ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਅੰਮ੍ਰਿਤਸਰ : ਕੁਇੰਜ ਰੋਡ ਵਿਚ ਇਕ ਨਿਰਮਾਣ ਅਧੀਨ ਹੋਟਲ ਦੇ ਨੇੜੇ ਸਥਿਤ ਤਿੰਨ ਮੰਜ਼ਿਲਾ ਰੈਸਟੋਰੈਂਟ ਦੀ ਇਮਾਰਤ ਢਹਿ ਢੇਰੀ ਹੋ ਗਈ। ਜਾਣਕਾਰੀ ਅਨੁਸਾਰ, ਹੋਟਲ ਬਣਾਉਣ ਦੀ ਬੇਸਮੈਂਟ ਬਣਾਉਣ ਲਈ ਮਜ਼ਦੂਰਾਂ ਨੇ ਪੰਜਾਹ ਫੁੱਟ ਜ਼ਮੀਨ ਪੁੱਟੀ ਸੀ। ਇਸ ਦੇ ਬਿਲਕੁੱਲ ਨਾਲ ਹੀ ਹੋਟਲ ਗਰੈਂਡ ਅਤੇ ਫੂਡ ਬਾਲ ਰੈਸਟੋਰੈਂਟ ਹੈ। ਵੀਰਵਾਰ ਸ਼ਾਮ ਤਕਰੀਬਨ ਸੱਤ ਵਜੇ ਅਚਾਨਕ ਫੂਡ ਬਾਲ ਰੈਸਟੋਰੈਂਟ ਦੀ ਤਿੰਨ ਮੰਜ਼ਿਲਾ ਇਮਾਰਤ ਡਿੱਗਣ ਲੱਗੀ। ਦੇਖਦੇ ਹੀ ਦੇਖਦੇ ਇਹ ਜਮੀਨਦੋਜ਼ ਹੋ ਗਈ। ਇਸ ਦੇ ਇਲਾਵਾ ਹੋਟਲ ਗਰੈਂਡ ਦਾ ਇਕ ਹਿੱਸਾ ਵੀ ਢਹਿ-ਢੇਰੀ ਹੋ ਗਿਆ। ਹੋਟਲ ਗਰੈਂਡ ਦਾ ਪਿਛਲਾ ਹਿੱਸਾ ਵੀ ਡਿੱਗਿਆ। ਗਨੀਮਤ ਇਹ ਸੀ ਕਿ ਉਸ ਵਕਤ ਫੂਡ ਬਾਲ ਰੈਸਟੋਰੈਂਟ ਵਿਚ ਕੋਈ ਨਹੀਂ ਸੀ, ਉਥੇ ਹੀ ਹੋਟਲ ਗਰੈਂਡ ਦੇ ਉਸ ਹਿੱਸੇ ਵਿਚ ਕੋਈ ਨਹੀਂ ਸੀ, ਜੋ ਡਿੱਗਿਆ। ਨਿਰਮਾਣ ਅਧੀਨ ਹੋਟਲ ਦੇ ਮਜ਼ਦੂਰ ਵੀ ਪੰਜ ਵਜੇ ਘਰ ਪਰਤ ਚੁੱਕੇ ਸਨ। ਇਸ ਘਟਨਾ ਦੇ ਬਾਅਦ ਆਸਪਾਸ ਦੇ ਘਰਾਂ ਵਿਚ ਵੀ ਦਰਾਰਾਂ ਉੱਭਰ ਆਈਆਂ।
ਹਫੜਾ-ਦਫੜੀ ਵਿਚ ਲੋਕ ਘਰਾਂ ਤੋਂ ਬਾਹਰ ਨਿਕਲੇ, ਉਥੇ ਹੀ ਹੋਟਲ ਗਰੈਂਡ ਦੇ ਮਾਲਕ ਸੰਜੈ ਕਪੂਰ ਨੇ ਕਿਹਾ ਕਿ ਨਿਰਮਾਣ ਅਧੀਨ ਹੋਟਲ ਰਾਜਨੀਤਕ ਮਿਲੀਭੁਗਤ ਨਾਲ ਬਣਾਇਆ ਜਾ ਰਿਹਾ ਸੀ। ਗ਼ੈਰ-ਕਾਨੂੰਨੀ ਰੂਪ ਨਾਲ ਬਣ ਰਹੇ ਇਸ ਹੋਟਲ ਸੰਚਾਲਕ ਦੇ ਖ਼ਿਲਾਫ਼ ਨਗਰ ਨਿਗਮ ਵਿਚ ਸ਼ਿਕਾਇਤ ਦਿੱਤੀ ਗਈ ਸੀ। ਨਿਗਮ ਦੇ ਏਟੀਪੀ ਪਰਮਿੰਦਰ ਜੀਤ ਸਿੰਘ ਦਾ ਕਹਿਣਾ ਹੈ ਕਿ ਹੋਟਲ ਦੀ ਉਸਾਰੀ ਨੂੰ ਰੋਕਿਆ ਗਿਆ ਸੀ। ਗਰੈਂਡ ਹੋਟਲ ਦਾ ਜੋ ਹਿੱਸਾ ਡਿੱਗਿਆ ਹੈ ਉਸ ਨੂੰ ਪਹਿਲਾਂ ਤੋਂ ਹੀ ਨਿਗਮ ਨੇ ਅਨਸੇਫ ਘੋਸ਼ਿਤ ਕੀਤਾ ਸੀ। ਇਸ ਸਬੰਧੀ ਬਕਾਇਦਾ ਨੋਟਿਸ ਜਾਰੀ ਕੀਤੇ ਗਏ ਸੀ। ਹੋਟਲ ਗਰੈਂਡ ਦੇ ਮਾਲਕ ਸੰਜੈ ਕਪੂਰ ਨੇ ਕਿਹਾ ਕਿ ਨਿਗਮ ਨੂੰ ਕਈ ਵਾਰ ਅਗਾਹ ਕੀਤਾ ਗਿਆ ਸੀ ਕਿ ਨਿਰਮਾਣ ਅਧੀਨ ਹੋਟਲ ਦੀ ਵਜ੍ਹਾ ਨਾਲ ਉਨ੍ਹਾਂ ਦੀਆਂ ਇਮਾਰਤਾਂ ਖਤਰੇ ਵਿਚ ਹਨ, ਪਰ ਕਿਸੇ ਨੇ ਪ੍ਰਵਾਹ ਨਹੀਂ ਕੀਤੀ। ਘਟਨਾ ਦੇ ਬਾਅਦ ਪੁਲਿਸ ਮੌਕੇ ’ਤੇ ਪਹੁੰਚੀ ਅਤੇ ਜਾਇਜ਼ਾ ਲਿਆ।
