ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਪਟਿਆਲਾ : ਡੇਰੇ ਦੀ ਜ਼ਮੀਨ ਲਈ ਭਿੜੀਆਂ ਕਿੰਨਰਾਂ ਦੀਆਂ ਦੋ ਧਿਰਾਂ ਦਾ ਮਾਮਲਾ ਦਿਨ ਪ੍ਰਤੀ ਦਿਨ ਭਖਦਾ ਜਾ ਰਿਹਾ ਹੈ। ਰੋਸ ਵਜੋਂ ਡੇਰੇ ਦੀ ਇਕ ਧਿਰ ਨੇ ਜਿੱਥੇ ਬੱਸ ਸਟੈਂਡ ਰੋਡ ਜਾਮ ਕਰ ਕੇ ਧਰਨਾ ਲਗਾ ਦਿੱਤਾ, ਉੱਥੇ ਹੀ ਆਉਣ-ਜਾਣ ਵਾਲੇ ਲੋਕਾਂ ਨੂੰ ਕਿੰਨਰਾਂ ਦੇ ਰੋਹ ਦਾ ਸਾਹਮਣਾ ਵੀ ਕਰਨਾ ਪੈ ਰਿਹਾ ਹੈ। ਖ਼ਬਰ ਲਿਖੇ ਜਾਣ ਤਕ ਕਿੰਨਰਾਂ ਨਾਲ ਕਿਸੇ ਵੀ ਪ੍ਰਸ਼ਾਸਨਿਕ ਅਧਿਕਾਰੀ ਵੱਲੋਂ ਭਰੋਸਾ ਨਾ ਮਿਲਣ ਕਾਰਨ ਰੋਸ ਪ੍ਰਦਰਸ਼ਨ ਜਾਰੀ ਸੀ।
ਜਾਣਕਾਰੀ ਅਨੁਸਾਰ ਲੰਘੇ ਦਿਨ ਪਹਿਲਾਂ ਸਿਮਰਨ ਮਹੰਤ ਤੇ ਪੂਨਮ ਮਹੰਤ ਦੇ ਕਿੰਨਰ ਸਾਥੀਆਂ ਵਿਚਕਾਰ ਜੱਟਾਂ ਵਾਲਾ ਚੌਂਤਰਾ ਵਿਖੇ ਡੇਰੇ ਦੀ ਜ਼ਮੀਨ ਲਈ ਝਗੜਾ ਹੋ ਗਿਆ ਸੀ। ਇਸ ਉਪਰੰਤ ਪੁਲਿਸ ਨੇ ਦੋਵੇਂ ਧਿਰਾਂ ਖ਼ਿਲਾਫ਼ ਗਹਿਣੇ ਚੋਰੀ ਕਰਨ, ਕੁੱਟਮਾਰ ਤੇ ਹਵਾਈ ਫਾਇਰ ਕਰਨ ਦਾ ਕਰਾਸ ਕੇਸ ਦਰਜ ਕਰ ਲਿਆ ਸੀ। ਪੂਨਮ ਮਹੰਤ ਨੇ ਦੋਸ਼ ਲਗਾਏ ਸਨ ਕਿ ਲੰਘੇ ਦਿਨ ਪਹਿਲਾਂ ਉਸ ਨੇ ਸਿਮਰਨ ਮਹੰਤ ਤੋਂ ਡੇਰਾ ਖਰੀਦਿਆ ਸੀ ਤੇ ਉਸ ਦੇ ਕੋਈ ਵੀ ਪੈਸੇ ਬਕਾਏ ਨਹੀਂ ਰਹਿੰਦੇ, ਪਰ ਉਸ ਨੇ ਆਪਣੇ ਸਾਥੀਆਂ ਤੇ ਹੋਰ ਗੁੰਡਾ ਅਨਸਰਾਂ ਨਾਲ ਡੇਰੇ ‘ਤੇ ਹਮਲਾ ਕਰਕੇ ਕਬਜ਼ਾ ਕਰ ਲਿਆ ਹੈ ਜਦੋਂਕਿ ਉਸ ਦੇ ਸਾਥੀਆਂ ਨੂੰ ਵੀ ਕੁੱਟਮਾਰ ਕਰ ਕੇ ਬਾਹਰ ਕੱਢ ਦਿੱਤਾ ਗਿਆ। ਉਸ ਦਿਨ ਤੋਂ ਹੀ ਡੇਰੇ ਦਾ ਕਬਜ਼ਾ ਲੈਣ ਲਈ ਪੂਨਮ ਮਹੰਤ ਵੱਲੋਂ ਸਾਥੀਆਂ ਸਮੇਤ ਰੋਜ ਪੁਲਿਸ ਪ੍ਰਸ਼ਾਸਨ ਖਿਲਾਫ ਰੋਸ ਪ੍ਰਦਰਸ਼ਨ ਵੀ ਕੀਤੇ ਜਾ ਰਹੇ ਹਨ। ਇਸ ਸੰਬੰਧ ਵਿਚ ਪੂਨਮ ਮਹੰਤ ਵੱਲੋਂ ਐਤਵਾਰ ਨੂੰ ਕਿਸਾਨਾਂ ਤੇ ਨਿਹੰਗ ਜਥੇਬੰਦੀਆਂ ਨਾਲ ਬੱਸ ਸਟੈਂਡ ਬੱਤੀਆਂ ਵਾਲਾ ਚੌਕ ਵਿਖੇ ਰੋਡ ਜਾਮ ਕਰਨ ਦਾ ਐਲਾਨ ਵੀ ਕੀਤਾ ਗਿਆ ਸੀ। ਸੋਮਵਾਰ ਨੂੰ ਦੁਪਹਿਰੇ 12 ਵਜੇ ਕਿਸਾਨ ਜਥੇਬੰਦੀਆਂ ਤੇ ਨਿਯਮ ਨਿਹੰਗ ਜਥੇਬੰਦੀਆਂ ਦੇ ਸਮਰਥਨ ਨਾਲ ਪੂਨਮ ਮੰਤ ਵੱਲੋਂ ਰੋਡ ਜਾਮ ਕਰਕੇ ਧਰਨਾ ਲਗਾ ਲਿਆ ਗਿਆ ਹੈ। ਇਸ ਮੌਕੇ ਕਿੰਨਰਾਂ ਵੱਲੋਂ ਪੁਲਿਸ ਪ੍ਰਸ਼ਾਸਨ ਖਿਲਾਫ਼ ਨਾਅਰੇਬਾਜ਼ੀ ਵੀ ਕੀਤੀ ਜਾ ਰਹੀ ਹੈ। ਪ੍ਰਦਰਸ਼ਨ ਕਰ ਰਹੇ ਕਿੰਨਰਾਂ ਦਾ ਕਹਿਣਾ ਹੈ ਕਿ ਜਦੋਂ ਤਕ ਉਨ੍ਹਾਂ ਦੇ ਡੇਰੇ ਦਾ ਕਬਜ਼ਾ ਨਹੀਂ ਛੁਡਾਇਆ ਜਾਂਦਾ ਉਦੋਂ ਤੱਕ ਉਨ੍ਹਾਂ ਦਾ ਪ੍ਰਦਰਸ਼ਨ ਜਾਰੀ ਰਹੇਗਾ।
