ਲੁਧਿਆਣਾ : ਪੰਜਾਬ ‘ਚ ਦੁੱਧ ਦੀਆਂ ਕੀਮਤਾਂ ‘ਚ ਦੋ ਰੁਪਏ ਦਾ ਇਜਾਫ਼ਾ ਕਰ ਦਿੱਤਾ ਗਿਆ ਹੈ। ਇਸ ਨੂੰ ਲੈ ਕੇ ਲੰਬੇ ਸਮੇਂ ਤੋਂ ਤਿਆਰੀ ਕੀਤੀ ਜਾ ਰਹੀ ਸੀ। ਇਸ ਦੇ ਪਿੱਛੇ ਦਾ ਮੁੱਖ ਕਾਰਨ ਕਿਸਾਨਾਂ ਦੀ ਲਾਗਤ ਵੱਧ ਜਾਣਾ ਹੈ। ਇਸ ਨੂੰ ਲੈ ਕੇ ਇਕ ਜੁਲਾਈ ਤੋਂ ਮਹਿੰਗੀਆਂ ਕੀਮਤਾਂ ਨੂੰ ਲਾਗੂ ਕਰ ਦਿੱਤਾ ਗਿਆ ਹੈ। ਵੇਰਕਾ ਤੇ ਅਮੂਲ ਸਮੇਤ ਡੇਅਰੀ ਸੰਚਾਲਕਾਂ ਵੱਲੋਂ ਕੀਮਤਾਂ ਨੂੰ ਵੀ ਤਤਕਾਲ ਪ੍ਰਭਾਵ ਤੋਂ ਲਾਗੂ ਕਰ ਦਿੱਤਾ ਹੈ। ਚਾਹੇ ਹੀ ਇਸ ਸਮੇਂ ਖਪਤ ਪਹਿਲਾਂ ਦੀ ਤੁਲਨਾ ‘ਚ ਘੱਟ ਹੋਈ ਹੈ ਪਰ ਕੀਮਤਾਂ ‘ਚ ਹੋ ਰਹੇ ਇਜਾਫ਼ੇ ਨਾਲ ਲੋਕ ਪਰੇਸ਼ਾਨ ਹਨ।
ਆਮ ਜਨਤਾ ਦੇ ਨਾਲ-ਨਾਲ ਹਲਵਾਈਆਂ ਲਈ ਵੀ ਇਹ ਮਹਿੰਗਾਈ ਲਾਗਤ ਕੀਮਤ ਨੂੰ ਵਧਾਏਗੀ ਤੇ ਇਸ ਦਾ ਅਸਰ ਕਈ ਉਤਪਾਦਾਂ ‘ਚ ਮਹਿੰਗਾਈ ਦੇ ਰੂਪ ‘ਚ ਦੇਖਣ ਨੂੰ ਮਿਲ ਸਕਦਾ ਹੈ। ਦੁੱਧ ਉਤਪਾਦਕਾਂ ਨੇ ਇਸ ਦੇ ਪਿੱਛੇ ਦਾ ਕਾਰਨ ਪਿਛਲੇ ਮਹੀਨਿਆਂ ਤੋਂ ਕੀਮਤਾਂ ‘ਚ ਹੋ ਰਿਹਾ ਇਜਾਫ਼ਾ ਹੈ। ਜਦਕਿ ਡੇਢ ਸਾਲ ਤੋਂ ਦੁੱਧ ਦੀਆਂ ਕੀਮਤਾਂ ‘ਚ ਕੋਈ ਇਜਾਫ਼ਾ ਨਹੀਂ ਕੀਤਾ ਗਿਆ ਹੈ।
ਹਲਵਾਈਆਂ ਲਈ ਹੁਣ ਹੋਰ ਵਧੇਗੀ ਚਿੰਤਾ
ਪੰਜਾਬ ਹਲਵਾਈ ਐਸੋਸੀਏਸ਼ਨ ਦੇ ਪ੍ਰਧਾਨ ਨਰਿੰਦਰ ਪਾਲ ਸਿੰਘ ਨੇ ਕਿਹਾ ਕਿ ਪਹਿਲਾਂ ਡੀਜ਼ਲ ਤੇ ਹੁਣ ਦੁੱਧ ਦੀਆਂ ਕੀਮਤਾਂ ‘ਚ ਇਜਾਫ਼ਾ ਹੋਣ ਨਾਲ ਹਲਵਾਈਆਂ ਲਈ ਸਮੱਸਿਆ ਵੱਧ ਗਈ ਹੈ। ਅਜਿਹੇ ‘ਚ ਹੁਣ ਸਾਡੇ ਕੋਲ ਵਾਧੇ ਦੇ ਸਿਵਾਏ ਕੋਈ ਹੋਰ ਚਾਰਾ ਨਹੀਂ। ਸਾਨੂੰ ਮਜ਼ਬੂਰਨ ਹੁਣ ਕੀਮਤਾਂ ‘ਚ ਇਜਾਫ਼ਾ ਕਰਨਾ ਪਵੇਗਾ। ਪਹਿਲਾਂ ਹੀ ਮੰਗ ਘੱਟ ਹੋਣ ਤੋਂ ਸਾਨੂੰ ਇਨਪੁਟ ਕਾਸਟ ਕੱਢਣਾ ਮੁਸ਼ਕਲ ਹੋ ਰਿਹਾ ਹੈ ਤੇ ਹੁਣ ਵਾਧੇ ਨਾਲ ਸਾਡੇ ਕੋਲ ਉਤਪਾਦਾਂ ਦੀਆਂ ਕੀਮਤਾਂ ‘ਚ ਇਜਾਫ਼ੇ ਦੇ ਸਿਵਾਇ ਕੋਈ ਚਾਰਾ ਨਹੀਂ।
ਕਿੰਨਾ ਮਹਿੰਗਾ ਹੋਇਆ ਦੁੱਧ (ਪ੍ਰਤੀ ਲੀਟਰ)
1. ਅਮੂਲ ਡਾਇਮੈਂਡ – 59 ਰੁਪਏ ਤੋਂ 61 ਰੁਪਏ
2. ਅਮੂਲ ਗੋਲਡ – 55 ਰੁਪਏ ਤੋਂ 57 ਰੁਪਏ
3. ਅਮੂਲ ਸ਼ਕਤੀ – 49 ਰੁਪਏ ਤੋਂ 51 ਰੁਪਏ
4. ਅਮੂਲ ਤਾਜ਼ਾ – 45 ਰੁਪਏ ਤੋਂ 47 ਰੁਪਏ
5. ਵੇਰਕਾ ਗੋਲਡ – 55 ਰੁਪਏ ਤੋਂ 57 ਰੁਪਏ
6. ਵੇਰਕਾ ਸ਼ਕਤੀ – 49 ਰੁਪਏ ਤੋਂ 51 ਰੁਪਏ
7. ਵੇਰਕਾ ਤਾਜ਼ਾ – 45 ਰੁਪਏ ਤੋਂ 47 ਰੁਪਏ
8. ਵੇਰਕਾ ਸਲਿਮਰ – 39 ਰੁਪਏ ਤੋਂ 41 ਰੁਪਏ
9. ਡੇਅਰੀ ਮਿਲਕ – 60 ਰੁਪਏ ਤੋਂ 62 ਰੁਪਏ
