ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਨਵਾਂਸ਼ਹਿਰ : ਪੁਲਿਸ ਥਾਣਾ ਸਿਟੀ ਨਵਾਂਸ਼ਹਿਰ ਅਧੀਨ ਆਉਦੇ ਮੁਹੱਲਾ ਆਰੀਆ ਸਮਾਜ ਰੋਡ ‘ਤੇ ਇਕ ਘਰ ‘ਚ ਬੀਤੀ ਦੇਰ ਸ਼ਾਮ ਕਰੀਬ ਸਾਢੇ 8 ਵਜੇ ਲੁਟੇਰਿਆਂ ਨੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਇਕ ਕਾਰ ‘ਚ ਸਵਾਰ ਹੋ ਕੇ ਆਏ 7 ਤੋਂ 8 ਲੁਟੇਰਿਆਂ ਨੇ ਘਰ ‘ਚ ਦਾਖਲ ਹੁੰਦਿਆਂ ਹੀ ਘਰ ਦੇ ਮਾਲਕ, ਮਾਲਕਣ, ਬਿਮਾਰ ਪੁੱਤਰ ਤੇ ਡਾਕਟਰ ਨੂੰ ਵੱਖ-ਵੱਖ ਕਮਰਿਆਂ ਵਿਚ ਬੰਦ ਕਰ ਕੇ ਘਰ ‘ਚ ਰੱਖੇ 3 ਲੱਖ ਰੁਪਏ ਨਗਦ ਤੇ 10 ਤੋਂ 15 ਤੋਲੇ ਸੋਨੇ ਦੇ ਗਹਿਣੇ ਲੈ ਕੇ ਫਰਾਰ ਹੋ ਗਏ। ਪੁਲਿਸ ਵੱਲੋਂ ਘਰ ਦੇ ਮਾਲਕ ਦੀਪ ਸਿੰਘ ਦੇ ਬਿਆਨਾਂ ’ਤੇ ਅਣਪਛਾਤੇ ਲੁਟੇਰਿਆਂ ਦੀ ਭਾਲ ਵਿਚ ਸੀਸੀਟੀਵੀ ਕੈਮਰੇ ਖੰਗਾਲੇ ਜਾ ਰਹੇ ਹਨ।
ਜਾਣਕਾਰੀ ਅਨੁਸਾਰ ਦੀਪ ਸਿੰਘ ਨੇ ਦੱਸਿਆ ਕਿ ਬੀਤੀ ਦੇਰ ਸ਼ਾਮ ਸਾਢੇ 8 ਵਜੇ ਦੇ ਕਰੀਬ ਜਦੋਂ ਉਹ ਆਪਣੀ ਪਤਨੀ ਅਤੇ ਪੁੱਤਰ ਨਾਲ ਘਰ ਵਿਚ ਸੀ। ਇਕ ਡਾਕਟਰ ਰਾਕੇਸ਼ ਉਨ੍ਹਾਂ ਦੇ ਬਿਮਾਰ ਬੇਟੇ ਨੂੰ ਐਕਸਰਸਾਈਜ਼ ਕਰਵਾ ਰਿਹਾ ਸੀ। ਅਚਾਨਕ ਘਰ ਵਿਚ ਵੜੇ 7-8 ਨੌਜਵਾਨਾਂ ਜਿਨ੍ਹਾਂ ਵਿਚ 4 ਪਗੜੀਧਾਰੀ ਤੇ 3 ਮੋਨੇ ਸਨ, ਨੇ ਆਉਂਦੇ ਸਾਰ ਹੀ ਘਰ ਦੀ ਮਾਲਕਣ ਤੋਂ ਚਾਬੀਆਂ ਮੰਗਦਿਆਂ ਰੌਲਾ ਪਾਉਣ ‘ਤੇ ਜਾਨੋਂ ਮਾਰਨ ਦੀ ਧਮਕੀਆਂ ਦਿੱਤੀਆਂ। ਘਰ ਦੇ ਮਾਲਕ-ਮਾਲਕਣ ਨੂੰ ਡਰਾਇੰਗ ਰੂਮ ਵਿਚ ਬੰਦ ਕਰ ਦਿੱਤਾ। ਦੋ ਨੌਜਵਾਨ ਉਨ੍ਹਾਂ ਕਮਰਿਆਂ ਦੀ ਨਿਗਰਾਨੀ ਕਰਦੇ ਰਹੇ ਜਦਕਿ ਬਾਕੀ ਦੇ ਲੁਟੇਰੇ ਅਲਮਾਰੀ ਤੇ ਹੋਰ ਸਾਮਾਨ ਦੀ ਫਰੋਲਾ ਫਰੋਲੀ ਕਰ ਕੇ 3 ਲੱਖ ਰੁਪਏ ਨਕਦੀ ਤੇ 10-15 ਤੋਲੋ ਸੋਨੇ ਦੇ ਗਹਿਣੇ ਲੈ ਕੇ ਫਰਾਰ ਹੋ ਗਏ।
ਦੀਪ ਸਿੰਘ ਨੇ ਦੱਸਿਆ ਕਿ ਲੁਟੇਰਿਆਂ ਦੇ ਜਾਣ ਮਗਰੋਂ ਉਹ ਕਮਰੇ ਦੇ ਸ਼ੀਸ਼ੇ ਭੰਨ ਕੇ ਬਾਹਰ ਆਏ ਤੇ ਇਕ ਕਮਰੇ ‘ਚ ਬੰਦ ਆਪਣੇ ਪੁੱਤਰ ਤੇ ਡਾਕਟਰ ਨੂੰ ਬਾਹਰ ਕੱਢਿਆ। ਉਨ੍ਹਾਂ ਵੱਲੋਂ ਘਰ ‘ਚ ਹੋਈ ਚੋਰੀ ਦਾ ਰੌਲਾ ਪਾਉਣ ’ਤੇ ਇਕੱਠੇ ਹੋਏ ਲੋਕਾਂ ਨੇ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਮੌਕੇ ‘ਤੇ ਪੁੱਜੀ ਪੁਲਿਸ ਵੱਲੋਂ ਘਰਾਂ ਦੇ ਆਸ-ਪਾਸ ਲੱਗੇ ਸੀਸੀਟੀਵੀ ਕੈਮਰਿਆਂ ਨੂੰ ਖੰਗਾਲਣਾ ਸ਼ੁਰੂ ਕਰ ਦਿੱਤਾ ਹੈ। ਦੀਪ ਸਿੰਘ ਨੇ ਲੁਟੇਰਿਆਂ ਖਿਲਾਫ਼ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕਰਨ ਦੀ ਮੰਗ ਕਰਦਿਆਂ ਉਨ੍ਹਾਂ ਦੇ ਹੋਏ ਨੁਕਸਾਨ ਦੀ ਭਰਪਾਈ ਦੀ ਮੰਗ ਕੀਤੀ ਹੈ।
