LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਜੇਐੱਨਐੱਨ, ਲੁਧਿਆਣਾ : ਹੈਬੋਵਾਲ ਦੇ ਹੰਬੜਾਂ ਰੋਡ ਵਰਗੇ ਰੁਝੇਵਿਆਂ ਵਾਲੇ ਇਲਾਕੇ ਵਿਚ ਮੋਟਰਸਾਈਕਲ ਸਵਾਰ ਤਿੰਨ ਬਦਮਾਸ਼ ਜਿਊਲਰ ਨੂੰ ਗਨ ਪੁਆਇੰਟ ’ਤੇ ਲੈ ਕੇ 10 ਲੱਖ ਰੁਪਏ ਦੀ ਕੀਮਤ ਦੇ ਗਹਿਣੇ ਲੁੱਟ ਕੇ ਲੈ ਗਏ। ਹੰਬੜਾਂ ਵੱਲੋਂ ਗਲਤ ਦਿਸ਼ਾ ’ਤੇ ਮੋਟਰਸਾਈਕਲ ’ਤੇ ਆਏ ਬਦਮਾਸ਼ਾਂ ਨੇ 5 ਮਿੰਟਾਂ ’ਚ ਵਾਰਦਾਤ ਨੂੰ ਅੰਜਾਮ ਦਿੱਤਾ ਅਤੇ ਉਸੇ ਦਿਸ਼ਾ ਵੱਲ ਫ਼ਰਾਰ ਹੋ ਗਏ। ਲੁੱਟ ਦਾ ਪਤਾ ਚੱਲਦੇ ਹੀ ਏਡੀਸੀਪੀ ਸਮੀਰ ਵਰਮਾ, ਏਡੀਸੀਪੀ ਰੁਪਿੰਦਰ ਭੱਟੀ, ਤਲਵਿੰਦਰ ਗਿੱਲ, ਥਾਣਾ ਹੈਬੋਵਾਲ ਇੰਚਾਰਜ ਨੀਰਜ ਚੌਧਰੀ, ਥਾਣਾ ਪੀਏਯੂ ਇੰਚਾਰਜ ਜਸਕੰਵਲ ਸਿੰਘ, ਸੀਆਈਏ ਤੇ ਫੋਰੈਂਸਿਕ ਲੈਬ ਟੀਮ ਸਮੇਤ ਘਟਨਾ ਸਥਾਨ ’ਤੇ ਪਹੁੰਚੇ।
ਪੁਲਿਸ ਨੂੰ ਦਿੱਤੇ ਬਿਆਨ ’ਚ ਦੇਵ ਨਗਰ ਵਾਸੀ ਕਿਰਨ ਦੇਵ ਵਰਮਾ ਨੇ ਦੱਸਿਆ ਕਿ ਸ੍ਰੀ ਰਾਮ ਸ਼੍ਰਣਮ ਨੇੜੇ ਸਥਿਤ ਬਾਬਾ ਮਾਰਕੀਟ ’ਚ ਉਨ੍ਹਾਂ ਦੀ ਸਤਿਗੁਰੂ ਜਿਊਲਰ ਦੇ ਨਾਂ ਦੀ ਦੁਕਾਨ ਹੈ। ਮੰਗਲਵਾਰ ਨੂੰ ਉਹ ਆਪਣੀ ਗੱਦੀ ਛੱਡ ਕੇ ਪਿੱਛੇ ਵਾਲੀ ਸੀਟ ’ਤੇ ਬੈਠ ਕੇ ਗਹਿਣਿਆਂ ਦੀ ਮੁਰੰਮਤ ਕਰ ਰਹੇ ਸਨ। ਇਸੇ ਦੌਰਾਨ ਦੋ ਪੱਗੜੀਧਾਰੀ ਨੌਜਵਾਨ ਦੁਕਾਨ ’ਚ ਆਏ। ਉਨ੍ਹਾਂ ’ਚੋਂ ਇਕ ਕੋਲ ਪਿਸਤੌਲ ਸੀ। ਉਸ ਨੇ ਆਉਂਦੇ ਹੀ ਪਿਸਤੌਲ ਉਸ ਦੀ ਕਨਪਟੀ ’ਤੇ ਰੱਖ ਦਿੱਤਾ। ਦੂਸਰੇ ਨੇ ਕਾਊਂਟਰ ’ਚ ਪਏ ਗਹਿਣਿਆਂ ਨੂੰ ਕੱਢ ਕੇ ਆਪਣੇ ਬੈਗ ’ਚ ਭਰਨਾ ਸ਼ੁਰੂ ਕਰ ਦਿੱਤਾ। ਲੁਟੇਰਿਆਂ ਨੇ ਦੁਕਾਨ ਦੇ ਮੰਦਰ ’ਚ ਪਈ ਹਜ਼ਾਰਾਂ ਰੁਪਏ ਦੀ ਨਕਦੀ ਵੀ ਚੁੱਕ ਕੇ ਬੈਗ ਵਿਚ ਭਰ ਲਈ। ਉਨ੍ਹਾਂ ਦਾ ਤੀਸਰਾ ਸਾਥੀ ਬਾਹਰ ਮੋਟਰਸਾਈਕਲ ’ਤੇ ਖੜ੍ਹਾ ਰਿਹਾ।
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਤਿੰਨੋਂ ਮੋਟਰਸਾਈਕਲ ’ਤੇ ਫ਼ਰਾਰ ਹੋ ਗਏ। ਉਨ੍ਹਾਂ ਦੇ ਜਾਣ ਤੋਂ ਬਾਅਦ 9.02 ਵਜੇ ਕਿਰਨ ਵਰਮਾ ਨੇ ਆਪਣੇ ਗੁਆਂਢੀ ਨੂੰ ਫੋਨ ਕਰਕੇ ਦੱਸਿਆ ਕਿ ਉਸ ਨਾਲ ਲੁੱਟ ਹੋ ਗਈ ਹੈ।
ਜ਼ਿਕਰਯੋਗ ਹੈ ਕਿ ਦੁਕਾਨ ਦੇ ਅੰਦਰ ਸੀਸੀਟੀਵੀ ਕੈਮਰੇ ਨਹੀਂ ਹਨ। ਇਸ ਲਈ ਪੁਲਿਸ ਹੁਣ ਆਸ-ਪਾਸ ਲੱਗੇ ਕੈਮਰਿਆਂ ਦੀ ਫੁਟੇਜ ਜਾਂਚ ਰਹੀ ਹੈ। ਪੁਲਿਸ ਨੇ ਦੁਕਾਨਦਾਰ ਅਤੇ ਬਾਅਦ ਵਿਚ ਆਏ ਉਸ ਦੇ ਪੁੱਤਰ ਤੋਂ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ।
