PUBG ਫੈਨਜ਼ ਦਾ ਇੰਤਜ਼ਾਰ ਖ਼ਤਮ! Battlegrounds Mobile India ਦੀ ਰਜਿਸਟ੍ਰੇਸ਼ਨ ਸ਼ੁਰੂ, ਜਾਣੋ ਤਰੀਕਾ

May 18, 2021

1 minute read

PUBG ਖੇਡਣ ਵਾਲਿਆਂ ਲਈ ਖੁਸ਼ਖਬਰੀ ਹੈ। Battlegrounds Mobile India ਭਾਰਤ ਵਿਚ ਗੂਗਲ ਪਲੇਅ ਸਟੋਰ ‘ਤੇ ਲਾਈਵ ਹੋ ਗਈ ਹੈ। ਫਿਲਹਾਲ ਇਹ ਸਹੂਲਤ ਐਂਡਰਾਇਡ ਯੂਜ਼ਰਜ਼ ਲਈ ਉਪਲਬਧ ਹੈ। ਹਾਲਾਂਕਿ ਇਸ ਦੀ ਲਾਂਚਿੰਗ ਸਬੰਧੀ ਅਧਿਕਾਰਤ ਐਲਾਨ ਅਜੇ ਬਾਕੀ ਹੈ। ਮੀਡੀਆ ਰਿਪੋਰਟਸ ਮੁਤਾਬਿਕ ਇਸ ਨੂੰ ਜੂਨ ਦੇ ਸ਼ੁਰੂ ਵਿਚ ਲਾਂਚ ਕੀਤਾ ਜਾ ਸਕਦਾ ਹੈ। ਭਾਰਤੀ ਖਿਡਾਰੀਆਂ ਲਈ ਬੈਟਲਗਰਾਊਂਡ ਮੋਬਾਈਲ ਇੰਡੀਆ ਦੀ ਪ੍ਰੀ-ਰਜਿਸਟ੍ਰੇਸ਼ਨ ਕਰਨ ‘ਤੇ ਆਕਰਸ਼ਨ ਇਨਾਮ ਵੀ ਮਿਲਣਗੇ। ਇਹ ਇਨਾਮ ਗੇਮ ਲਾਂਚ ਹੋਣ ਤੋਂ ਬਾਅਦ ਮਿਲਣਗੇ। iOS ਯੂਜ਼ਰਜ਼ ਨੂੰ ਭਾਰਤ ਵਿਚ ਪ੍ਰੀ-ਰਜਿਸਟ੍ਰੇਸ਼ਨ ਦੀ ਸੁਵਿਧਾ ਫਿਲਹਾਲ ਨਹੀਂ ਦਿੱਤੀ ਗਈ ਹੈ।

ਪ੍ਰੀ-ਰਜਿਸਟ੍ਰੇਸ਼ਨ ਲਈ ਚੈੱਕ ਕਰੋ ਲਿੰਕ

Battlegounds Mobile India ਪ੍ਰੀ-ਰਜਿਸਟ੍ਰੇਸ਼ਨ ਲਿੰਕ ਪਹਿਲਾਂ ਹੀ ਗੂਗਲ ਪਲੇਅ ਸਟੋਰ ‘ਤੇ ਉਪਲਬਧ ਹੈ। ਪ੍ਰੀ-ਰਜਿਸਟ੍ਰੇਸ਼ਨ ਲਈ ਗੂਗਲ ਸਟੋਰ ‘ਚ ਮੌਜੂਦ Battlegounds Mobile India ਐਪਲੀਕੇਸ਼ਨ ‘ਤੇ ਜਾਓ ਤੇ pre-register ਬਟਨ ‘ਤੇ ਕਲਿੱਕ ਕਰੋ। ਅਜਿਹਾ ਕਰਨ ਗੇਮ ਲਾਂਚ ਹੋਣ ‘ਤੇ ਯੂਜ਼ਰਜ਼ ਨੂੰ ਨੋਟੀਫਿਕੇਸ਼ਨ ਆ ਜਾਵੇਗਾ ਤੇ ਉਹ ਇਸ ਨੂੰ ਡਾਊਨਲੋਡ ਕਰ ਕੇ ਖੇਡ ਸਕਣਗੇ। Krafton ਪ੍ਰੀ-ਰਜਿਸਟ੍ਰੇਸ਼ਨ ‘ਤੇ 4 ਤਰ੍ਹਾਂ ਦੇ ਐਕਸਕਲੂਸਿਵ ਇਨਾਮ ਜਿਵੇਂ Recon Mask, the Recon Outfit, Celebration Expert Title ਤੇ 300 AG ਮਿਲਣਗੇ।

ਬੈਟਲਗਰਾਊਂਡ ਮੋਬਾਈਲ PUBG ਦੇ ਮੋਬਾਈਲ ਗਲੋਬਲ ਵਰਸ਼ਨ ਤੋਂ ਕਾਫੀ ਅਲੱਗ ਹੈ। ਸਾਰੇ ਪਲੇਅਰ ਪੂਰੇ ਕੱਪੜਿਆਂ ਸਮੇਤ ਮੈਪ ‘ਤੇ ਲੈਂਡ ਕਰਦੇ ਹਨ। ਇਸ ਤੋਂ ਇਲਾਵਾ ਬੈਟਲਗਰਾਊਂਡ ਮੋਬਾਈਲ ਗੇਮ ‘ਚ ਪਬਜੀ ਦੇ ਮੁਕਾਬਲੇ ਹਿੰਸਾ ਘੱਟ ਹੈ ਤੇ ਖ਼ੂਨ ਵੀ ਲਾਲ ਦੀ ਜਗ੍ਹਾ ਹਰਾ ਦਿਸੇਗਾ। ਬੇਸ਼ਕ ਦੋਵਾਂ ਦੇ ਮੈਪ ਇੱਕੋ ਜਿਹੇ ਹੋਣਗੇ ਪਰ ਨਾਮ ਵੱਖਰੇ ਹੋਣਗੇ।

Krafton ਨੇ ਇਸ ਗੇਸ ਵਿਚ ਨਿੱਜਤਾ ਤੇ ਬੱਚਿਆਂ ਦੀ ਸੁਰੱਖਿਆ ਦਾ ਕਾਫੀ ਧਿਆਨ ਰੱਖਿਆ ਹੈ, ਖਾਸ ਕਰਕੇ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ। ਯੂਜ਼ਰਜ਼ ਇਸ ਨੂੰ ਭਾਰਤ ਸਰਕਾਰ ਦੀਆਂ ਗਾਈਡਲਾਈਨਜ਼ ਦੇ ਅਨੁਸਾਰ ਡਾਊਨਲੋਡ ਕਰ ਸਕਣਗੇ। 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਆਪਣੇ ਮਾਪਿਆਂ ਜਾਂ ਗਾਰਜੀਅਨ ਦਾ ਮੋਬਾਈਲ ਨੰਬਰ ਭਰਨਾ ਪਵੇਗਾ। ਇਸ ਤੋਂ ਇਲਾਵਾ ਯੂਜ਼ਰਜ਼ ਇਕ ਦਿਨ ਵਿਚ ਸਿਰਫ਼ 3 ਘੰਟੇ ਗੇਮ ਖੇਡ ਸਕਦੇ ਹਨ।