15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਅਟਾਰੀ : ਭਾਰਤ-ਪਾਕਿ ਸਰਹੱਦ ‘ਤੇ ਤਾਇਨਾਤ ਸੀਮਾ ਸੁਰੱਖਿਆ ਬਲ (BSF) ਨੂੰ ਉਸ ਵੇਲੇ ਵੱਡੀ ਕਾਮਯਾਬੀ ਮਿਲੀ ਜਦੋਂ ਇੱਕ ਸਮੱਗਲਰ ਨੂੰ ਹੈਰੋਇਨ ਸਮੇਤ ਕਾਬੂ ਕੀਤਾ। ਬੀਐੱਸਐੱਫ ਦੇ ਜਵਾਨਾਂ ਵਲੋਂ ਕੀਤੇ ਗਏ ਅਪ੍ਰੇਸ਼ਨ ਬਾਰੇ ਡੀਆਈਜੀ ਸੀਮਾ ਸੁਰੱਖਿਆ ਬਲ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ 2-3 ਅਕਤੂਬਰ ਦੀ ਦਰਮਿਆਨੀ ਰਾਤ ਨੂੰ ਬੀਓਪੀ ਰਾਜਾਤਾਲ ‘ਤੇ ਤਾਇਨਾਤ ਜਵਾਨਾਂ ਨੇ ਭਾਰਤ-ਪਾਕਿ ਸਰਹੱਦ ‘ਤੇ ਲਗੀ ਕੰਡਿਆਲੀ ਤਾਰ ਲਾਗੇ ਜਦੋਂ ਕੁਝ ਹਿਲਜੁੱਲ ਮਹਿਸੂਸ ਕੀਤੀ ਤਾਂ ਉਨ੍ਹਾਂ ਨੇ ਲਲਕਾਰਿਆ ਪਰ ਕੋਈ ਜਵਾਬ ਨਹੀਂ ਆਇਆ ਤਾਂ ਉਹਨਾਂ ਨੂੰ ਸ਼ਕ ਪੈ ਗਿਆ ਕਿ ਇੱਥੇ ਕੋਈ ਹੈ। ਉਨ੍ਹਾਂ ਤੁਰੰਤ ਹੈੱਡ ਕੁਆਰਟਰ ‘ਚ ਕੰਪਨੀ ਕਮਾਂਡਰ ਨਾਲ ਰਾਬਤਾ ਕੀਤਾ ਤੇ ਤੁਰੰਤ ਉਸ ਜਗ੍ਹਾ ਨੂੰ ਘੇਰਾ ਪਾ ਲਿਆ।
ਇੱਥੇ ਚਲਾਏ ਸਰਚ ਆਪ੍ਰੇਸ਼ਨ ਦੌਰਾਨ ਉਨ੍ਹਾਂ ਨੂੰ ਖੇਤਾਂ ‘ਚ ਲੱਕਿਆ ਇਕ ਸਮੱਗਲਰ ਮਿਲਿਆ। ਪੱਛਗਿੱਛ ਦੌਰਾਨ ਸਮੱਗਲਰ ਦੀ ਪਛਾਣ ਕਾਸ਼ੀ ਅਲੀ ਪੁੱਤਰ ਰਹਿਮਤ ਅਲੀ ਪਿੰਡ ਮਨਿਆਣਾ ਪਾਕਿਸਤਾਨ ਵਜੋਂ ਹੋਈ ਹੈ। ਉਹਨਾਂ ਅਗੇ ਦੱਸਿਆ ਕਿ ਜਦੋਂ ਪਾਕਿ ਸਮੱਗਲਰ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਕੋਲੋਂ 6 ਕਿੱਲੋ 500 ਗ੍ਰਾਮ ਹੈਰੋਇਨ ਬਰਾਮਦ ਹੋਈ ਜੋ ਕਿ ਪਲਾਸਿਟਕ ਦੇ ਲਿਫ਼ਾਫ਼ਿਆਂ ‘ਚ ਪੈਕ ਤੇ ਇਹ ਸਾਰੇ ਲਿਫ਼ਾਫ਼ੇ ਇੱਕ ਕੈਰੀਬੈਗ ‘ਚ ਪਾਏ ਗਏ ਸਨ ਜਿਸ ‘ਤੇ ਸ਼ੌਕਤ ਖਾਨੂਮ ਮੈਮੋਰੀਅਲ ਕੈਂਸਰ ਹਸਪਤਾਲ ਐਂਡ ਰਿਸਰਚ ਸੈਂਟਰ ਲਾਹੌਰ ਲਿਖਿਆ ਹੋਇਆ ਸੀ। ਉਨ੍ਹਾਂ ਅੱਗੇ ਦਸਿਆ ਕਿ ਪਾਕਿ ਸਮੱਗਲਰ ਕੋਲੋਂ ਪੁੱਛਗਿੱਛ ਜਾਰੀ ਹੈ ਕਿ ਇਹ ਹੈਰੋਇਨ ਦੀ ਖੇਪ ਭਾਰਤ ਵਾਲੇ ਪਾਸੇ ਉਸ ਨੇ ਕਿਸ ਦੇ ਹਵਾਲੇ ਕਰਨੀ ਸੀ।
