ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਅੰਮ੍ਰਿਤਸਰ : ਥਾਣਾ ਬਿਆਸ ਦੀ ਪੁਲਿਸ ਨੇ 16 ਮੈਂਬਰੀ ਗਿਰੋਹ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਦੇ ਕਬਜ਼ੇ ’ਚੋਂ ਸੱਤ ਰਾਈਫਲਾਂ, ਸੱਤ ਪਿਸਤੌਲ, 14 ਮੈਗਜ਼ੀਨ ਤੇ ਤਿੰਨ ਕਾਰਾਂ ਬਰਾਮਦ ਕੀਤੀਆਂ ਹਨ। ਪੁਲਿਸ ਨੇ ਮੁਲਜ਼ਮਾਂ ਦੇ ਕਬਜ਼ੇ ’ਚੋਂ ਰੌਂਦ ਵੀਹ ਬਰਾਮਦ ਕੀਤੇ ਹਨ। ਐਸਪੀ ਮਨੋਜ ਠਾਕੁਰ ਤੇ ਐਸਪੀ ਜਗਜੀਤ ਸਿੰਘ ਵਾਲੀਆ ਨੂੰ ਸੂਚਨਾ ਮਿਲੀ ਸੀ ਕਿ ਪਿੰਡ ਸਠਿਆਲਾ ਦੇ ਰਹਿਣ ਵਾਲੇ ਬਲਵਿੰਦਰ ਸਿੰਘ, ਪਿੰਡ ਸ਼ੇਰੋ ਬਾਘਾ ਵਾਸੀ ਪ੍ਰਭਜੋਤ ਸਿੰਘ, ਜਵੰਦਪੁਰ ਵਾਸੀ ਜਰਮਨਜੀਤ ਸਿੰਘ, ਸਠਿਆਲਾ ਵਾਸੀ ਜਗਦੀਪ ਸਿੰਘ, ਬੱਲ ਸਰਾਂ ਵਾਸੀ ਗੁਰਪ੍ਰੀਤ ਸਿੰਘ, ਕੋਟ ਮਹਿਤਾਬ ਵਾਸੀ ਨਵਦੀਪ ਸਿੰਘ, ਫਾਜਿਲਪੁਰ ਵਾਸੀ ਰੁਪਿੰਦਰ ਸਿੰਘ, ਧਰਦਿਓ ਵਾਸੀ ਮਨਜਿੰਦਰ ਸਿੰਘ, ਪਿੰਡ ਸਠਿਆਲਾ ਵਾਸੀ ਰਣਜੀਤ ਸਿੰਘ, ਟਾਂਗਰਾ ਵਾਸੀ ਗਗਨਦੀਪ ਸਿੰਘ, ਮਨਪ੍ਰੀਤ ਸਿੰਘ ਵਾਸੀ ਪਿੰਡ ਚੰਬਲ, ਸਠਿਆਲਾ ਵਾਸੀ ਗੁਰਪ੍ਰੀਤ ਸਿੰਘ, ਵੇਰਕਾ ਵਾਸੀ ਰਵਿੰਦਰ ਸਿੰਘ, ਮਾਨਵਾਲਾ ਕਲਾਂ ਪਿੰਡ ਵਾਸੀ ਮਨਪ੍ਰੀਤ ਸਿੰਘ, ਬੇਅੰਤ ਸਿੰਘ ਵਾਸੀ ਬਥੂਨਗੜ੍ਹ ਅਤੇ ਵਿਜੇ ਕੁਮਾਰ ਵਾਸੀ ਅਬੋਹਰ ਇਲਾਕੇ ਵਿੱਚ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇ ਰਹੇ ਹਨ। ਏਨਾ ਹੀ ਨਹੀਂ, ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਉਕਤ ਮੁਲਾਜ਼ਮ ਹਥਿਆਰਾਂ ਦੇ ਜ਼ੋਰ ‘ਤੇ ਖਾਲੀ ਪਈ ਕੋਠੀਆਂ ‘ਤੇ ਵੀ ਕਬਜ਼ਾ ਕਰਦੇ ਹਨ।
ਇਸ ਆਧਾਰ ‘ਤੇ ਥਾਣਾ ਬਿਆਸ ਦੇ ਇੰਚਾਰਜ ਇੰਸਪੈਕਟਰ ਬਲਕਾਰ ਸਿੰਘ ਨੇ ਕਲਨੌਰੀ ਢਾਬੇ ਨੇੜਿਓਂ ਛਾਪਾ ਮਾਰ ਕੇ ਉਪਰੋਕਤ ਸਾਰੇ ਮੁਲਜ਼ਮਾਂ ਨੂੰ ਕਾਬੂ ਕਰ ਲਿਆ। ਇਨ੍ਹਾਂ ਦੇ ਕਬਜ਼ੇ ‘ਚੋਂ ਸੱਤ ਰਾਈਫਲਾਂ, ਸੱਤ ਪਿਸਤੌਲ, 14 ਮੈਗਜ਼ੀਨ ਬਰਾਮਦ ਹੋਏ ਹਨ। ਬਾਅਦ ਵਿੱਚ ਮੁਲਜ਼ਮਾਂ ਦੇ ਕਹਿਣ ’ਤੇ ਤਿੰਨ ਕਾਰਾਂ ਵੀ ਬਰਾਮਦ ਕੀਤੀਆਂ ਗਈਆਂ। ਇਸ ਗੱਲ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਉਕਤ ਮੁਲਜ਼ਮਾਂ ਵੱਲੋਂ ਪਿਛਲੇ ਸਮੇਂ ਦੌਰਾਨ ਕਿੰਨੀਆਂ ਲੁੱਟਾਂ-ਖੋਹਾਂ ਅਤੇ ਘਰਾਂ ‘ਤੇ ਕਬਜ਼ਾ ਕਰਨ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਗਿਆ ਹੈ। ਐਸਪੀ ਜਗਜੀਤ ਸਿੰਘ ਵਾਲੀਆ ਨੇ ਦੱਸਿਆ ਕਿ ਗਰੋਹ ਦੇ ਹੋਰ ਮੈਂਬਰਾਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸ ਗੱਲ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਮੁਲਜ਼ਮਾਂ ਨੇ ਉਕਤ ਹਥਿਆਰਾਂ ਦੀ ਖੇਪ ਕਿੱਥੋਂ ਅਤੇ ਕਿੰਨੇ ਵਿੱਚ ਖਰੀਦੀ ਸੀ।
