ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਮੋਗਾ : ਚਾਰ ਸਾਲ ਪਹਿਲਾਂ ਵਿਆਹ ਕਰਨ ਵਾਲੇ ਸਿਰਫਿਰੇ ਵਿਆਹੁਤਾ ਜੋੜੇ ਦੀ ਅਨੋਖੀ ਦੀਵਾਨਗੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਕ-ਦੂਜੇ ਲਈ ਪਿਆਰ ਦਾ ਪਤਾ ਲਗਾਉਣ ਲਈ ਉਨ੍ਹਾਂ ਨੇ ਜ਼ਹਿਰ ਪੀ ਲਿਆ। ਜ਼ਹਿਰ ਪੀਂਦੇ ਸਮੇਂ ਦੋਵਾਂ ਨੇ ਆਪਣੀ ਇਕ ਸਾਲ ਦੀ ਮਾਸੂਮ ਬੱਚੀ ਦੇ ਭਵਿੱਖ ਬਾਰੇ ਵੀ ਨਹੀਂ ਸੋਚਿਆ। ਜ਼ਹਿਰ ਪੀਣ ਤੋਂ ਬਾਅਦ ਪਤਨੀ ਦੀ ਮੌਤ ਹੋ ਗਈ, ਜਦੋਂਕਿ ਪਤੀ ਘਟਨਾ ਤੋਂ ਤਿੰਨ ਤਕ ਤਕ ਆਈਸੀਯੂ ’ਚ ਜ਼ਿੰਦਗੀ ਤੇ ਮੌਤ ਨਾਲ ਜੂਝਦਾ ਰਿਹਾ। ਹਾਲਾਂਕਿ ਹੁਣ ਉਸ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ। ਚੌਕਸੀ ਵਜੋਂ ਉਸ ਨੂੰ ਵੀਰਵਾਰ ਸ਼ਾਮ ਤਕ ਨਿਹਾਲ ਸਿੰਘ ਵਾਲਾ ਦੇ ਇਕ ਨਿੱਜੀ ਹਪਸਤਾਲ ਦੇ ਆਈਸੀਯੂ ’ਚ ਹੀ ਰੱਖਿਆ ਗਿਆ ਹੈ।
ਪਿਆਰ ’ਚ ਚੂਹੇਮਾਰ ਦਵਾਈ ਪੀ ਸਕਦੇੇ ਹੋ ਤਾਂ ਪਤੀ ਤਿਆਰ ਹੋ ਗਿਆ
ਥਾਣਾ ਸਮਾਲਸਰ ਦੇ ਪਿੰਡ ਵੈਰੋਕੇ ਦੇ ਹਰਜਿੰਦਰ ਸਿੰਘ ਦਾ ਪ੍ਰੇਮ ਵਿਆਹ ਚਾਰ ਸਾਲ ਪਹਿਲਾਂ ਫ਼ਰੀਦਕੋਟ ਦੀ ਮਨਪ੍ਰੀਤ ਕੌਰ ਨਾਲ ਹੋਇਆ ਸੀ। ਉਨ੍ਹਾਂ ਦੀ ਇਕ ਸਾਲ ਦੀ ਬੇਟੀ ਹੈ। ਥਾਣਾ ਸਮਾਲਸਰ ਦੇ ਏਐੱਸਆਈ ਰਾਜ ਸਿੰਘ ਨੇ ਦੱਸਿਆ ਕਿ ਹਰਜਿੰਦਰ ਸਿੰਘ ਦੀ ਮਾਂ ਨੇ ਦੱਸਿਆ ਕਿ ਐਤਵਾਰ ਨੂੰ ਬੇਟੇ ਹਰਿੰਦਰ ਅਤੇ ਨੂੰਹ ਮਨਪ੍ਰੀਤ ਵਿਚਕਾਰ ਸ਼ਰਤ ਲੱਗੀ ਕਿ ਕਿਹੜਾ ਕਿਸ ਨੂੰ ਕਿੰਨਾ ਪਿਆਰ ਕਰ ਸਕਦਾ ਹੈ। ਕੌਣ ਕਿਸ ਦੇ ਕਹਿਣ ’ਤੇ ਕੀ ਕਰ ਸਕਦਾ ਹੈ। ਪਤਨੀ ਨੇ ਸ਼ਰਤ ਰੱਖੀ ਕਿ ਕੀ ਉਹ ਚੂਹੇਮਾਰ ਦਵਾਈ ਪੀ ਸਕਦਾ ਹੈ ਤਾਂ ਪਤੀ ਤਿਆਰ ਹੋ ਗਿਆ। ਦੋਵਾਂ ਨੇ ਇਕੱਠਿਆਂ ਨੇ ਚੂਹੇਮਾਰ ਦਵਾਈ ਕੋਲਡ ਡਰਿੰਕ ਦੇ ਨਾਲ ਪੀ ਲਈ। ਥੋੜ੍ਹੀ ਦੇਰ ਬਾਅਦ ਜਦੋਂ ਦੋਵਾਂ ਦੀ ਹਾਲਤ ਵਿਗੜਨ ਲੱਗੀ ਤਾਂ ਘਰਵਾਲਿਆਂ ਨੇ ਉਨ੍ਹਾਂ ਨੂੰ ਨਿੱਜੀ ਹਸਪਤਾਲ ’ਚ ਦਾਖ਼ਲ ਕਰਵਾਇਆ, ਜਿੱਥੇ ਮਨਪ੍ਰੀਤ ਦੀ ਸੋਮਵਾਰ ਦੀ ਸ਼ਾਮ ਮੌਤ ਹੋ ਗਈ। ਉੱਥੇ, ਹਰਜਿੰਦਰ ਸਿੰਘ ਜ਼ਿੰਦਗੀ ਤੇ ਮੌਤ ਨਾਲ ਜੂਝਦਾ ਰਿਹਾ।
ਸੋਮਵਾਰ ਦੁਪਹਿਰ ਹਰਜਿੰਦਰ ਸਿੰਘ ਨੇ ਹੋਸ਼ ’ਚ ਆਉਣ ’ਤੇ ਮੀਡੀਆ ਨਾਲ ਗੱਲ ਕੀਤੀ। ਉਸ ਨੇ ਦੱਸਿਆ ਕਿ ਉਸ ਨੇ ਤੇ ਉਸ ਦੀ ਪਤਨੀ ਦੋਵਾਂ ਨੇ ਦਵਾਈ ਪੀ ਲਈ ਹੈ। ਪਤਨੀ ਦੀ ਮੌਤ ਦੀ ਜਾਣਕਾਰੀ ਅਜੇ ਤਕ ਉਸ ਨੂੰ ਨਹੀਂ ਦਿੱਤੀ ਗਈ। ਪੁਲਿਸ ਨੇ ਇਸ ਮਾਮਲੇ ’ਚ ਧਾਰਾ 174 ਤਹਿਤ ਕਾਰਵਾਈ ਕੀਤੀ ਹੈ। ਕਿਸੇ ਨੂੰ ਵੀ ਮੌਤ ਲਈ ਜ਼ਿੰਮੇਵਾਰ ਨਹੀਂ ਮੰਨਿਆ ਗਿਆ।
