ਜਲੰਧਰ : ਜਲੰਧਰ ਦੇ ਭਾਰਗੋ ਕੈਂਪ ਥਾਣਾ ਪੁਲਿਸ ਨੇ ਇਕ ਵਪਾਰੀ ਨੂੰ ਆਪਣੀ ਪਤਨੀ ਤੇ 9 ਸਾਲਾਂ ਬੱਚੇ ਨਾਲ ਗ਼ੈਰ-ਕੁਦਰਤੀ ਸੰਬੰਧ ਬਣਾਉਣ ਦੇ ਦੋਸ਼ ਵਿਚ ਗ੍ਰਿਫ਼ਤਾਰ ਕਰ ਕੇ ਜੇਲ੍ਹ ਭੇਜ ਦਿੱਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਵਪਾਰੀ ਦੀ ਪਤਨੀ ਨੇ ਦੱਸਿਆ ਕਿ ਉਸ ਦਾ ਵਿਆਹ ਕਰੀਬ 12 ਸਾਲ ਪਹਿਲਾਂ ਹੋਇਆ ਸੀ ਜਿਸ ਤੋਂ ਉਸ ਦੇ ਦੋ ਪੁੱਤਰ ਹਨ। ਉਸ ਦਾ ਪਤਨੀ ਅਕਸਰ ਉਸ ਨਾਲ ਗ਼ੈਰ-ਕੁਦਰਤੀ ਸੰਬੰਧ ਬਣਾਉਣ ਦੀ ਕੋਸ਼ਿਸ਼ ਕਰਦਾ ਸੀ ਤੇ ਇਨਕਾਰ ਕਰਨ ‘ਤੇ ਉਸ ਨਾਲ ਕੁੱਟਮਾਰ ਕਰਦਾ ਸੀ। ਕੁਝ ਦਿਨ ਪਹਿਲਾਂ ਉਸ ਨੇ ਦੇਰ ਰਾਤ ਆਪਣੇ ਪਤੀ ਨੂੰ ਆਪਣੇ ਨਾਬਾਲਗ ਬੱਚੇ ਨਾਲ ਗ਼ੈਰ-ਕੁਦਰਤੀ ਸੰਬੰਧ ਬਣਾਉਂਦੇ ਦੇਖਿਆ ਤਾਂ ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਨੂੰ ਦਿੱਤੀ। ਜਿਸ ‘ਤੇ ਪੁਲਿਸ ਨੇ ਮੁਲਜ਼ਮ ਖਿਲਾਫ਼ ਪੋਕਸੋ ਐਕਟ ਦੀ ਧਾਰਾ 377 ਤੇ ਧਾਰਾ 6 ਤਹਿਤ ਕੇਸ ਦਰਜ ਕਰਦੇ ਹੋਏ ਉਸ ਨੂੰ ਗ੍ਰਿਫ਼ਤਾਰ ਕਰ ਕੇ ਅਦਾਲਤ ‘ਚ ਪੇਸ਼ ਕੀਤਾ। ਕੋਰਟ ਨੇ ਮੁਲਜ਼ਮ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ‘ਚ ਭੇਜ ਦਿੱਤਾ। ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਦੀ ਪੁਸ਼ਟੀ ਭਾਰਗੋ ਕੈਂਪ ਥਾਣੇ ਦੇ ਇੰਚਾਰਜ ਅਜੈਬ ਸਿੰਘ ਨੇ ਕੀਤੀ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਜਲਦ ਤੋਂ ਜਲਦ ਪੂਰੀ ਕਰ ਕੇ ਤਿਆਰੀ ‘ਚ ਜੁਟੀ ਹੋਈ ਹੈ।
ਔਰਤ ‘ਤੇ ਬਣਾਉਂਦਾ ਸੀ ਵਾਈਫ ਸਵੈਪਿੰਗ ਦਾ ਦਬਾਅ
ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਔਰਤ ਨੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਉਸ ਦਾ ਪਤੀ ਉਸ ਦੇ ਉੱਪਰ ਵਾਈਫ ਸਵੈਪਿੰਗ ਦਾ ਦਬਾਅ ਬਣਾਉਂਦਾ ਸੀ ਤੇ ਉਸ ਨੂੰ ਕਹਿੰਦਾ ਸੀ ਉਸ ਦੇ ਦੋਸਤ ਗੋਆ ‘ਚ ਪਾਰਟੀ ਕਰਦੇ ਹਨ ਤੇ ਆਪਸ ਵਿਚ ਇਕ-ਦੂਸਰੇ ਦੀਆਂ ਪਤਨੀਆਂ ਬਦਲ ਦਿੰਦੇ ਹਨ। ਇਸ ਲਈ ਤੂੰ ਵੀ ਗੋਆ ਚੱਲ ਤੇ ਉਸ ਦੇ ਦੋਸਤਾਂ ਨਾਲ ਇਸ ਕੰਮ ਵਿਚ ਸ਼ਾਮਲ ਹੋ। ਇਸ ਤੋਂ ਇਨਕਾਰ ਕਰਨ ‘ਤੇ ਮੁਲਜ਼ਮ ਔਰਤ ਅਤੇ ਉਸ ਦੇ ਬੱਚਿਆਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਵੀ ਦਿੰਦਾ ਸੀ ਜਿਸ ਦੇ ਖਿਲਾਫ਼ ਔਰਤ ਨੇ ਥਾਣੇ ‘ਚ ਸਬੂਤ ਵੀ ਪੇਸ਼ ਕੀਤੇ ਹਨ।
ਥਾਣਾ ਡਵੀਜ਼ਨ ਚਾਰ ਦੀ ਪੁਲਿਸ ਨੇ ਕੀਤੀ ਕੁਕਰਮੀ ਦੀ ਤਲਾਸ਼ ‘ਚ ਛਾਪੇਮਾਰੀ
ਉੱਥੇ ਹੀ ਥਾਣਾ ਡਵੀਜ਼ਨ ਚਾਰ ਇਲਾਕੇ ਦੀ ਪੁਲਿਸ ਨੇ ਵੀ ਕੁਕਰਮ ਦੇ ਇਕ ਪੁਰਾਣੇ ਮਾਮਲੇ ‘ਚ ਫਰਾਰ ਚੱਲ ਰਹੇ ਮੁਲਜਮ਼ ਰਿਜਵਾਨ ਦੀ ਤਲਾਸ਼ “ਚ ਛਾਪੇਮਾਰੀ ਕੀਤੀ ਪਰ ਮੁਲਜ਼ਮ ਪੁਲਿਸ ਦੇ ਹੱਥ ਨਹੀਂ ਲੱਗ ਸਕਿਆ। ਅਸਲ ਵਿਚ ਬੀਤੇ ਦਿਨੀਂ ਟੇਲਰ ਦੀ ਦੁਕਾਨ “ਤੇ ਕੰਮ ਕਰਨ ਵਾਲੇ ਇਕ 14 ਸਾਲ ਦੇ ਨਾਬਾਲਗ ਨੇ ਆਪਣੇ ਨਾਲ ਯੂਪੀ ਦੇ ਰਾਮਪੁਰ ਨਿਵਾਸੀ ਰਿਜਵਾਨ ‘ਤੇ ਕੁਕਰਮ ਕਰਨ ਤੇ ਧਮਕੀ ਦੇਣ ਦੇ ਦੋਸ਼ ਲਗਾਏ ਸਨ। ਇਸ ਤੋਂ ਬਾਅਦ ਮਾਮਲੇ ‘ਚ ਪੁਲਿਸ ਨੇ ਕੇਸ ਦਰਜ ਕਰਦੇ ਹੋਏ ਯੂਪੀ ਰਾਮਪੁਰ ਦੇ ਰਹਿਣ ਵਾਲੇ ਰਿਜਵਾਨ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਸੀ, ਉੱਥੇ ਹੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਤੋਂ ਹੀ ਰਿਜਵਾਨ ਫਰਾਰ ਦੱਸਿਆ ਜਾ ਰਿਹਾ ਹੈ ਜਿਸ ਦੀ ਤਲਾਸ਼ ‘ਚ ਪੁਲਿਸ ਦੀਆਂ ਟੀਮਾਂ ਜੁਟੀਆਂ ਹੋਈਆਂ ਹਨ।
