ਜੇਐੱਨਐੱਨ, ਅੰਮਿ੍ਤਸਰ : ਚੰਡੀਗੜ੍ਹ ਬੈਠੇ ਪੁਲਿਸ ਅਧਿਕਾਰੀਆਂ ਨਾਲ ਮੋਬਾਈਲ ‘ਤੇ ਗੱਲ ਕਰਵਾ ਕੇ ਠੱਗੀ ਕਰਨ ਵਾਲੇ ਨੌਜਵਾਨ ਦੇ ਖ਼ਿਲਾਫ਼ ਡੀ ਡਵੀਜ਼ਨ ਥਾਣੇ ਦੀ ਪੁਲਿਸ ਨੇ ਕੇਸ ਦਰਜ ਕੀਤਾ ਹੈ। ਮੁਲਜ਼ਮ ਨੇ ਕਾਂਸਟੇਬਲ ਲਗਵਾਉਣ ਦੇ ਨਾਂ ‘ਤੇ ਸਬ ਇੰਸਪੈਕਟਰ ਸੁਰਿੰਦਰ ਮੋਹਨ ਨੂੰ 5.50 ਲੱਖ ਦਾ ਚੂਨਾ ਲਗਾ ਦਿੱਤਾ। ਫਿਲਹਾਲ ਮੁਲਜ਼ਮ ਫਰਾਰ ਹੈ। ਸਬ ਇੰਸਪੈਕਟਰ ਬਲਦੇਵ ਸਿੰਘ ਨੇ ਦੱਸਿਆ ਕਿ ਮੁਲਜਮ ਦੀ ਗਿ੍ਫਤਾਰੀ ਲਈ ਛਾਪਾਮਾਰੀ ਕੀਤੀ ਜਾ ਰਹੀ ਹੈ। ਨਾਰਕੋਟਿਕਸ ਸੈੱਲ ‘ਚ ਤਾਇਨਾਤ ਸਬ ਇੰਸਪੈਕਟਰ ਸੁਰਿੰਦਰ ਮੋਹਨ ਨੇ ਡੀ ਡਵੀਜ਼ਨ ਥਾਣੇ ਦੀ ਪੁਲਿਸ ਨੂੰ ਦੱਸਿਆ ਕਿ ਕੁੱਝ ਸਾਲ ਪਹਿਲਾਂ ਉਨਾਂ੍ਹ ਦੀ ਮੁਲਾਕਾਤ ਕੋੜੀਆਂ ਖੂਹ ਵਾਸੀ ਵਿਪਿਨ ਕੁਮਾਰ ਦੇ ਨਾਲ ਹੋਈ ਸੀ। ਮੁਲਜ਼ਮ ਅਕਸਰ ਉਨਾਂ੍ਹ ਦੇ ਥਾਣੇ ‘ਚ ਆਇਆ ਕਰਦਾ ਸੀ ਅਤੇ ਉਥੇ ਹੀ ਬੈਠ ਕੇ ਦੱਸਦਾ ਸੀ ਕਿ ਉਸ ਦੀ ਚੰਡੀਗੜ ਬੈਠੇ ਕਈ ਪੁਲਿਸ ਅਧਿਕਾਰੀਆਂ ਨਾਲ ਚੰਗੀ ਗੱਲ ਹੈ। ਉਹ ਕਈ ਲੋਕਾਂ ਨੂੰ ਪੰਜਾਬ ਪੁਲਿਸ ‘ਚ ਭਰਤੀ ਕਰਵਾ ਚੁੱਕਿਆ ਹੈ। ਮੁਲਜਮ ਨੇ ਇਕ ਵਾਰ ਆਪਣੇ ਮੋਬਾਇਲ ਤੋਂ ਕਿਸੇ ਪੁਲਿਸ ਅਫ਼ਸਰ ਨਾਲ ਗੱਲ ਵੀ ਕਰਵਾਈ ਸੀ। ਮੁਲਜ਼ਮ ਨੇ ਦੱਸਿਆ ਕਿ ਉਹ ਉਨਾਂ੍ਹ ਦੇ ਬੇਟੇ, ਗੁਆਂਢੀ ਗੌਰਵ ਅਤੇ ਭਤੀਜੇ ਪਲਵਿੰਦਰ ਕੁਮਾਰ ਨੂੰ ਕਾਂਸਟੇਬਲ ਦੀ ਨੌਕਰੀ ਦਿਵਾ ਸਕਦਾ ਹੈ। ਮੁਲਜ਼ਮ ਨੇ ਐਡਵਾਂਸ ਦੇ ਤੌਰ ‘ਤੇ ਉਨਾਂ੍ਹ ਨੂੰ 5.50 ਲੱਖ ਰੁਪਏ ਲੈ ਲਏ। ਪੈਸੇ ਲੈਣ ਦੇ ਬਾਅਦ ਮੁਲਜ਼ਮ ਫ਼ਰਾਰ ਹੋ ਗਿਆ ਤੇ ਉਨਾਂ੍ਹ ਦਾ ਮੋਬਾਈਲ ਤਕ ਚੁੱਕਣਾ ਛੱਡ ਦਿੱਤਾ।
