇਜ਼ੀ ਨਾਲ 46,310 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ। ਪਿਛਲੇ ਕਾਰੋਬਾਰਾਂ ‘ਚ ਸੋਨਾ 45,784 ਰੁਪਏ ਪ੍ਰਤੀ 10 ਗ੍ਰਾਮ ‘ਤੇ ਬੰਦ ਹੋਇਆ ਸੀ। ਚਾਂਦੀ ਦੀ ਕੀਮਤਾਂ ‘ਚ ਵੀ ਅੱਜ ਤੇਜ਼ੀ ਰਹੀ ਹੈ ਤੇ ਇਹ ਕੀਮਤੀ ਧਾਤੂ ਪਿਛਲੇ ਕਾਰੋਬਾਰ ‘ਚ 67,423 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ 1,231 ਰੁਪਏ ਵਧ ਕੇ 68,654 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ।

ਐਚਡੀਐਫਸੀ ਸਿਕਿਓਰਿਟੀਜ, ਸੀਨੀਅਰ ਐਨਾਲਿਸਟ, ਤਪਨ ਪਟੇਲ ਮੁਤਾਬਕ ਕਾਮੈਕਸ ਗੋਲਡ ਦੀਆਂ ਕੀਮਤਾਂ ‘ਚ ਮਜ਼ਬੂਤ ਰਿਕਵਰੀ ਤੇ ਰੁਪਏ ਦੇ ਗਿਰਾਵਟ ਨਾਲ ਦਿੱਲੀ ‘ਚ 24 ਕੈਰੇਟ ਦੇ ਸੋਨੇ ਦੀਆਂ ਕੀਮਤਾਂ ‘ਚ 526 ਰੁਪਏ ਦੀ ਤੇਜ਼ੀ ਆਈ।