ਚੰਡੀਗੜ੍ਹ ਦੀਆਂ ਸੜਕਾਂ ‘ਤੇ ਅਗਲੇ ਹਫ਼ਤੇ ਤੋਂ ਦੌੜੇਣਗੀ ਇਲੈਕਟ੍ਰੀਕਲ ਬੱਸ, ਜਾਣੋ ਸਭ ਤੋਂ ਪਹਿਲਾਂ ਕਿਸ ਰੂਟ ‘ਤੇ ਚੱਲੇਗੀ

ਚੰਡੀਗੜ੍ਹ, ਜੇਐਨਐਨ : ਚੰਡੀਗੜ੍ਹ ‘ਚ ਇਲੈਕਟ੍ਰੀਕਲ ਬੱਸ ਦਾ ਸਫ਼ਰ ਕਰਨ ਲਈ ਹੁਣ ਲੰਬਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ। ਇਲੈਕਟ੍ਰੀਕਲ ਬਸ ਅਗਲੇ ਹਫ਼ਤੇ ਤੋਂ ਵੀ ਚੰਡੀਗੜ੍ਹ ‘ਚ ਦੌੜਣ ਲੱਗੇਗੀ। ਪਹਿਲਾਂ ਇਲੈਕਟ੍ਰੀਕਲ ਬੱਸ ਚੰਡੀਗੜ੍ਹ ਪਹੁੰਚ ਰਹੀ ਹੈ। ਇਸ ਬੱਸ ਨੂੰ ਸਭ ਤੋਂ ਪਹਿਲਾਂ ਪੀਜੀਆਈ ਤੋਂ ਮਨੀਮਾਜਰਾ ਦੇ ਰੂਟ ‘ਤੇ ਚਲਾਇਆ ਜਾਵੇਗਾ। ਪਹਿਲਾਂ 15 ਤੋਂ 20 ਦਿਨ ਤਕ ਬੱਸ ਦਾ ਟਰਾਇਲ ਰਨ ਹੋਵੇਗਾ। ਇਸ ਦੌਰਾਨ ਬੱਸ ‘ਚ ਪੈਸੇਂਜਰ ਸਵਾਰ ਨਹੀਂ ਹੋਣਗੇ ਸਿਰਫ਼ ਪੈਸੇਂਜਰ ਜਿੰਨਾ ਭਾਰ ਨਾਲ ਬੱਸ ਦਾ ਟਰਾਇਲ ਕੀਤਾ ਜਾਵੇਗਾ

ਬੱਸ ਨੂੰ ਪੰਜਾਬ ਦੇ ਰਾਜਪਾਲ ਤੇ ਯੂਟੀ ਪ੍ਰਸ਼ਾਸਕ ਵੀਪੀ ਸਿੰਘ ਬਦਨੌਰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕਰਨਗੇ। ਇਸ ਤੋਂ ਬਾਅਦ ਬੱਸਾਂ ‘ਚ ਪੈਸੇਂਜਰ ਬਿਠਾਉਣ ਦੀ ਸ਼ੁਰੂਆਤ ਹੋ ਜਾਵੇਗੀ। ਫਿਰ ਇਸ ਰੂਟ ‘ਤੇ ਕੋਈ ਵੀ ਇਲੈਕਟ੍ਰੀਕਲ ਬਸ ‘ਚ ਸਫਰ ਕਰ ਸਕੇਗਾ। ਸਤੰਬਰ ਤਕ ਯੂਟੀ ਪ੍ਰਸ਼ਾਸਨ ਨੂੰ ਅਜਿਹੀ 20 ਇਲੈਕਟ੍ਰਿਕ ਬੱਸ ਮਿਲ ਜਾਵੇਗੀ। ਇਸ ਤੋਂ ਬਾਅਦ ਇਨ੍ਹੀਂ ਦੀ ਗਿਣਤੀ ਵਧ ਕੇ 40 ਹੋ ਜਾਵੇਗੀ। ਇਹ ਬੱਸਾਂ ਚੇਨੱਈ ਤੋਂ ਚੰਡੀਗੜ੍ਹ ਪਹੁੰਚ ਰਹੀ ਹੈ।

ਜ਼ਿਕਰਯੋਗ ਹੈ ਕਿ ਚੰਡੀਗੜ੍ਹ ਦਾ ਟਰਾਂਸਪੋਰਟ ਡਿਪਾਰਟਮੈਂਟ ਇਨ੍ਹਾਂ ਬੱਸਾਂ ਨੂੰ ਕਿਲੋਮੀਟਰ ਸਕੀਮ ਦੇ ਹਿਸਾਬ ਨਾਲ ਚਲਾ ਰਿਹਾ ਹੈ। ਜਿਸ ‘ਚ ਅਸ਼ੋਕ ਲੇਲੈਂਡ ਕੰਪਨੀ ਨੂੰ ਬੱਸਾਂ ਉਪਲਬਧ ਕਰਵਾਉਣ ਦੀ ਜ਼ਿੰਮੇਦਾਰੀ ਦਿੱਤੀ ਗਈ ਹੈ। ਇਨ੍ਹਾਂ ਬੱਸਾਂ ਦੇ ਆਪਰੇਸ਼ਨ ਤੋਂ ਮੈਂਟੇਨੈਂਸ ਤਕ ਸਭ ਕੰਮ ਅਸ਼ੋਕ ਲੇਲੈਂਡ ਕੰਪਨੀ ਹੀ ਕਰੇਗੀ। ਕੰਪਨੀ ਬੱਸਾਂ ਲਈ ਸੀਟੀਯੂ ਦੀ ਡਿਪੋ ‘ਚ ਚਾਰਜਿੰਗ ਸਟੇਸ਼ਨ ਸੈੱਟਅਪ ਕਰੇਗੀ ਜਿੱਥੇ ਇਨ੍ਹਾਂ ਬੱਸਾਂ ਨੂੰ ਚਾਰਜ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ ਬੱਸਾਂ ਨੂੰ ਇਥੋਂ ਹੀ ਚਲਾਇਆ ਜਾਵੇਗਾ। ਦੂਜੇ ਪਾਸੇ ਬੱਸ ‘ਚ ਕੰਡਕਟਰ ਚੰਡੀਗੜ੍ਹ ਟਰਾਂਸਪੋਰਟ ਅੰਡਰਟੇਕਿੰਗ ਦਾ ਹੀ ਹੋਵੇਗਾ। ਰੈਵੀਨਿਊ ਦਾ ਸਾਰਾ ਲੇਖਾ ਜੋਖਾ ਕੰਡਕਟਰ ਕੋਲ ਹੀ ਰਹੇਗਾ।

ਬਦਲੇ ‘ਚ ਸੀਟੀਯੂ ਕੰਪਨੀ 62 ਰੁਪਏ ਪ੍ਰਤੀ ਕਿਲੋਮੀਟਰ ਅਦਾ ਕਰੇਗੀ। ਜਿੰਨਾ ਵੀ ਰੈਵੀਨਿਊ ਹੋਵੇਗਾ ਉਹ ਸੀਟੀਯੂ ਕੋਲ ਹੀ ਰਹੇਗਾ।