ਅੰਮਿ੍ਤਸਰ : ਪਿੰਗਲਵਾੜਾ ਵਿਚ ਪਲੇ ਸੋਹਣਾ-ਮੋਹਣਾ ਨੂੰ ਲੈ ਕੇ ਡਾਕਟਰ ਦੁਚਿੱਤੀ ਵਿਚ ਫਸ ਗਏ ਹਨ। ਸਰੀਰਕ ਪੱਖੋਂ ਜੁੜੇ ਸੋਹਣਾ ਤੇ ਮੋਹਣਾ 18 ਵਰਿ੍ਹਆਂ ਦੇ ਹੋ ਚੁੱਕੇ ਹਨ। ਸਰੀਰਕ ਨੁਕਸ ਕਾਰਨ ਬੁਰੇ ਹਾਲਾਤ ਦਾ ਸਾਹਮਣਾ ਕਰਨ ਵਾਲੇ ਸੋਹਣਾ-ਮੋਹਣਾ ਸਰਕਾਰੀ ਨੌਕਰੀ ਹਾਸਿਲ ਕਰ ਸਕਦੇ ਹਨ ਪਰ ਉਨ੍ਹਾਂ ਨੂੰ ਅਪਾਹਜ ਹੋਣ ਦਾ ਸਰਟੀਫਿਕੇਟ ਨਹੀਂ ਮਿਲ ਰਿਹਾ ਹੈ। ਦੋਵੇਂ ਇਲੈਕਟਿ੍ਕ ਇੰਜੀਨੀਅਰਿੰਗ ਵਿਸ਼ੇ ਵਿਚ ਡਿਪਲੋਮਾ ਕਰ ਚੁੱਕੇ ਹਨ ਤੇ ਉਨ੍ਹਾਂ ਨੇ ਪੰਜਾਬ ਪਾਵਰਕਾਮ ਵਿਚ ਜੂਨੀਅਰ ਇੰਜੀਨੀਅਰ ਦੀ ਅਸਾਮੀ ਲਈ ਬਿਨੈ ਕੀਤਾ ਹੈ। ਇਸ ਲਈ ਉਹ ਅਪਾਹਜ ਹੋਣ ਦਾ ਸਰਟੀਫਿਕੇਟ ਤੇ ਮੈਡੀਕਲ ਫਿਟਨੈੱਸ ਸਰਟੀਫਿਕੇਟ ਬਣਵਾਉਣਾ ਚਾਹੁੰਦੇ ਹਨ ਜੋ ਕਿ ਆਸਾਨ ਨਹੀਂ ਹੈ।
ਦਰਅਸਲ, ਦੋਵਾਂ ਦਾ ਮੈਡੀਕਲ ਟੈਸਟ ਸਰਕਾਰੀ ਮੈਡੀਕਲ ਕਾਲਜ ਅੰਮਿ੍ਤਸਰ ਵਿਚ ਕੀਤਾ ਗਿਆ ਹੈ। ਇਨ੍ਹਾਂ ਦੇ ਖ਼ੂਨ ਤੇ ਯੂਰਿਨ ਦੇ ਸੈਂਪਲ ਦੀ ਰਿਪੋਰਟ ਠੀਕ ਆਈ ਹੈ। ਇਨ੍ਹਾਂ ਦੀ ਅਪਾਹਜਤਾ ਜਾਂਚਣ ਲਈ ਡਾਕਟਰਾਂ ਦਾ ਬੋਰਡ ਬਣਾਇਆ ਗਿਆ ਹੈ। ਇਸ ਵਿਚ ਦੋ ਆਰਥੋ ਮਾਹਿਰ, ਇਕ ਮੈਡੀਸਨ ਤੇ ਇਕ ਨਿਊਰੋ ਮਾਹਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਡਾਕਟਰਾਂ ਨੇ ਇਨ੍ਹਾਂ ਦਾ ਸਰੀਰਕ ਜਾਇਜ਼ਾ ਲਿਆ। ਹੱਡੀਆਂ ਦੀ ਜਾਂਚ ਕੀਤੀ। ਪੌੜੀਆਂ ਚੜ੍ਹਣ ਲਈ ਆਖਿਆ ਗਿਆ। ਹੁਣ ਡਾਕਟਰਾਂ ਲਈ ਸਮੱਸਿਆ ਹੈ ਕਿ ਇਨ੍ਹਾਂ ਦਾ ਅਪਾਹਜਤਾ ਸਰਟੀਫਿਕੇਟ ਕਿਵੇਂ ਜਾਰੀ ਕਰਨ? ਡਾਕਟਰ ਸਪੱਸ਼ਟ ਆਖ ਚੁੱਕੇ ਹਨ ਕਿ ਦੋਵੇਂ ਅਪਾਹਜ ਦੀ ਸ਼੍ਰੇਣੀ ਵਿਚ ਆਉਂਦੇ ਹਨ ਪਰ ਸਰਕਾਰੀ ਨਿਯਮਾਂਵਲੀ ਵਿਚ ਕੋਈ ਇੰਤਜ਼ਾਮ ਨਾ ਹੋਣ ਕਾਰਨ ਇਨ੍ਹਾਂ ਨੂੰ ਸਰਟੀਫਿਕੇਟ ਜਾਰੀ ਨਹੀਂ ਕੀਤਾ ਜਾ ਸਕਦਾ
ਮਾਹਰਾਂ ਤੋਂ ਸਲਾਹ ਲੈ ਰਹੇ ਨੇ ਡਾਕਟਰ
ਨੌਕਰੀ ਭਾਵੇਂ ਸੋਹਣਾ ਨੂੰ ਮਿਲੇ ਜਾਂ ਮੋਹਣਾ ਨੂੰ ਮਿਲੇ, ਸਰੀਰਕ ਪੱਖੋਂ ਜੁੜੇ ਹੋਣ ਕਰ ਕੇ ਦੋਵੇਂ ਨਾਲ-ਨਾਲ ਜਾਣਗੇ। ਅਪਾਹਜ ਸਰਟੀਫਿਕੇਟ ਜਾਰੀ ਕਰਨ ‘ਤੇ ਮੈਡੀਕਲ ਕਾਲਜ ਦੇ ਡਾਕਟਰ ਵੀ ਦੁਚਿੱਤੀ ਵਿਚ ਪਏ ਹਨ। ਕਾਲਜ ਪ੍ਰਬੰਧਕ ਵੱਖ ਵੱਖ ਸੂਬਿਆਂ ਦੀ ਇਲਾਜ ਮਾਹਰਾਂ ਤੋਂ ਸਲਾਹ ਲੈ ਰਹੇ ਹਨ। ਉਥੇ ਸੁਪਰੀਮ ਕੋਰਟ ਦੇ ਕਈ ਸਾਲ ਪੁਰਾਣੇ ਫ਼ੈਸਲੇ ਲੱਭੇ ਜਾ ਰਹੇ ਹਨ ਤਾਂ ਜੋ ਇਹ ਵੇਖਿਆ ਜਾ ਸਕੇ ਕਿ ਕੀ ਕਿਸੇ ਹੋਰ ਸੂਬੇ ਦੇ ਇਹੋ ਜਿਹੇ ਨੌਜਵਾਨਾਂ ਨੂੰ ਅਪਾਹਜ ਹੋਣ ਦਾ ਸਰਟੀਫਿਕੇਟ ਜਾਰੀ ਕੀਤਾ ਗਿਆ ਸੀ। ਮੈਡੀਕਲ ਬੋਰਡ ਆਪਣੀ ਰਿਪੋਰਟ ਤਿਆਰ ਕਰ ਕੇ ਪਿ੍ਰੰਸੀਪਲ ਦਫ਼ਤਰ ਵਿਚ ਜਮ੍ਹਾਂ ਕਰਾ ਚੁੱਕਾ ਹੈ। ਸੋਮਵਾਰ ਨੂੰ ਦੋਵਾਂ ਨੂੰ ਮੁੜ ਸੱਦਿਆ ਜਾਣਾ ਹੈ। ਯਾਦ ਰਹੇ ਜੂਨ, 2003 ਨੂੰ ਦਿੱਲੀ ਦੇ ਹਸਪਤਾਲ ਵਿਚ ਜਨਮੇ ਸੋਹਣਾ ਤੇ ਮੋਹਣਾ ਨੂੰ ਜੰਮਦੇ ਸਾਰ ਮਾਪਿਆਂ ਨੇ ਸਵੀਕਾਰ ਕਰਨ ਤੋਂ ਨਾਂਹ ਕਰ ਦਿੱਤੀ ਸੀ। ਪਿੰਗਵਾੜਾ ਦੀ ਸੇਵਾਦਾਰ ਬੀਬੀ ਇੰਦਰਜੀਤ ਕੌਰ ਦੋਵਾਂ ਨੂੰ ਅੰਮਿ੍ਤਸਰ ਤੋਂ ਇੱਥੇ ਲੈਣ ਆਏ ਸਨ। ਅਜਿਹੇ ਹਾਲਾਤ ਵਿਚ ਦੋਵੇਂ ਬਾਲਗ ਹੋਏ ਹਨ
