ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਪਟਿਆਲਾ : ਮੁੱਖ ਮੰਤਰੀ ਦੇ ਜ਼ਿਲ੍ਹੇ ‘ਚ ਪਿਛਲੇ ਇਕ ਮਹੀਨੇ ਦੌਰਾਨ ਬੇਜ਼ੁਬਾਨਾਂ ‘ਤੇ ਅੱਤਿਆਚਾਰ ਵਧਿਆ ਹੈ। ਪਾਤੜਾਂ ‘ਚ ਕੁੱਤੇ ਨੂੰ ਗੋਲ਼ੀ ਮਾਰਨ ਦੀ ਘਟਨਾ ਤੋਂ ਬਾਅਦ ਅਰਬਨ ਅਸਟੇਟ ‘ਚ ਨੌਜਵਾਨ ਨੇ ਗਲ਼ੀ ‘ਚ ਸੌਂ ਰਹੇ ਕੁੱਤੇ ‘ਤੇ ਗੱਡੀ ਚੜ੍ਹਾ ਦੇਣ ਦੀ ਘਟਨਾ ਹਾਲੇ ਠੰਡੀ ਵੀ ਨਹੀਂ ਹੋਈ ਸੀ ਕਿ ਸਿਵਲ ਲਾਈਨ ਥਾਣੇ ਅਧੀਨ ਪੈਂਦੇ ਨਿਊ ਸੈਂਚੂਰੀ ਐਨਕਲੇਵ ‘ਚ ਅਜਿਹਾ ਹੀ ਤੀਸਰਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਦੋ ਔਰਤਾਂ ਨੇ ਸਕੂਟਰੀ ਨਾਲ ਇਕ ਕੁੱਤੀ ਨੂੰ ਬੰਨ੍ਹ ਕੇ ਘਸੀਟਦੇ ਹੋਏ ਮੁਹੱਲੇ ਤੋਂ ਬਾਹਰ ਲੈ ਕੇ ਜਾਣ ਦੀ ਕੋਸ਼ਿਸ਼ ਕੀਤੀ। ਚੁਪਾਇਆ ਜੀਵ ਰਾਖਾ ਫਾਊਂਡੇਸ਼ਨ ਇੰਡੀਆ ਸੰਸਥਾ ਦੇ ਮੈਂਬਰਾਂ ਨੇ ਘਟਨਾ ਨੂੰ ਦੇਖ ਕੇ ਔਰਤਾਂ ਦਾ ਪਿੱਛਾ ਕੀਤਾ ਪਰ ਔਰਤਾਂ ਉੱਥੇ ਹੀ ਗਲੀ ‘ਚ ਬੇਜ਼ੁਬਾਨ ਕੁੱਤੀ ਨੂੰ ਛੱਡ ਕੇ ਫ਼ਰਾਰ ਹੋ ਗਈਆਂ। ਇਸ ਸਬੰਧੀ ਤੁਰੰਤ ਸੂਚਨਾ ਮਿਲਦਿਆਂ ਹੀ ਮੌਕੇ ‘ਤੇ ਪੁੱਜੀ ਸੰਸਥਾ ਵਰਕਰ ਸੁਸ਼ਮਾ ਸਿੰਘ ਰਾਠੌਰ ਨੇ ਤੁਰੰਤ ਬੇਜ਼ੁਬਾਨ ਕੁੱਤੀ ਨੂੰ ਇਲਾਜ ਲਈ ਹਸਪਤਾਲ ਵਿਖੇ ਦਾਖ਼ਲ ਕਰਵਾਇਆ ਤੇ ਔਰਤਾਂ ਦੀ ਸ਼ਿਕਾਇਤ ਥਾਣਾ ਸਿਵਲ ਲਾਈਨ ਪੁਲਿਸ ਨੂੰ ਕੀਤੀ
ਸੁਸ਼ਮਾ ਰਾਠੌਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੈਂਬਰਾਂ ਦਾ ਫੋਨ ਆਇਆ ਸੀ ਕਿ ਦੋ ਔਰਤਾਂ ਸਕੂਟਰੀ ‘ਤੇ ਸਵਾਰ ਹੋ ਕੇ ਇਕ ਕੁੱਤੇ ਨੂੰ ਘਸੀਟਦੀਆਂ ਹੋੋਈਆਂ ਲੈ ਜਾ ਰਹੀਆਂ ਹਨ। ਜਦੋਂ ਉਨ੍ਹਾਂ ਨੇ ਰੁਕਣ ਲਈ ਔਰਤਾਂ ਨੂੰ ਕਿਹਾ ਤਾਂ ਔਰਤਾਂ ਉੱਥੇ ਹੀ ਰੱਸੀ ਛੱਡ ਕੇ ਫ਼ਰਾਰ ਹੋ ਗਈਆਂ। ਇਸ ਤੋਂ ਬਾਅਦ ਔਰਤਾਂ ਨੇ ਰੌਲਾ ਪਾਇਆ ਕਿ ਉਹ 11 ਸਾਲ ਤੋਂ ਇਸ ਬੇਜ਼ੁਬਾਨ ਕੁੱਤੀ ਤੋਂ ਪਰੇਸ਼ਾਨ ਹਨ।
