ਲੁਧਿਆਣਾ : ਪੰਜਾਬ ਰਾਜ ਅਧਿਆਪਕ ਯੋਗਤਾ ਟੈਸਟ (ਪੀਐਸਟੀਈਟੀ) 2019 ਦੀ ਪ੍ਰੀਖਿਆ ਪੰਜਾਬ ਸਕੂਲ ਸਿੱਖਿਆ ਬੋਰਡ (ਪੀਐਸਈਬੀ) ਵੱਲੋਂ ਸ਼ੁੱਕਰਵਾਰ 24 ਦਸੰਬਰ ਨੂੰ ਕਰਵਾਈ ਜਾ ਰਹੀ ਹੈ। ਇਸ ਪ੍ਰੀਖਿਆ ਲਈ ਸ਼ਹਿਰ ਵਿਚ 32 ਕੇਂਦਰ ਬਣਾਏ ਗਏ ਹਨ। ਇਮਤਿਹਾਨ ਵਿਚ ਪੇਪਰ ਇਕ ਤੇ ਪੇਪਰ ਦੋ ਹੋਵੇਗਾ। ਪਹਿਲਾ ਪੇਪਰ ਸਵੇਰੇ 10 ਵਜੇ ਤੋਂ ਦੁਪਹਿਰ 12.30 ਵਜੇ ਤਕ ਤੇ ਦੂਜਾ ਪੇਪਰ ਦੁਪਹਿਰ 2.30 ਤੋਂ ਸ਼ਾਮ 5 ਵਜੇ ਤਕ ਚੱਲੇਗਾ। PSTET ਪ੍ਰੀਖਿਆ ਵਿਚ ਪੈੱਨ ਜਾਂ ਕਿਸੇ ਵੀ ਤਰ੍ਹਾਂ ਦਾ ਇਲੈਕਟ੍ਰਾਨਿਕ ਯੰਤਰ ਲੈ ਕੇ ਜਾਣ ‘ਤੇ ਪਾਬੰਦੀ ਹੋਵੇਗੀ। ਪੀਐੱਸਈਬੀ ਦੀ ਤਰਫੋਂ ਵੱਖ-ਵੱਖ ਪੱਧਰਾਂ ‘ਤੇ ਸੇਵਾਵਾਂ ਨਿਭਾਉਣ ਵਾਲੇ ਕਰਮਚਾਰੀ ਪ੍ਰੀਖਿਆ ‘ਚ ਅਬਜ਼ਰਵਰ, ਸੁਪਰਡੈਂਟ, ਡਿਪਟੀ ਸੁਪਰਡੈਂਟ, ਓਵਰਸੀਅਰ, ਡਿਪਟੀ ਕੰਟਰੋਲਰ ਦੀ ਡਿਊਟੀ ਦੇਣਗੇ। PSEB ਨੇ ਟੈਸਟ ਸਬੰਧੀ ਹਦਾਇਤਾਂ ਦਿੱਤੀਆਂ ਹਨ ਕਿ ਕਿਸੇ ਵੀ ਕਰਮਚਾਰੀ ਨੂੰ ਵੀਰਵਾਰ ਅਤੇ ਸ਼ੁੱਕਰਵਾਰ ਨੂੰ ਛੁੱਟੀ ਨਾ ਦਿੱਤੀ ਜਾਵੇ। ਜੇਕਰ ਕੋਈ ਸਿਹਤ ਨਾਲ ਸਬੰਧਤ ਮਾਮਲਾ ਹੋਵੇ ਤਾਂ ਸਿਵਲ ਸਰਜਨ ਤੋਂ ਮੋਹਰ ਲਗਾ ਕੇ ਇੱਕ ਕਾਪੀ ਵਿਭਾਗ ਨੂੰ ਭੇਜੀ ਜਾਵੇ।
ਇਨ੍ਹਾਂ ਸਕੂਲਾਂ ਵਿਚ ਸੈਂਟਰ ਬਣਾਏ ਜਾਣ
ਬ੍ਰਹਮ ਰਾਸ਼ੀ ਬਾਵਰਾ ਸਕੂਲ ਮਾਧੋਪੁਰੀ, ਸਰਕਾਰੀ ਮਾਡਲ ਸਕੂਲ ਮਾਡਲ ਟਾਊਨ, ਸਰਕਾਰੀ ਮਾਡਲ ਸਕੂਲ ਕਬਰਸਤਾਨ ਰੋਡ, ਸ਼ਹੀਦ-ਏ-ਆਜ਼ਮ ਸੁਖਦੇਵ ਥਾਪਰ ਸਕੂਲ ਭਾਰਤ ਨਗਰ, ਆਰੀਆ ਸੀਨੀਅਰ ਸੈਕੰਡਰੀ ਸਕੂਲ, ਸਰਕਾਰੀ ਸਕੂਲ ਜਵਾਹਰ ਨਗਰ ਲੜਕੇ, ਪੀਏਯੂ ਸਮਾਰਟ ਸਕੂਲ, ਸਰਕਾਰੀ ਸਕੂਲ ਮਲਟੀਪਰਪਜ਼, ਆਰ.ਐਸ. ਸਕੂਲ, ਸੱਤਿਆਵਤੀ ਓਸਵਾਲ ਵਿਦਿਆ ਮੰਦਰ ਮਿਲਰਗੰਜ, ਜੀ.ਐਨ.ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਮਾਡਲ ਟਾਊਨ, ਸ੍ਰੀ ਗੁਰੂ ਸਿੰਘ ਸਭਾ ਸੀਨੀਅਰ ਸੈਕੰਡਰੀ ਸਕੂਲ ਮਾਡਲ ਟਾਊਨ, ਰਾਮਗੜ੍ਹੀਆ ਸਕੂਲ ਮਿਲਰਗੰਜ, ਵਿਸ਼ਵਕਰਮਾ ਸੀਨੀਅਰ ਸੈਕੰਡਰੀ ਸਕੂਲ ਜੀ.ਟੀ.ਰੋਡ, ਸੈਨ ਜੈਨ ਸਕੂਲ। ਆਤਮਾ ਪਬਲਿਕ ਸਕੂਲ, ਗੁਰੂ ਨਾਨਕ ਪਬਲਿਕ ਸਕੂਲ ਸਰਾਭਾ ਨਗਰ, ਬੀਸੀਐਮ ਸਕੂਲ ਦੁੱਗਰੀ, ਨਨਕਾਣਾ ਸਾਹਿਬ ਸਕੂਲ ਗਿੱਲ ਰੋਡ, ਤੇਜਾ ਸਿੰਘ ਸੁਤੰਤਰ ਸਕੂਲ, ਬੀਸੀਐਮ ਆਰੀਆ ਸਕੂਲ ਸ਼ਾਸਤਰੀ ਨਗਰ, ਬੀਵੀਐਮ ਸਕੂਲ ਕਿਚਲੂ ਨਗਰ, ਐਸਸੀਡੀ ਸਰਕਾਰੀ ਕਾਲਜ, ਮਾਲਵਾ ਸੈਂਟਰਲ ਕਾਲਜ, ਜੀਐਮਟੀ ਪਬਲਿਕ ਸਕੂਲ ਜਲੰਧਰ ਬਾਈਪਾਸ। , ਜੈਨ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ, ਸੈਨ ਜੈਨ ਸੀਨੀਅਰ ਸੈਕੰਡਰੀ ਸਕੂਲ, ਐਸਡੀ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ ਹਰੀਦੇਵ ਮੰਦਰ, ਰਾਮਗੜ੍ਹੀਆ ਗਰਲਜ਼ ਸਕੂਲ, ਐਵਰੈਸਟ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ, ਗਿਆਸਪੁਰਾ।
ਪ੍ਰੀਖਿਆ ਕੇਂਦਰਾਂ ‘ਤੇ ਵੀਡੀਓਗ੍ਰਾਫੀ ਕੀਤੀ ਜਾਵੇਗੀ
ਹੋਰ ਪ੍ਰੀਖਿਆਵਾਂ ਵਾਂਗ, ਇਸ ਟੈਸਟ ਨੂੰ ਵੀ ਕੋਵਿਡ-19 ਦੇ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰਨ ਲਈ ਕਿਹਾ ਗਿਆ ਹੈ। ਵਿਦਿਆਰਥੀ ਲਈ ਪ੍ਰੀਖਿਆ ਕੇਂਦਰ ਵਿਚ ਇਕ ਘੰਟਾ ਪਹਿਲਾਂ ਪਹੁੰਚਣਾ ਲਾਜ਼ਮੀ ਹੋਵੇਗਾ ਤੇ ਉਨ੍ਹਾਂ ਨੂੰ ਇਕ ਪਾਰਦਰਸ਼ੀ ਬੋਤਲ ਵਿਚ ਪਾਣੀ ਲਿਆਉਣ ਦੀ ਆਗਿਆ ਹੋਵੇਗੀ। ਇਸ ਦੇ ਨਾਲ ਹੀ ਹਰੇਕ ਪ੍ਰੀਖਿਆ ਕੇਂਦਰ ਦੀ ਵੀਡੀਓਗ੍ਰਾਫੀ ਹੋਵੇਗੀ, ਜਿਸ ਦਾ ਪ੍ਰਬੰਧ ਪੀਐਸਈਬੀ ਦੇ ਡਿਪੂ ਦਫ਼ਤਰ ਦੇ ਮੈਨੇਜਰ ਵੱਲੋਂ ਕੀਤਾ ਜਾਵੇਗਾ। ਕੰਟਰੋਲਰ ਇਕ ਪੇਪਰ ਦੇ ਪ੍ਰਸ਼ਨ ਪੱਤਰ ਸਵੇਰੇ 8 ਵਜੇ ਤੇ ਦੂਜੇ ਪੇਪਰ ਲਈ ਦੁਪਹਿਰ 2 ਵਜੇ ਪ੍ਰਾਪਤ ਕਰੇਗਾ। OMR ਪੇਪਰ I ਅਤੇ ਪੇਪਰ II ਦੀ ਸਮਾਪਤੀ ਤੋਂ ਤੁਰੰਤ ਬਾਅਦ ਆਵੇਗਾ।
ਆਂਸਰ ਕੀ ਜਨਵਰੀ 2022 ਵਿਚ ਜਾਰੀ ਕੀਤੀ ਜਾਵੇਗੀ
ਆਂਸਰ ਕੀ PSEB ਦੁਆਰਾ PSTET ਪ੍ਰੀਖਿਆ ਦੇ ਆਯੋਜਨ ਤੋਂ ਬਾਅਦ ਜਨਵਰੀ, 2022 ਵਿਚ ਜਾਰੀ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਬੋਰਡ ਮੁਤਾਬਕ ਟੈਸਟ ਦਾ ਨਤੀਜਾ ਵੀ ਜਨਵਰੀ ‘ਚ ਜਾਰੀ ਹੋਣ ਦੀ ਸੰਭਾਵਨਾ ਹੈ।
