ਨਵੀਂ ਦਿੱਲੀ – ਰਿਲਾਇੰਸ ਜੀਓ ਨੇ ਪਿਛਲੇ ਮਹੀਨੇ ਦਸੰਬਰ ‘ਚ 1 ਰੁਪਏ ਦਾ ਪਲਾਨ ਲਾਂਚ ਕੀਤਾ ਸੀ। ਇਹ ਭਾਰਤ ‘ਚ ਸਭ ਤੋਂ ਸਸਤਾ ਰੀਚਾਰਜ ਪਲਾਨ ਸੀ ਪਰ ਲਾਂਚ ਹੋਣ ਤੋਂ ਬਾਅਦ ਜੀਓ ਪਲਾਨ ਦੇ ਬੈਨੀਫਿਟਸ ‘ਚ ਲਗਾਤਾਰ ਬਦਲਾਅ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਜੀਓ ਨੇ ਇਸ ਇਕ ਰੁਪਏ ਵਾਲੇ ਪਲਾਨ ਨੂੰ ਬੰਦ ਕਰ ਦਿੱਤਾ ਹੈ। ਜੀਓ ਮੁਤਾਬਕ, ਇਕ ਰੁਪਏ ਦੇ ਰੀਚਾਰਜ ਪਲਾਨ ਨੂੰ ਟੈਸਟ ਦੇ ਤੌਰ ‘ਤੇ ਲਾਂਚ ਕੀਤਾ ਗਿਆ ਸੀ।
ਰਿਲਾਇੰਸ ਜੀਓ ਦਾ ਇਕ ਰੁਪਏ ਦਾ ਪਲਾਨ ਪ੍ਰੀ-ਪੇਡ ਖਪਤਕਾਰਾਂ ਲਈ ਪੇਸ਼ ਕੀਤਾ ਗਿਆ ਸੀ। ਸ਼ੁਰੂ ਵਿੱਚ, ਇਹ ਪਲਾਨ 28 ਦਿਨਾਂ ਦੀ ਵੈਲਿਡਿਟੀ ਦੇ ਨਾਲ ਪੇਸ਼ ਕੀਤਾ ਗਿਆ ਸੀ। ਨਾਲ ਹੀ, ਇਸ ਪਲਾਨ ‘ਚ 100MB ਡੇਟਾ ਉਪਲਬਧ ਸੀ। ਇਹ ਪਲਾਨ ਬਿਨਾਂ ਵੁਆਇਸ ਕਾਲਿੰਗ ਤੇ ਮੈਸੇਜਿੰਗ ਸੁਵਿਧਾ ਦੇ ਨਾਲ ਆਉਂਦਾ ਸੀ, ਪਰ ਲਾਂਚਿੰਗ ਦੇ ਕੁਝ ਸਮੇਂ ਬਾਅਦ ਹੀ ਕੰਪਨੀ ਵੱਲੋਂ ਪਲਾਨ ਦੇ ਬੈਨੀਫਿਟਸ ਬਦਲ ਦਿੱਤੇ ਜਾਂਦੇ ਹਨ। 1 ਰੁਪਏ ਵਾਲੇ ਪ੍ਰੀ-ਪੇਡ ਪਲਾਨ ‘ਚ ਬਦਲਾਅ ਕਰ ਕੇ 28 ਦਿਨਾਂ ਦੀ ਵੈਲਿਡਿਟੀ ਨੂੰ ਘਟਾ ਕੇ 1 ਦਿਨ ਕਰ ਦਿੱਤਾ ਗਿਆ ਹੈ। ਨਾਲ ਹੀ 100 MB ਡਾਟਾ ਲਿਮਟ ਨੂੰ ਘਟਾ ਕੇ 10 MB ਕਰ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਹੁਣ ਰਿਲਾਇੰਸ ਜੀਓ ਵੱਲੋਂ 1 ਰੁਪਏ ਦਾ ਪਲਾਨ ਬੰਦ ਕਰ ਦਿੱਤਾ ਗਿਆ ਹੈ। ਕੰਪਨੀ ਨੇ ਇਸ ਪਲਾਨ ਨੂੰ ਆਪਣੀ ਜੀਓ ਐਪ ਤੇ ਵੈੱਬਸਾਈਟ ਤੋਂ ਹਟਾ ਦਿੱਤਾ ਹੈ।
ਇਨ੍ਹਾਂ ਗਾਹਕਾਂ ਨੂੰ ਮਿਲਦਾ ਰਹੇਗਾ ਫਾਇਦਾ
ਕੰਪਨੀ ਦੀ ਮੰਨੀਏ ਤਾਂ ਜਿਨ੍ਹਾਂ ਗਾਹਕਾਂ ਨੇ ਇਕ ਰੁਪਏ ਦਾ ਪਲਾਨ ਰੀਚਾਰਜ ਕਰਵਾਇਆ ਹੈ, ਉਨ੍ਹਾਂ ਗਾਹਕਾਂ ਨੂੰ ਵੈਲਿਡਿਟੀ ਖਤਮ ਹੋਣ ਤਕ ਇਨ੍ਹਾਂ ਸਹੂਲਤਾਂ ਦਾ ਲਾਭ ਮਿਲਦਾ ਰਹੇਗਾ। ਹਾਲਾਂਕਿ, ਇਕ ਰੁਪਏ ਦਾ ਰੀਚਾਰਜ ਪਲਾਨ ਨਵੇਂ ਉਪਭੋਗਤਾਵਾਂ ਲਈ ਉਪਲਬਧ ਨਹੀਂ ਹੋਵੇਗਾ।
ਕਿਹੜੇ ਗਾਹਕਾਂ ਲਈ ਸੀ ਪਲਾਨ
ਰਿਲਾਇੰਸ ਜੀਓ ਦਾ ਇਕ ਰੁਪਏ ਦਾ ਪਲਾਨ ਖਾਸ ਤੌਰ ‘ਤੇ ਉਨ੍ਹਾਂ ਗਾਹਕਾਂ ਲਈ ਸੀ ਜੋ ਘੱਟ ਡਾਟਾ ਦੀ ਵਰਤੋਂ ਕਰਦੇ ਹਨ। ਨਵੇਂ ਸਾਲ ‘ਚ Jio ਦੇ ਇਕ ਰੁਪਏ ਵਾਲੇ ਪਲਾਨ ਨੂੰ ਬੰਦ ਕਰਕੇ ਗਾਹਕਾਂ ਨੂੰ ਵੱਡਾ ਝਟਕਾ ਦਿੱਤਾ ਗਿਆ ਹੈ।
