ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਨਕੋਦਰ : ਨਕੋਦਰ ਵਿਖੇ ਸਿੱਖ ਜਥੇਬੰਦੀਆਂ ਨੇ ਪ੍ਰਸ਼ਾਸਨ ਵੱਲੋਂ ਗੁਰਦਾਸ ਮਾਨ ‘ਤੇ ਐਫਆਈਆਰ ਦਰਜ ਕਰਵਾਉਣ ਦੇ ਸਬੰਧ ‘ਚ ਦੋ ਦਿਨ ਪਹਿਲਾਂ ਧਰਨਾ ਲਗਾਇਆ ਸੀ ਤੇ ਸਿੱਖ ਜਥੇਬੰਦੀਆਂ ਨੇ ਪ੍ਰਸ਼ਾਸਨ ਵੱਲੋਂ ਦਿੱਤੇ ਇਸ ਭਰੋਸੇ ਦੇ ਤਹਿਤ ਧਰਨਾ ਚੁੱਕਿਆ ਸੀ ਕਿ ਬੀਤੇ ਕੱਲ ਚਾਰ ਵਜੇ ਪ੍ਰਸ਼ਾਸਨ ਜਥੇਬੰਦੀਆਂ ਨੂੰ ਐਫਆਈਆਰ ਦੀ ਕਾਪੀ ਦੇਵੇਗਾ ਪਰ ਅਜਿਹਾ ਨਹੀਂ ਹੋਇਆ ਤੇ ਅੱਜ ਕਿਸਾਨ ਜਥੇਬੰਦੀਆਂ ਨੇ ਐਫਆਈਆਰ ਨਾ ਹੋਣ ਕਰਕੇ ਮੁੜ ਧਰਨਾ ਲਾਉਣ ਗੁਰਦੁਆਰਾ ਗਾੜਿਆ ਮੁਹੱਲਾ ਵਿੱਚ ਸਿੱਖ ਜਥੇਬੰਦੀਆਂ ਇਕੱਤਰ ਹੋ ਰਹੀਆਂ ਹਨ। ਬੁਲਾਰਿਆਂ ‘ਚ ਭਾਈ ਅਮਰੀਕ ਸਿੰਘ ਅਜਨਾਲਾ ਨੇ ਕਿਹਾ ਕਿ 11 ਮੈਂਬਰੀ ਕਮੇਟੀ ਨੇ ਜੋ ਫ਼ੈਸਲੇ ਲਏ ਉਨ੍ਹਾਂ ‘ਚ ਪਹਿਲਾ ਪ੍ਰਸ਼ਾਸਨ ਨੂੰ ਪੁਛਿਆ ਜਾਵੇ ਤੇ ਪ੍ਰਸ਼ਾਸਨ ਵੱਲੋਂ ਡੀਐੱਸਪੀ ਲਖਵਿੰਦਰ ਸਿੰਘ ਮੱਲ ਨਕੋਦਰ, ਡੀਐੱਸਪੀਡੀ ਵਰਿਆਮ ਜਲੰਧਰ ਦਿਹਾਤੀ ਤੇ ਐੱਸਪੀ ਪਰਮਿੰਦਰ ਸਿੰਘ ਹੀਰ ਜਲੰਧਰ ਦਿਹਾਤੀ, ਐੱਸਐੱਚਓ ਸਿੱਟੀ ਅਮਨ ਸੈਣੀ, ਐਸਐਚਓ ਸਦਰ ਗੁਰਿੰਦਰਜੀਤ ਸਿੰਘ ਨਾਗਰਾ ਅਜਨਾਲਾ ਨੇ ਦੱਸਿਆ ਕਿ ਪਹੁੰਚੇ ਅਧਿਕਾਰੀਆਂ ਨੇ ਕਿਹਾ ਕਿ ਸਾਨੂੰ ਟਾਈਮ ਚਾਹੀਦਾ ਹੈ ਕਾਰਵਾਈ ਪ੍ਰੋਸੈਸਿੰਗ ‘ਚ ਹੈ ਉਨ੍ਹਾਂ ਕਿਹਾ ਕਿ 11 ਮੈਂਬਰੀ ਕਮੇਟੀ ਨੂੰ ਪ੍ਰਸ਼ਾਸਨ ਨੂੰ ਹੋਰ ਟਾਈਮ ਦੇਣਾ ਮਨਜ਼ੂਰ ਨਹੀਂ ਇਹ ਸਾਰੀ ਗੱਲ-ਬਾਤ ਅਜਨਾਲਾ ਨੇ ਮੌਜੂਦ ਸੰਗਤ ‘ਚ ਰੱਖਦਿਆਂ ਕੀਤੀ।
ਅਜਨਾਲਾ ਨੇ ਕਿਹਾ ਕਿ ਗੁਰਦਾਸ ਮਾਨ ਤੇ ਕਾਰਵਾਈ ਕਰਵਾਉਣ ਲਈ ਪ੍ਰਸ਼ਾਸਨ ਤੇ ਦਬਾਅ ਪਾਉਣ ਲਈ ਜਲੰਧਰ ਹਾਈਵੇਅ ‘ਤੇ ਧਰਨਾ ਅੱਜ ਹੀ ਲਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਜਿੰਨ੍ਹਾ ਚਿਰ ਕਾਰਵਾਈ ਨਹੀਂ ਹੁੰਦੀ ਧਰਨਾ ਨਹੀਂ ਚੁੱਕਿਆ ਜਾਵੇਗਾ। ਗੁਰਦਾਸ ਮਾਨ ਦੇ ਪੰਜਾਬ ਵਿੱਚ ਅਖਾੜਿਆ ਬਾਰੇ ਗੱਲ ਕਰਦਿਆਂ ਅਜਨਾਲਾ ਨੇ ਕਿਹਾ ਕਿ ਪੰਜਾਬ ‘ਚ ਗੁਰਦਾਸ ਮਾਨ ਦੇ ਅਖਾੜਿਆਂ ਦਾ ਵਿਰੋਧ ਕੀਤਾ ਜਾਵੇਗਾ। ਪੰਜਾਬ ‘ਚ ਅਖਾੜੇ ਨਹੀਂ ਲੱਗਣ ਦਿੱਤੇ ਜਾਣਗੇ।
