ਜੇਐੱਨਐੱਨ, ਅੰਮਿ੍ਤਸਰ : ਬਿਆਸ ਥਾਣੇ ਦੇ ਅਧੀਨ ਪੈਂਦੇ ਚੀਮਾਬਾਠ ਪਿੰਡ ਦੇ ਕੋਲ ਪੰਜ ਲੁਟੇਰਿਆਂ ਨੇ ਪਿਸਟਲ ਦੇ ਜ਼ੋਰ ‘ਤੇ ਸੋਮਵਾਰ ਦੀ ਦੇਰ ਰਾਤ ਇਨੋਵਾ ਖੋਹ ਲਈ। ਵਾਰਦਾਤ ਨੂੰ ਅੰਜਾਮ ਦੇਣ ਦੇ ਬਾਅਦ ਮੁਲਜ਼ਮ ਫ਼ਰਾਰ ਹੋ ਗਏ। ਘਟਨਾ ਬਾਰੇ ਪਤਾ ਲੱਗਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ। ਜਾਂਚ ਅਧਿਕਾਰੀ ਹਰਪਾਲ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕਰਵਾਈ ਜਾ ਰਹੀ ਹੈ। ਇਲਾਕੇ ‘ਚ ਲੱਗੇ ਸੀਸੀਟੀਵੀ ਫੁਟੇਜ ਵੀ ਖੰਗਾਲੇ ਜਾ ਰਹੇ ਹਨ। ਬਿਆਸ ਵਾਸੀ ਸਰਬਜੀਤ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਸੋਮਵਾਰ ਦੀ ਰਾਤ 9.40 ਵਜੇ ਉਹ ਕਿਸੇ ਕੰਮ ਚੀਮਾਬਾਠ ਪਿੰਡ ਦੀ ਤਰਫ ਗਏ ਸਨ। ਉਹ ਰਸਤੇ ‘ਚ ਪੈਂਦੇ ਇਕ ਰੈਸਟੋਰੈਂਟ ਦੇ ਬਾਹਰ ਆਪਣੀ ਇਨੋਵਾ ਕਰਿਸਟਾ ਲਗਾ ਕੇ ਖੜ੍ਹੇ ਸਨ। ਇਸ ਵਿਚ ਇੱਕ ਕਰੇਟਾ ਕਾਰ ਉਨਾਂ੍ਹ ਦੇ ਕੋਲੋਂ ਲੰਘੀ। ਕੁਝ ਦੇਰ ਬਾਅਦ ਉਹ ਕਾਰ ਦੁਬਾਰਾ ਉਨਾਂ੍ਹ ਦੇ ਕੋਲ ਆ ਕੇ ਰੁਕੀ। ਦੇਖਦੇ ਹੀ ਦੇਖਦੇ ਕਰੇਟਾ ‘ਚ ਸਵਾਰ ਚਾਰ ਲੁਟੇਰੇ ਉਤਰੇ ਤੇ ਪਿਸਤੌਲ ਵਿਖਾ ਕੇ ਉਨਾਂ੍ਹ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਲੱਗੇ। ਇਕ ਲੁਟੇਰੇ ਨੇ ਤੇਜੀ ਨਾਲ ਉਨਾਂ੍ਹ ਦੀ ਕਾਰ ਦਾ ਦਰਵਾਜਾ ਖੋਲ੍ਹ ਲਿਆ ਅਤੇ ਘਸੀਟਕੇ ਉਨਾਂ੍ਹ ਨੂੰ ਕਾਰ ਤੋਂ ਬਾਹਰ ਕੱਢ ਲਿਆ। ਦੇਖਦੇ ਹੀ ਦੇਖਦੇ ਹਥਿਆਰਬੰਦ ਦੋ ਲੁਟੇਰੇ ਉਨਾਂ੍ਹ ਦੀ ਕਾਰ ‘ਚ ਬੈਠ ਕੇ ਫ਼ਰਾਰ ਹੋ ਗਏ। ਦੋ ਹੋਰ ਲੁਟੇਰੇ ਆਪਣੀ ਕਰੇਟਾ ਕਾਰ ਵੀ ਲੈ ਕੇ ਫ਼ਰਾਰ ਹੋ ਗਏ। ਘਟਨਾ ਦੇ ਤੁਰੰਤ ਬਾਅਦ ਉਨਾਂ੍ਹ ਨੇ ਪੁਲਿਸ ਨੂੰ ਇਤਲਾਹ ਦਿੱਤੀ।
