ਰੋਪੜ : ਪਿਛਲੇ ਕੁਝ ਦਿਨ ਪਹਿਲਾਂ ਗੁਰੂ ਗੋਬਿੰਦ ਸਿੰਘ ਸੁਪਰ ਥਰਮਲ ਪਲਾਟ ਰੋਪੜ ਦੇ ਛੇ ਨੰਬਰ ਯੂਨਿਟ ਅਤੇ ਤਿੰਨ ਨੰਬਰ ਯੂਨਿਟ ਕੁਝ ਤਕਨੀਕੀ ਨੁਕਸ ਦੇ ਕਾਰਨ ਬੰਦ ਹੋ ਗਏ ਸਨ। ਬਿਜਲੀ ਦੀ ਮੰਗ ਪੰਜਾਬ ਵਿੱਚ ਵੱਧਣ ਲੱਗ ਗਈ ਹੈ। ਉਸੇ ਦੇ ਚੱਲਦਿਆ ਥਰਮਲ ਪਲਾਂਟ ਰੋਪੜ ਦੇ ਤਕਨੀਕੀ ਮਾਹਰਾਂ ਵੱਲੋਂ ਛੇ ਨੰਬਰ ਯੂਨਿਟ ਅਤੇ ਤਿੰਨ ਨੰਬਰ ਯੂਨਿਟ ਦਾ ਤਕਨੀਕੀ ਨੁਕਸ ਠੀਕ ਕਰ ਲਿਆ ਗਿਆ ਹੈ
ਇਸੇ ਦੌਰਾਨ ਜਦੋਂ ਰੋਪੜ ਥਰਮਲ ਪਲਾਂਟ ਦੇ ਚੀਫ ਇੰਜੀਨੀਅਰ ਰਵੀ ਕੁਮਾਰ ਵਧਵਾ ਦੇ ਨਾਲ ਗੱਲਬਾਤ ਹੋਈ ਤਾਂ ਉਹਨਾਂ ਦੱਸਿਆ ਕਿ ਰੋਪੜ ਥਰਮਲ ਪਲਾਂਟ ਦੇ ਦੋ ਯੂਨਿਟ ਛੇ ਨੰਬਰ ਅਤੇ ਤਿੰਨ ਨੰਬਰ ਕੁਝ ਤਕਨੀਕੀ ਨੁਕਸ ਪੈਣ ਕਾਰਨ ਬੰਦ ਹੋ ਗਏ ਸਨ।ਹੁਣ ਉਹਨਾਂ ਵੱਲੋਂ ਤਕਨੀਕੀ ਨੁਕਸ ਠੀਕ ਕਰਨ ਉਪਰੰਤ ਮਿਤੀ 16/7/2021 ਨੂੰ ਸਵੇਰੇ ਤਿੰਨ ਨੰਬਰ ਯੂਨਿਟ ਮੁੜ ਲਾਈਟਅੱਪ ਕਰ ਦਿੱਤਾ ਗਿਆ ਸੀ ਤੇ ਹੁਣ ਉਸ ਯੂਨਿਟ ਨੇ ਬਿਜਲੀ ਉਤਪਾਦਨ ਸ਼ੁਰੂ ਕਰ ਦਿੱਤਾ ਹੈ।
ਚੀਫ ਇੰਜੀਨੀਅਰ ਰਵੀ ਕੁਮਾਰ ਵਧਵਾ ਨੇ ਦੱਸਿਆ ਕਿ ਉਸਦੇ ਨਾਲ ਹੀ ਛੇ ਨੰਬਰ ਯੂਨਿਟ ਵੀ ਬਾਅਦ ਦੁਪਹਿਰ ਲਾਈਟਅੱਪ ਕਰ ਦਿਤਾ ਗਿਆ ਹੈ ਉਹ ਵੀ ਦੇਰ ਸ਼ਾਮ ਬਿਜਲੀ ਉਤਪਾਦਨ ਸ਼ੁਰੂ ਕਰ ਦੇਵੇਗਾ । ਇਸ ਮੌਕੇ ਚੀਫ ਇੰਜੀਨੀਅਰ ਰਵੀ ਕੁਮਾਰ ਵਧਵਾ ਨੇ ਦੱਸਿਆ ਕਿ ਉਹ ਜ਼ਿਆਦਾ ਤੋਂ ਜ਼ਿਆਦਾ ਬਿਜਲੀ ਉਤਪਾਦਨ ਕਰਨ ਲਈ ਵਚਨਬੱਧ ਹਨ। ਉਹ ਰੋਪੜ ਥਰਮਲ ਪਲਾਂਟ ਵੱਲੋਂ ਜ਼ਿਆਦਾ ਤੋਂ ਜ਼ਿਆਦਾ ਬਿਜਲੀ ਉਤਪਾਦਨ ਕਰ ਕੇ ਦੇਣਗੇ ਤਾਂ ਜੋ ਪੰਜਾਬ ਵਿੱਚ ਬਿਜਲੀ ਸੰਕਟ ਨਾ ਆਵੇ। ਉਹਨਾਂ ਦੱਸਿਆ ਕਿ ਲੋੜੀਂਦੇ ਕੋਲੇ ਦੇ ਭੰਡਾਰ ਤੇਲ ਸਭ ਕੁਝ ਮੌਜੂਦ ਹੈ ਤੇ ਨਾਲ ਦੀ ਨਾਲ ਕੋਲਾ ਅਤੇ ਤੇਲ ਵੱਡੀ ਮਾਤਰਾ ਵਿੱਚ ਮੰਗਵਾਇਆ ਜਾ ਰਿਹਾ ਹੈ ਤਾਂ ਜੋ ਮਟੀਰੀਅਲ ਕਰ ਕੇ ਬਿਜਲੀ ਉਤਪਾਦਨ ਵਿਚ ਕਿਸੇ ਕਿਸਮ ਦੀ ਦਿੱਕਤ ਪੇਸ਼ ਨਾਂ ਆਵੇ। ਇਸ ਮੌਕੇ ਐਸ ਐਲ ਡੀ ਸੀ ਸਾਈਟ ਤੋਂ ਜਾਣਕਾਰੀ ਮੁਤਾਬਿਕ ਰੋਪੜ ਥਰਮਲ ਪਲਾਂਟ ਦੇ ਤਿੰਨ ਨੰਬਰ ਯੂਨਿਟ 150 ਮੈਗਾਵਟ, ਚਾਰ ਨੰਬਰ ਯੂਨਿਟ 202 ਮੈਗਾਵਟ ਅਤੇ ਪੰਜ ਨੰਬਰ ਯੂਨਿਟ 205 ਮੈਗਾਵਟ ਬਿਜਲੀ ਉਤਪਾਦਨ ਕਰ ਰਿਹਾ ਹੈ। ਚੀਫ ਇੰਜੀਨੀਅਰ ਰਵੀ ਕੁਮਾਰ ਵਧਵਾ ਮੁਤਾਬਿਕ ਛੇ ਨੰਬਰ ਯੂਨਿਟ ਵੀ ਦੇਰ ਸ਼ਾਮ ਬਿਜਲੀ ਉਤਪਾਦਨ ਸ਼ੁਰੂ ਕਰ ਦੇਵੇਗਾ।
