LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਕਪੂਰਥਲਾ : ਕਪੂਰਥਲਾ ਵਿੱਚ ਪੈਸਿਆਂ ਦੇ ਲੈਣ-ਦੇਣ ਦੇ ਚੱਲਦਿਆਂ ਦੋ ਵਿਅਕਤੀਆਂ ‘ਚ ਹੋਏ ਝਗੜੇ ਦੌਰਾਨ ਫਾਇਰਿੰਗ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਜਾਮਾ ਮਸਜਿਦ ਕੰਪਲੈਕਸ ਨੇੜੇ ਸੈਮਸੰਗ ਸਰਵਿਸ ਸੈਂਟਰ ਦੇ ਮਾਲਕ ਅਤੇ ਇੱਕ ਇਕ ਹੋਰ ਵਿਅਕਤੀ ‘ਚ ਹੋਏ ਝਗੜੇ ਦੌਰਾਨ ਸੈਂਟਰ ਦੇ ਮਾਲਕ ਨੇ ਆਪਣੇ ਬਚਾਅ ਵਿੱਚ ਫਾਇਰਿੰਗ ਕੀਤੀ, ਜਿਸ ‘ਚ ਇੱਕ ਵਿਅਕਤੀ ਜ਼ਖ਼ਮੀ ਹੋ ਗਿਆ।
ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ ਉੱਤੇ ਪਹੁੰਚੇ ਡੀਐਸਪੀ ਸ਼ਾਹਬਾਜ ਸਿੰਘ ਨੇ ਆਪਣੀ ਟੀਮ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਕਪੂਰਥਲਾ ਦੇ ਸੈਮਸੰਗ ਸਰਵਿਸ ਸੈਂਟਰ ਦੇ ਮਾਲਕ ਮਨਜੀਤ ਸਿੰਘ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਲੁਧਿਆਣਾ ਵਾਸੀ ਪ੍ਰਿੰਸ ਗਰੋਵਰ ਨੇ ਉਸ ਕੋਲੋਂ ਲਗਪਗ ਸਾਢੇ ਅੱਠ ਲੱਖ ਰੁਪਏ ਲੈਣੇ ਹਨ, ਜਿਸਦੇ ਚੱਲਦਿਆਂ ਉਹ ਅੱਜ ਮੰਗਲਵਾਰ ਦੁਪਹਿਰ ਹਿਸਾਬ ਕਰਨ ਲਈ ਆਪਣੇ ਸਾਥੀਆਂ ਸਮੇਤ ਉਸਦੇ ਸਰਵਿਸ ਸੈਂਟਰ ਆਇਆ ਤੇ ਵਰਕਸ਼ਾਪ ‘ਚ ਵੜਕੇ ਭੰਨਤੋੜ ਕਰਨੀ ਸ਼ੁਰੂ ਕਰ ਦਿੱਤੀ। ਜਿਸ ਦੌਰਾਨ ਉਸਦੇ ਟੈਕਨੀਸ਼ੀਅਨ ਨੂੰ ਵੀ ਜਖ਼ਮੀ ਕਰ ਦਿੱਤਾ ਤੇ ਕੁਝ ਮੋਬਾਈਲ ਫੋਨ ਵੀ ਤੋੜ ਦਿੱਤੇ।
ਇਸ ਤੋਂ ਬਾਅਦ ਉਸਨੇ ਆਪਣੀ ਲਾਇਸੈਂਸੀ ਰਿਵਾਲਵਰ ਨਾਲ ਉਸਦੇ ਪੈਰਾਂ ‘ਚ 4 ਫਾਇਰ ਕੀਤੇ, ਜੋ ਕਿ ਮਿਸ ਫਾਇਰ ਹੋ ਗਏ। ਇਸਦੇ ਬਾਅਦ ਪ੍ਰਿੰਸ ਹੱਥੋਪਾਈ ਹੋਣ ਲੱਗਾ। ਇਸਤੋਂ ਬਾਅਦ ਉਸਨੇ ਪ੍ਰਿੰਸ ‘ਤੇ ਇੱਕ ਫਾਇਰ ਫਿਰ ਕੀਤਾ ਜੋ ਉਸਦੀ ਬਾਂਹ ਵਿੱਚ ਲੱਗਾ। ਜਿਸਦੇ ਬਾਅਦ ਉਹ ਤੇ ਉਸਦੇ ਸਾਥੀ ਮੌਕੇ ਤੋਂ ਫਰਾਰ ਹੋ ਗਏ। ਮੌਕੇ ਉੱਤੇ ਪੁੱਜੇ ਡੀਐਸਪੀ ਸ਼ਾਹਬਾਜ਼ ਸਿੰਘ ਨੇ ਦੱਸਿਆ ਕਿ ਮੌਕੇ ਦੀ ਸੀਸੀਟੀਵੀ ਫੁਟੇਜ ਲੈ ਕੇ ਜਾਂਚ ਜਾਰੀ ਹੈ।
