15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਜਲੰਧਰ : ਸ਼ਹਿਰ ਦੀ ਸਬਜ਼ੀ ਮੰਡੀ ’ਚ ਇਨ੍ਹੀਂ ਦਿਨੀਂ ਮਟਰ ਗਾਇਬ ਹੋ ਗਿਆ ਹੈ। ਕਾਰਨ, ਰਿਟੇਲ ’ਚ ਮਟਰ ਦਾ ਰੇਟ 200 ਰੁਪਏ ਪ੍ਰਤੀ ਕਿਲੋ ਤਕ ਪਹੁੰਚ ਗਿਆ ਹੈ। ਗਰੀਬ ਹੀ ਨਹੀਂ ਬਲਕਿ ਮੱਧ ਵਰਗ ਦੀ ਪਹੁੰਚ ਤੋਂ ਵੀ ਮਟਰ ਕੋਹਾਂ ਦੂਰ ਹੋ ਗਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਬੇਮੌਸਮੀ ਬਾਰਿਸ਼ ਦੇ ਚੱਲਦਿਆਂ ਲੋਕਲ ਮਟਰ ਦੀ ਫਸਲ਼ ਖ਼ਰਾਬ ਹੋ ਗਈ ਹੈ। ਇਸਦੇ ਇਲਾਵਾ ਪੱਕਣ ਲਈ ਤਿਆਰ ਮਟਰ ਵੀ ਹੁਣ ਇਕ ਮਹੀਨੇ ਦੀ ਦੇਰੀ ਨਾਲ ਤਿਆਰ ਹੋਣਗੇ। ਜਿਸਦੇ ਚੱਲਦਿਆਂ ਲੋਕਾਂ ਨੂੰ ਨਵੰਬਰ ਮਹੀਨੇ ’ਚ ਹੀ ਲੋਕਲ ਮਟਰ ਦਾ ਸਵਾਦ ਮਿਲ ਸਕਦਾ ਹੈ।
ਦਰਅਸਲ, ਇਕ ਮਹੀਨੇ ਅੰਦਰ ਮਟਰ ਦੇ ਭਾਅ ’ਚ 140 ਰੁਪਏ ਪ੍ਰਤੀ ਕਿਲੋ ਦਾ ਵਾਧਾ ਹੋ ਚੁੱਕਾ ਹੈ। ਸਤੰਬਰ ਦੇ ਮੱਧ ਤਕ 60 ਰੁਪਏ ਪ੍ਰਤੀ ਕਿਲੋ ਵਿਕ ਰਹੇ ਮਟਰ ਦੇ ਰੇਟ ਵੱਧ ਕੇ ਅਕਤੂਬਰ ’ਚ 200 ਰੁਪਏ ਕਿਲੋ ਪਹੁੰਚ ਗਏ ਹਨ। ਥੋਕ ਸਬਜ਼ੀ ਮੰਡੀ ’ਚ ਮਟਰ ਦੇ ਭਾਅ 160 ਰੁਪਏ ਪ੍ਰਤੀ ਕਿਲੋ ਹੈ ਪਰ ਰਿਟੇਲ ’ਚ ਇਸਦੀ ਵਿਕਰੀ ਕਰਨ ਦੌਰਾਨ ਪੈਣ ਵਾਲੇ ਖ਼ਰਚ ਨੂੰ ਮਿਲਾ ਕੇ 200 ਰੁਪਏ ਪ੍ਰਤੀ ਕਿਲੋ ਵੇਚਿਆ ਜਾ ਰਿਹਾ ਹੈ।
ਮਟਰ ਦੇ ਰੇਟਾਂ ’ਚ ਭਾਰੀ ਵਾਧੇ ਤੋਂ ਬਾਅਦ ਸ਼ਹਿਰ ਦੀਆਂ ਛੋਟੀਆਂ ਸਬਜ਼ੀ ਮੰਡੀਆਂ ਤੇ ਦੁਕਾਨਾਂ ’ਤੋਂ ਮਟਰ ਗਾਇਬ ਹੋ ਗਏ ਹਨ। ਇਸ ਬਾਰੇ ਕਿਸ਼ਨਪੁਰਾ ’ਚ ਰਿਟੇਲ ਸਬਜ਼ੀ ਵੇਚਣ ਵਾਲੇ ਜਤੇਂਦਰ ਪਾਲ ਦੱਸਦੇ ਹਨ ਕਿ ਥੋਕ ’ਚ ਮਟਰ ਦੇ ਰੇਟ 160 ਰੁਪਏ ਪ੍ਰਤੀ ਕਿਲੋ ਹਨ। ਜਿਸਨੂੰ ਦੁਕਾਨ ’ਤੇ ਲਿਆਉਣ ਦਾ ਖ਼ਰਚ ਤੇ ਵੇਚਣ ਦੌਰਾਨ ਮਾਲ ਘੱਟ ਹੋਣ ਤੇ ਲਿਫ਼ਾਫ਼ਿਆਂ ਦਾ ਖ਼ਰਚ ਮਿਲਾ ਕੇ 180 ਰੁਪਏ ਪ੍ਰਤੀ ਕਿਲੋ ਘੱਟ ਪੈ ਰਹੇ ਹਨ। ਅਜਿਹੇ ’ਚ 200 ਰੁਪਏ ਪ੍ਰਤੀ ਕਿਲੋ ਤੋਂ ਘੱਟ ਵੇਚਣਾ ਘਾਟੇ ਵਾਲਾ ਸੌਦਾ ਹੈ।
