ਜਲੰਧਰ : ਜ਼ਿਲ੍ਹਾ ਪੱਧਰ ‘ਤੇ ਕੁਸ਼ਤੀ ‘ਚ ਕਈ ਮੈਡਲ ਜਿੱਤ ਚੁੱਕੇ 20 ਸਾਲ ਨੌਜਵਾਨ ਦੀ ਹੱਤਿਆ ਨਾਲ ਸਨਸਨੀ ਫੈਲ ਗਈ ਹੈ। ਰਾਤ ‘ਚ ਉਹ ਮੋਟਰਸਾਈਕਲ ‘ਤੇ ਆਏ ਇਕ ਨੌਜਵਾਨ ਨਾਲ ਘਰੋਂ ਨਿਕਲਿਆ ਸੀ। ਸਵੇਰੇ ਉਸ ਦੀ ਲਾਸ਼ ਸੂਰਿਆ ਏਂਕਲੇਵ ਦੇ ਖਾਲੀ ਪਲਾਂਟ ਨੇੜੇ ਝਾੜੀਆਂ ‘ਚੋਂ ਮਿਲੀ। ਉਸ ਦੀ ਪਛਾਣ ਸੰਤੋਸ਼ੀ ਨਗਰ ਨਿਵਾਸੀ ਬਾਦਲ ਦੇ ਰੂਪ ‘ਚ ਹੋਈ ਹੈ। ਸੂਚਨਾ ਮਿਲਦਿਆਂ ਹੀ ਥਾਣਾ ਰਾਮਾਮੰਡੀ ਦੀ ਪੁਲਿਸ ਮੌਕੇ ‘ਤੇ ਪੁੱਜੀ ਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਬਾਦਲ ਦੇ ਚਾਚਾ ਮਨਿੰਦਰ ਸਿੰਘ ਡਿੰਪਲ ਨੇ ਦੱਸਿਆ ਕਿ ਉਨ੍ਹਾਂ ਦਾ ਭਤੀਜਾ ਕੁਸ਼ਤੀ ‘ਚ ਕਈ ਮੈਡਲ ਜਿੱਤ ਚੁੱਕਿਆ ਹੈ। ਬੁੱਧਵਾਰ ਰਾਤ ਨੂੰ ਉਸ ਨੂੰ ਕਿਸੇ ਦਾ ਫੋਨ ਆਇਆ ਤੇ ਉਹ ਬਾਹਰ ਚਲਾ ਗਿਆ। ਲੋਕਾਂ ਨੇ ਉਸ ਨੂੰ ਇਕ ਨੌਜਵਾਨ ਨਾਲ ਮੋਟਰ ਸਾਈਕਲ ‘ਤੇ ਜਾਂਦੇ ਦੇਖਿਆ। ਰਾਤ ਭਰ ਬਾਦਲ ਘਰ ਨਹੀਂ ਆਇਆ ਤੇ ਸਵੇਰੇ ਉਸ ਦੀ ਲਾਸ਼ ਸੂਰਿਆ ਏਨਕਲਵ ਝਾੜੀਆਂ ‘ਚੋਂ ਮਿਲੀ।
ਸੀਸੀਟੀਵੀ ਕੈਮਰੇ ਖੰਗਾਲ ਰਹੀ ਪੁਲਿਸ
ਪੁਲਿਸ ਨੇ ਆਪਣੇ ਬਿਆਨਾ ਦੇ ਆਧਾਰ ‘ਤੇ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਘਟਨਾ ਵਾਲੇ ਸਥਾਨ ਦੇ ਨੇੜੇ-ਤੇੜੇ ਲੱਗੇ ਸੀਸੀਟੀਵੀ ਕੈਮਰਾ ਚੈੱਕ ਕਰ ਰਹੀ ਹੈ ਤਾਂ ਜੋ ਕੋਈ ਸੁਰਾਗ ਮਿਲ ਸਕੇ। ਫਿਲਹਾਲ, ਪੁਲਿਸ ਦੇ ਹੱਥ ਸਫਲਤਾ ਨਹੀਂ ਲੱਗੀ ਹੈ।
