ਚੰਡੀਗੜ੍ਹ ‘ਚ ਪੁਲਿਸ ਸਟੇਸ਼ਨ ਤੋਂ ਕੁਝ ਕਦਮਾਂ ਦੀ ਦੂਰੀ ‘ਤੇ ਮੇਅਰ ਸਮੇਤ ਬੀਜੇਪੀ ਆਗੂਆਂ ਨੂੰ ਘੇਰਿਆ, ਗੱਡੀ ਦੀ ਕੀਤੀ ਤੋੜਭੰਨ

ਚੰਡੀਗੜ੍ਹ : ਖੇਤੀ ਕਾਨੂੰਨਾਂ ਦੇ ਵਿਰੋਧ ‘ਚ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਨੇ ਚੰਡੀਗੜ੍ਹ ਦੀ ਸੈਕਟਰ 48 ਸਥਿਤ ਮੋਟਰ ਮਾਰਕੀਟ ‘ਚ ਸ਼ਨਿਚਰਵਾਰ ਨੂੰ ਵੱਡਾ ਹੰਗਾਮਾ ਕਰ ਦਿੱਤਾ। ਮੋਟਰ ਮਾਰਕੀਟ ਐਸੋਸੀਏਸ਼ਨ ਵੱਲੋਂ ਕਰਵਾਏ ਸਵਾਗਤੀ ਸਮਾਗਮ ‘ਚ ਪਹੁੰਚੇ ਚੰਡੀਗੜ੍ਹ ਦੇ ਸਾਬਕਾ ਬੀਜੇਪੀ ਪ੍ਰਧਾਨ ਤੇ ਹਿਮਾਚਲ ਦੇ ਸਹਿ-ਇੰਚਾਰਜ ਸੰਜੇ ਟੰਡਨ ਸਮੇਤ ਮੰਡਲ ਪ੍ਰਧਾਨ ਅਭੀ ਭਸੀਨ ਦੀ ਗੱਡੀ ‘ਤੇ ਲਾਠੀਆਂ ਤੇ ਪੱਥਰਾਂ ਨਾਲ ਹਮਲਾ ਕੀਤਾ ਗਿਆ। ਇਸ ਦੌਰਾਨ ਕਥਿਤ ਕਿਸਾਨਾਂ ਨੇ ਕਾਫੀ ਦੇਰ ਤਕ ਮੇਅਰ ਸਮੇਤ ਦੂਸਰੇ ਭਾਜਪਾ ਆਗੂਆਂ ਨੂੰ ਘੇਰੀ ਰੱਖਿਆ। ਮੌਜੂਦ ਪੁਲਿਸ ਮੁਲਾਜ਼ਮਾਂ ਨੇ ਕੜੀ ਮੁਸ਼ੱਕਤ ਤੋਂ ਬਾਅਦ ਮੇਅਰ ਸਮੇਤ ਭਾਜਪਾ ਆਗੂਆਂ ਨੂੰ ਹੰਗਾਮੇ ‘ਚੋਂ ਬਾਹਰ ਕੱਢਿਆ। ਇਸ ਦੌਰਾਨ ਐੱਸਪੀ ਸਾਊਥ ਸ਼ਰੂਤੀ ਅਰੋੜਾ, ਸੈਕਟਰ 49 ਥਾਣਾ ਇੰਚਾਰਜ ਸਮੇਤ ਭਾਰੀ ਪੁਲਿਸ ਬਲ ਮੌਜੂਦ ਸੀ

ਜਾਣਕਾਰੀ ਅਨੁਸਾਰ ਮਾਰਚ 2021 ‘ਚ ਸੈਕਟਰ 48 ਦੀ ਮੋਟਰ ਮਾਰਕੀਟ ‘ਚ ਇਕ ਕਬ਼ਜ਼ਾ ਹਟਾਓ ਡਰਾਈਵ ਚਲਾਈ ਗਈ ਸੀ। ਇਸ ਵਿਚ ਚੰਡੀਗੜ੍ਹ ਭਾਜਪਾ ਤੇ ਨਗਰ ਨਿਗਮ ਵੱਲੋਂ ਮਾਰਕੀਟ ਐਸੋਸੀਏਸ਼ਨ ਨੂੰ ਕਾਫੀ ਮਦਦ ਦਿੱਤੀ ਗਈ ਸੀ। ਇਸੇ ਕਾਰਨ ਮਾਰਕੀਟ ਐਸੋਸੀਏਸ਼ਨ ਵੱਲੋਂ ਮੇਅਰ ਸਮੇਤ ਹੋਰ ਭਾਜਪਾ ਆਗੂਆਂ ਦਾ ਧੰਨਵਾਦ ਕਰਨ ਲਈ ਪ੍ਰੋਗਰਾਮ ਕਰਵਾਇਆ ਗਿਆ ਸੀ

ਇਸ ਦੌਰਾਨ ਹੋਈ ਵਾਰਦਾਤ ਚੰਡੀਗੜ੍ਹ ਭਾਜਪਾ ਦੇ ਮੰਡਲ ਪ੍ਰਧਾਨ ਅਭੀ ਭਸੀਨ ਨੇ ਦੱਸਿਆ ਕਿ ਮਾਰਕੀਟ ਐਸੋਸੀਏਸ਼ਨ ਵੱਲੋਂ ਪ੍ਰੋਗਰਾਮ ਦਾ ਸਮਾਂ 10 ਵਜੇ ਨਿਰਧਾਰਤ ਕੀਤਾ ਗਿਆ ਸੀ। ਸਵੇਰੇ 11 ਵਜੇ ਤੋਂ ਪ੍ਰੋਗਰਾਮ ਸ਼ੁਰੂ ਹੋ ਕੇ 1 ਘੰਟਾ ਚੱਲਣ ਤੋਂ ਬਾਅਦ 12 ਵਜੇ ਖ਼ਤਮ ਹੋਇਆ। ਇਸ ਦੌਰਾਨ ਸਭ ਕੁਝ ਚੰਗਾ ਚੱਲ ਰਿਹਾ ਸੀ ਤੇ ਮਾਹੌਲ ਸ਼ਾਂਤ ਸੀ। ਥੋੜ੍ਹੀ ਹੀ ਦੇਰ ‘ਚ ਤਕਰੀਬਨ 400 ਕਥਿਤ ਕਿਸਾਨਾਂ ਨੇ ਲਾਠੀਆਂ ਤੇ ਪੱਥਰ ਲੈ ਕੇ ਸੰਜੇ ਟੰਡਨ, ਰਵੀਕਾਂਤ ਸਮੇਤ ਉਨ੍ਹਾਂ ਦੀ ਗੱਡੀ ਨੂੰ ਘੇਰ ਲਿਆ। ਇਸੇ ਦੌਰਾਨ ਪ੍ਰਦਰਸ਼ਨਕਾਰੀਆਂ ਨੇ ਗੱਡੀਆਂ ‘ਤੇ ਹਮਲਾ ਵੀ ਕਰ ਦਿੱਤਾ। ਇਸ ਵਿਚ ਮੈਹਰ ਦੀ ਗੱਡੀ ਸਭ ਤੋਂ ਜ਼ਿਆਦਾ ਨੁਕਸਾਨ ਗਈ ਜਦਕਿ ਸੰਜੇ ਟੰਡਨ ਦੀ ਗੱਡੀ ਦੇ ਪਿੱਛੇ ਵਾਲੇ ਸ਼ੀਸ਼ੇ ਟੁੱਟ ਗਏ। ਕਿਸੇ ਨੂੰ ਕੋਈ ਗੰਭੀਰ ਸੱਟ ਨਹੀਂ ਲੱਗੀ