ਜ਼ੀਕਰਪੁਰ : ਚੰਡੀਗੜ੍ਹ ਇਨਕਲੇਵ ‘ਚ ਦਰਦਨਾਕ ਹਾਦਸੇ ‘ਚ ਪੌਨੇ 3 ਸਾਲ ਦਾ ਮਾਸੂਮ ਬੱਚਾ ਪੰਜਵੀਂ ਮੰਜ਼ਿਲ ਤੋਂ ਡਿੱਗ ਗਿਆ ਜਿਸ ਨਾਲ ਉਸ ਦੀ ਮੌਤ ਹੋ ਗਈ। ਮਾਂ ਉਸ ਨੂੰ ਬਾਲਕੋਨੀ ‘ਚ ਖੜ੍ਹਾ ਛੱਡ ਕੇ ਪਤੀ ਲਈ ਗੇਟ ਖੋਲ੍ਹਣ ਗਈ ਗਈ। ਏਕਮ ਦਫਤਰ ਤੋਂ ਪਰਤੇ ਪਿਤਾ ਨੂੰ ਦੇਖ ਰਿਹਾ ਸੀ। ਹੇਠ ਝੁਕ ਕੇ ਦੇਖਣ ਦੀ ਕੋਸ਼ਿਸ਼ ‘ਚ ਬੈਲੇਂਸ ਵਿਗੜ ਗਿਆ ਤੇ ਹੇਠਾਂ ਡਿੱਗ ਗਿਆ।
ਲਹੂਲੂਹਾਨ ਹਾਲਤ ‘ਚ ਉਸ ਨੂੰ ਤੜਫਦਾ ਦੇਖ ਕੇ ਮਾਂ-ਬਾਪ ਹੇਠਾਂ ਵੱਲ ਭੱਜੇ। ਇਸ ਦੌਰਾਨ ਬੱਚੇ ਦੇ ਡਿੱਗਣ ਦੀ ਆਵਾਜ਼ ਸੁਣ ਕੇ ਆਲੇ-ਦੁਆਲੇ ਦੇ ਲੋਕ ਵੀ ਉਸ ਵੱਲ ਭਜੇ। ਜਲਦੀ-ਜਲਦੀ ਲੋਕਾਂ ਨੇ ਬੱਚੇ ਨੂੰ ਜ਼ਖ਼ਮੀ ਹਾਲਤ ‘ਚ ਇਸ ਨੂੰ ਇਲਾਜ ਲਈ ਜ਼ੀਕਰਪੁਰ ਦੇ ਐਮ ਕੇਅਰ ਹਸਪਤਾਲ ਪਹੁੰਚਾਇਆ। ਜਿੱਥੇ ਸਿਰ ਤੇ ਮੂੰਹ ‘ਚੋਂ ਤੇਜ਼ੀ ਨਾਲ ਖੂਨ ਵਹਿਣ ਦੇ ਚੱਲਦਿਆਂ ਡਾਕਟਰਾਂ ਨੇ ਉਸ ਨੂੰ ਪੀਜੀਆਈ ਰੈਫਰ ਕਰ ਦਿੱਤਾ। ਪੀਜੀਆਈ ਪਹੁੰਚਣ ‘ਤੇ ਡਾਕਟਰਾਂ ਨੇ ਕਿਹਾ ਕਿ ਬੱਚਾ ਦਮ ਤੋੜ ਚੁੱਕਾ ਹੈ।
ਇਕਲੌਤੇ ਬੇਟੇ ਦੀ ਮੌਤ ਨਾਲ ਮਾਂ ਸਦਮੇ ‘ਚ
ਬੱਚੇ ਦੇ ਡਿੱਗਦਿਆਂ ਹੀ ਮਾਂ ਨੇ ਉਸ ਨੂੰ ਬਚਾਉਣ ਲਈ ਚੀਕਣਾ ਸ਼ੁਰੂ ਕੀਤਾਂ ਤਾਂ ਪੋੜੀਆਂ ਚੜ੍ਹ ਰਹੇ ਏਕਮ ਦਾ ਪਿਤਾ ਵੀ ਹੇਠਾਂ ਵੱਲ ਭੱਜਿਆ। ਇਸ ਦੌਰਾਨ ਆਲੇ-ਦੁਆਲੇ ਦੇ ਲੋਕ ਇਕੱਠੇ ਹੋ ਗਏ। ਜਦੋਂ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ ਤਾਂ ਡਾਕਟਰਾਂ ਨੇ ਦੱਸਿਆ ਕਿ ਹੈੱਡ ਇੰਜਰੀ ਹੋਣ ਕਾਰਨ ਏਕਮ ਦਾ ਕਾਫੀ ਖੂਨ ਵਹਿ ਗਿਆ ਹੈ। ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਏਕਮ ਪਰਿਵਾਰ ਦਾ ਇਕਲੌਤਾ ਬੇਟਾ ਸੀ। ਹਾਦਸੇ ਤੋਂ ਬਾਅਦ ਮਾਂ ਕਾਫੀ ਸਦਮੇ ‘ਚ ਹੈ।
