15 ਅਕਤੂਬਰ ਨੂੰ ਪੰਜਾਬ ਬੰਦ! ਪਰਵਿੰਦਰ ਸਿੰਘ ਝੋਟੇ ਦੇ ਕਤਲ ਮਗਰੋਂ ਪਰਿਵਾਰ ਨੇ ਕਰ”ਤਾ ਐਲਾਨ
ਫਿਰੋਜ਼ਪੁਰ : ਥਾਣਾ ਲੱਖੋਕੇ ਬਹਿਰਾਮ ਅਧੀਨ ਆਉਂਦੇ ਪਿੰਡ ਦੋਨਾ ਮੱਤੜ (ਗਜ਼ਨੀਵਾਲਾ) ਵਿਚ ਗੁਆਂਢੀਆਂ ਵੱਲੋਂ ਕੀਤੀ ਕੁੱਟਮਾਰ ਪਿੱਛੋਂ ਬਜ਼ੁਰਗ ਔਰਤ ਦੀ ਮੌਤ ਹੋਣ ਦੀ ਖਬਰ ਹੈ। ਇਸ ਸਬੰਧ ਵਿਚ ਪੁਲਿਸ ਨੇ 5 ਜਣਿਆਂ ਖਿਲਾਫ 304, 148, 149 ਆਈਪੀਸੀ ਤਹਿਤ ਮਾਮਲਾ ਦਰਜ ਕੀਤਾ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਸਿਮਰਨ ਕੌਰ ਨੇ ਦੱਸਿਆ ਕਿ ਉਹ ਆਪਣੀ ਸੱਸ ਜੋਗਿੰਦਰੋ ਬੀਬੀ (65-70 ਸਾਲ) ਨਾਲ ਰੋਜ਼ ਵਾਂਗ ਘਰ ਦਾ ਕੂੜਾ ਸੁੱਟਣ ਲਈ ਉਨ੍ਹਾਂ ਦੀ ਮਾਲਕੀ ਵਾਲੇ ਖੱਡੇ ਵੱਲ ਜਾ ਰਹੀਆਂ ਸਨ। ਖੱਡੇ ਕੋਲ ਬਿਜਲੀ ਦੇ ਮੀਟਰਾਂ ਵਾਲੇ ਬਕਸੇ ਵਿੱਚੋਂ ਓਮ ਪ੍ਰਕਾਸ਼ ਪੁੱਤਰ ਬਿਸ਼ੰਬਰ ਸਿੰਘ ਤੇ ਹੋਰਨਾਂ ਨੇ ਬਿਜਲੀ ਦੀ ਤਾਰ ਲਾਈ ਹੋਈ ਸੀ, ਜੋ ਕਾਫੀ ਨੀਵੀਂ ਸੀ। ਜਦੋਂ ਉਸ ਦੀ ਸੱਸ ਜੋਗਿੰਦਰੋ ਬੀਬੀ ਸਿਰ ਉਪਰ ਬੱਠਲ ਰੱਖ ਕੇ ਖੱਡੇ ਵੱਲ ਜਾਣ ਲੱਗੀ ਤਾਂ ਬਿਜਲੀ ਦੀ ਤਾਰ ਬੱਠਲ ਨਾਲ ਅੜ ਗਈ ਤੇ ਓਮ ਹੁਰਾਂ ਦੀ ਬਿਜਲੀ ਬੰਦ ਹੋ ਗਈ। ਜਿਸ ’ਤੇ ਮੁਲਜ਼ਮਾਂ ਓਮ ਪ੍ਰਕਾਸ਼, ਬਿਸ਼ੰਬਰ ਸਿੰਘ, ਪਰਮਜੀਤ ਬਿੱਟੂ, ਵੀਰਪਾਲ ਕੌਰ, ਕਰਮਜੀਤ ਕੌਰ ਵਾਸੀਆਨ ਦੋਨਾ ਮੱਤੜ (ਗਜ਼ਨੀਵਾਲਾ) ਗਾਲੀ ਗਲੋਚ ਕਰਦੇ ਮੌਕੇ ’ਤੇ ਆ ਗਏ ਤੇ ਜੋਗਿੰਦਰੋ ਬੀਬੀ ਨੂੰ ਡਾਂਗਾਂ ਮਾਰੀਆਂ। ਮੁਲਜ਼ਮ ਓਮ ਪ੍ਰਕਾਸ਼ ਨੇ ਜੋਗਿੰਦਰੋ ਬੀਬੀ ਦੀ ਖੱਬੀ ਲੱਤ ਦੇ ਪਿਛਲੇ ਪਾਸੇ ਡਾਂਗ ਮਾਰੀ ਤੇ ਬਾਕੀਆਂ ਨੇ ਕੁੱਟਮਾਰ ਕੀਤੀ। ਕੁੱਟਮਾਰ ਪਿੱਛੋਂ ਬਜ਼ੁਰਗ ਔਰਤ ਦੀ ਮੌਕੇ ’ਤੇ ਮੌਤ ਹੋ ਗਈ। ਜਾਂਚ ਕਰ ਰਹੇ ਇੰਸਪੈਕਟਰ (ਮੁੱਖ ਅਫਸਰ) ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਦੇ ਬਿਆਨਾਂ ’ਤੇ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
