ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਵਡਾਲਾ ਚੌਂਕ ਨਕੋਦਰ ਰੋਡ ਦੇ ਨੇੜੇ ਸਥਿਤ ਇੱਕ Marble & Granite ਸ਼ੋਰੂਮ ਵਿੱਚ ਅੱਜ ਸਵੇਰੇ ਇੱਕ ਵੱਡਾ ਹਾਦਸਾ ਵਾਪਰ ਗਿਆ। ਜਾਣਕਾਰੀ ਮੁਤਾਬਕ, ਸ਼ੋਰੂਮ ਵਿੱਚ ਚਾਹ ਪੀ ਰਿਹਾ ਇੱਕ ਨੌਜਵਾਨ ਅਚਾਨਕ 20 ਦੇ ਕਰੀਬ ਭਾਰੀ ਮਾਰਬਲ ਸਲੇਬਾਂ ਹੇਠਾਂ ਦਬ ਗਿਆ। ਇਸ ਕਾਰਨ ਉਸ ਦੀਆਂ ਕਈ ਪੱਸਲੀਆਂ ਟੁੱਟ ਗਈਆਂ ਅਤੇ ਉਸ ਦੀ ਹਾਲਤ ਬਹੁਤ ਗੰਭੀਰ ਹੈ।
ਮੌਕੇ ’ਤੇ ਮੌਜੂਦ ਉਸ ਦੇ ਸਾਥੀਆਂ ਨੇ ਉਸ ਨੂੰ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ, ਪਰ ਸਲੇਬਾਂ ਦੇ ਭਾਰ ਕਾਰਨ ਉਹ ਲਗਭਗ ਅੱਧਾ ਘੰਟਾ ਹੇਠਾਂ ਫਸਿਆ ਰਿਹਾ। ਜਦੋਂ ਤੱਕ ਉਸ ਨੂੰ ਬਾਹਰ ਕੱਢਿਆ ਗਿਆ, ਉਹ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਚੁੱਕਾ ਸੀ। ਜ਼ਖ਼ਮੀ ਨੌਜਵਾਨ ਦੀ ਪਹਿਚਾਣ ਅਸ਼ਰਫ਼ ਵਜੋਂ ਹੋਈ ਹੈ, ਜੋ ਕਿ ਯੂ.ਪੀ. ਦਾ ਰਹਿਣ ਵਾਲਾ ਹੈ। ਉਸ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਦੀ ਹਾਲਤ ਨਾਜੁਕ ਦੱਸੀ ਹੈ।
ਲਾਪਰਵਾਹੀ ਦੇ ਦੋਸ਼
ਮੌਕੇ ’ਤੇ ਮੌਜੂਦ ਹੋਰ ਕਰਮਚਾਰੀਆਂ ਨੇ ਦੱਸਿਆ ਕਿ ਸਵੇਰੇ ਸਾਰੇ ਚਾਹ ਪੀ ਰਹੇ ਸਨ ਕਿ ਅਚਾਨਕ ਸਲੇਬਾਂ ਦਾ ਢੇਰ ਢਹਿ ਗਿਆ ਅਤੇ ਇਹ ਹਾਦਸਾ ਵਾਪਰ ਗਿਆ। ਕਰਮਚਾਰੀਆਂ ਨੇ ਸ਼ੋਰੂਮ ਮਾਲਕ ਉੱਤੇ ਲਾਪਰਵਾਹੀ ਦੇ ਦੋਸ਼ ਲਗਾਏ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਦੋਂ ਮਾਰਬਲ ਦਾ ਟਰੱਕ ਸ਼ੋਰੂਮ ’ਤੇ ਪਹੁੰਚਦਾ ਹੈ ਤਾਂ ਮਾਲਕ ਲੇਬਰ ਨੂੰ ਕਹਿੰਦੇ ਹਨ ਕਿ ਜਿੱਥੇ ਵੀ ਜਗ੍ਹਾ ਖਾਲੀ ਹੈ ਉੱਥੇ ਸਲੇਬਾਂ ਰੱਖ ਦਿਓ। ਇਸ ਦੌਰਾਨ ਸੁਰੱਖਿਆ ਦੇ ਉਚਿਤ ਪ੍ਰਬੰਧ ਨਹੀਂ ਕੀਤੇ ਜਾਂਦੇ ਅਤੇ ਲੇਬਰ ਖੁਦ ਹੀ ਸਲੇਬਾਂ ਉਤਾਰ ਕੇ ਇਕ ਪਾਸੇ ਲਗਾ ਦਿੰਦੀ ਹੈ।
ਇਸ ਬਾਰੇ ਸ਼ੋਰੂਮ ਮਾਲਕ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਪੁਲਿਸ ਵੱਲੋਂ ਅਗਲੀ ਕਾਰਵਾਈ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਹਾਦਸੇ ਤੋਂ ਬਾਅਦ ਇਲਾਕੇ ਵਿੱਚ ਹੜਕੰਪ ਮਚ ਗਿਆ ਅਤੇ ਕਈ ਲੋਕ ਸ਼ੋਰੂਮ ’ਤੇ ਇਕੱਠੇ ਹੋ ਗਏ।
