ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਨਵੀਂ ਦਿੱਲੀ : ਫੇਸਬੁੱਕ ਨੇ ਆਉਣ ਵਾਲੇ ਹਫਤਿਆਂ ‘ਚ ਭਾਰਤ ‘ਚ ਕੋਰੋਨਾ ਇਨਫੈਕਸ਼ਨ ‘ਤੇ ਗੁਮਰਾਹਕੁੰਨ ਤੇ ਗਲਤ ਜਾਣਕਾਰੀਆਂ ਦੀ ਪਛਾਣ ਲਈ ਇਕ ਮੁਹਿੰਮ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਮੁਹਿੰਮ ਤਹਿਤ ਯੂਜ਼ਰਾਂ ਨੂੰ ਸਹੀ ਵਸੀਲੇ ਤੋਂ ਆਈ ਖ਼ਬਰ ਦੀ ਪਛਾਣ ਕਰਨ ਲਈ ਸੂਚਿਤ ਕੀਤਾ ਜਾਵੇਗਾ।
ਇਸ ਸੋਸ਼ਲ ਨੈੱਟਵਰਕਿੰਗ ਸਾਈਟ ਨੇ ਵਿਸ਼ਵ ਮਹਾਮਾਰੀ ਕੋਵਿਡ-19 ਨਾਲ ਜੁੜੀਆਂ 1.20 ਕਰੋੜ ਗਲਤ ਜਾਣਕਾਰੀਆਂ ਨੂੰ ਆਪਣੀ ਸਾਈਟ ਤੇ ਇੰਸਟਾਗ੍ਰਾਮ ਤੋਂ ਹਟਾਇਆ ਹੈ। ਇਹ ਗੁਮਰਾਹ ਕਰਨ ਵਾਲੀਆਂ ਜਾਣਕਾਰੀਆਂ ਵੈਕਸੀਨਾਂ ਦੀ ਮਨਜ਼ੂਰੀ ਤੋਂ ਲੈ ਕੇ ਕੋਰੋਨਾ ਦੇ ਲੱਛਣਾਂ ਤੇ ਇਲਾਜ ਤਕ ਨੂੰ ਲੈ ਕੇ ਸਨ।
ਇੰਟਰਨੈੱਟ ਮੀਡੀਆ ਜ਼ਰੀਏ ਅਜਿਹੀ ਵਿਵਸਥਾ ਬਣਾਈ ਜਾਵੇਗੀ ਜਿਸ ਨਾਲ ਅਮਰੀਕੀ ਕੰਪਨੀ ਫੇਸਬੁੱਕ ਤੇ ਆਨਲਾਈਨ ਜਾਣਕਾਰੀਆਂ ਦੇ ਸੁਰੱਖਿਅਤ ਵਸੀਲੇ ਦੀ ਪੁਸ਼ਟੀ ਕੀਤੀ ਜਾਵੇਗੀ ਤਾਂ ਜੋ ਅਫਵਾਹਾਂ ਤੇ ਗਲਤ ਜਾਣਕਾਰੀਆਂ ‘ਤੇ ਵਿਰਾਮ ਲਾਇਆ ਜਾ ਸਕੇ ਤੇ ਲੋਕਾਂ ‘ਚ ਕੋਈ ਗਲਤ ਜਾਣਕਾਰੀ ਨਾ ਜਾਵੇ।
