ਜਲੰਧਰ – ਥਾਣਾ ਨੰ. ਸੱਤ ਦੀ ਪੁਲਿਸ ਨੇ ਮੁਖਬਰੀ ‘ਤੇ ਨਾਕੇਬੰਦੀ ਦੌਰਾਨ ਇਕ ਕਾਰ ‘ਚ ਉਸ ਵੇਲੇ ਦੋ ਸ਼ਰਾਬ ਤਸਕਰਾਂ ਨੂੰ ਨਾਜਾਇਜ਼ ਸ਼ਰਾਬ ਸਮੇਤ ਕਾਬੂ ਕਰ ਲਿਆ ਜਦੋਂ ਉਹ ਸ਼ਰਾਬ ਦੀ ਸਪਲਾਈ ਦੇਣ ਲਈ ਆਏ ਸਨ।
ਥਾਣਾ ਮੁਖੀ ਇੰਸਪੈਕਟਰ ਰਾਜੇਸ਼ ਸ਼ਰਮਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਮੁਖਬਰ ਨੇ ਸੂਚਨਾ ਦਿੱਤੀ ਸੀ ਕਿ ਸ਼ਰਾਬ ਤਸਕਰ ਕੁਲਦੀਪ ਕੁਮਾਰ ਤੇ ਸੋਨੂੰ ਦੋਵੇਂ ਵਾਸੀ ਰੇਰੂ ਪਿੰਡ ਇਸ ਵੇਲੇ ਆਪਣੀ ਸੈਂਟਰੋ ਗੱਡੀ ਨੰਬਰ ਪੀਬੀ10 ਬੀਆਰ 6644 ਵਿਚ ਨਾਜਾਇਜ਼ ਸ਼ਰਾਬ ਦੀ ਸਪਲਾਈ ਦੇਣ ਸੁਬਾਣਾ ਤੇ ਅਰਬਨ ਸਟੇਟ ਵੱਲ ਆ ਰਹੇ ਹਨ। ਏਐੱਸਆਈ ਹੀਰਾ ਲਾਲ ਨੇ ਪੁਲਿਸ ਸਮੇਤ ਦੱਸੀ ਹੋਈ ਥਾਂ ‘ਤੇ ਨਾਕੇਬੰਦੀ ਕਰ ਦਿੱਤੀ। ਜਿਵੇਂ ਹੀ ਉਕਤ ਨੰਬਰ ਦੀ ਗੱਡੀ ਨਾਕੇ ਤੋਂ ਲੰਘਣ ਲੱਗੀ ਤਾਂ ਉਸ ਨੂੰ ਰੋਕ ਕੇ ਜਦੋਂ ਤਲਾਸ਼ੀ ਲਈ ਗਈ ਤਾਂ 10 ਪੇਟੀਆਂ ਨਾਜਾਇਜ਼ ਸ਼ਰਾਬ ਦੀਆਂ ਬਰਾਮਦ ਹੋਈਆਂ। ਦੋਵੇਂ ਕਾਰ ਸਵਾਰਾਂ ਨੂੰ ਗਿ੍ਫ਼ਤਾਰ ਕਰ ਲਿਆ ਗਿਆ। ਫੜੇ ਗਏ ਮੁਲਜ਼ਮਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।
