ਤਰਨਤਾਰਨ : ਮਹੰਤ ਦੇ ਨਾਂ ਕੀਤੀ ਜ਼ਮੀਨ ਦਾ ਕਬਜ਼ਾ ਨਾ ਦਿੰਦਿਆਂ ਆਪ ਹੀ ਖੇਤੀ ਕਰਨ ਕਥਿਤ ਦੋਸ਼ ਹੇਠ ਥਾਣਾ ਖਾਲੜਾ ਦੀ ਪੁਲਿਸ ਨੇ ਇਕ ਵਿਅਕਤੀ ਖਿਲਾਫ ਕੇਸ ਦਰਜ ਕੀਤਾ ਹੈ। ਮਹੰਤ ਵੇਦ ਪ੍ਰਕਾਸ਼ ਉਰਫ ਪ੍ਰਰੀਤ ਦੇਵਾ ਪੁੱਤਰ ਪ੍ਰਸ਼ੋਤਮ ਲਾਲ ਵਾਸੀ ਮੰਦਿਰ ਵਾਲੀ ਗਲੀ ਭਿੱਖੀਵਿੰਡ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਸੀ ਕਿ ਸੁਖਦੇਵ ਸਿੰਘ ਪੁੱਤਰ ਮੇਜਰ ਸਿੰਘ ਵਾਸੀ ਨਾਰਲਾ ਨੇ ਉਸਦੇ ਨਾਂ ‘ਤੇ ਦੋ ਕਨਾਲ 5 ਮਰਲੇ ਜ਼ਮੀਨ ਕੀਤੀ ਸੀ, ਜਿਸ ਦਾ ਉਹ ਹੁਣ ਕਬਜ਼ਾ ਨਹੀਂ ਦੇ ਰਿਹਾ ਤੇ ਆਪ ਖੇਤੀ ਕਰ ਰਿਹਾ ਹੈ। ਉਕਤ ਸ਼ਿਕਾਇਤ ਦੀ ਪੜਤਾਲ ਡੀਐੱਸਪੀ ਪੀਬੀਆਈ ਜਗੀਰ ਸਿੰਘ ਵੱਲੋਂ ਕਰਨ ਉਪਰੰਤ ਥਾਣਾ ਖਾਲੜਾ ‘ਚ ਸੁਖਦੇਵ ਸਿੰਘ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ। ਅਗਲੀ ਜਾਂਚ ਕਰ ਰਹੇ ਏਐੱਸਆਈ ਹੀਰਾ ਸਿੰਘ ਨੇ ਦੱਸਿਆ ਕਿ ਤਫਤੀਸ਼ ਜਾਰੀ ਹੈ।
