ਨਵਾਂਸ਼ਹਿਰ : ਪਿੰਡ ਪੱਲੀਆਂ ਕਲਾਂ ਦੇ ਇਕ ਭੱਠੇ ਤੋਂ ਸਕੂਟਰੀ ਚੋਰੀ ਹੋ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਵਲੋਂ ਥਾਣਾ ਰਾਹੋਂ ਵਿਖੇ ਮਾਮਲਾ ਦਰਜ ਕਰ ਕੇ ਚੋਰਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ। ਵਾਰਦਾਤ ਸਬੰਧੀ ਪੁਲਿਸ ਨੂੰ ਦਿੱਤੇ ਬਿਆਨ ਵਿਚ ਮਹਿੰਦਰ ਪਾਲ ਪੁੱਤਰ ਜੋਗਿੰਦਰ ਪਾਲ ਵਾਸੀ ਪਿੰਡ ਕੋਟ ਰਾਂਝਾ ਥਾਣਾ ਰਾਹੋਂ ਨੇ ਦੱਸਿਆ ਕਿ ਉਹ ਪਿੰਡ ਪੱਲੀਆਂ ਕਲਾਂ ਵਿਖੇ ਇਕ ਭੱਠੇ ‘ਤੇ ਕੰਮ ਕਰਦਾ ਹੈ। ਬੀਤੀ 12 ਅਕਤੂਬਰ 2021 ਨੂੰ ਉਹ ਰੋਜ਼ਾਨਾ ਦੀ ਤਰਾਂ੍ਹ ਆਪਣੀ ਸਕੂਟਰੀ ਮਾਰਕਾ ਜੂਪੀਟਰ ਨੰਬਰ ਪੀਬੀ 32-ਏਏ -0728 ‘ਤੇ ਸਵਾਰ ਹੋ ਕੇ ਭੱਠੇ ‘ਤੇ ਗਿਆ ਅਤੇ ਸਕੂਟਰੀ ਖੜ੍ਹੀ ਕਰ ਕੇ ਆਪਣੇ ਕੰਮ ਲੱਗ ਗਿਆ। ਜਦੋਂ ਸ਼ਾਮ ਨੂੰ ਕਰੀਬ 06:00 ਕੁ ਵਜੇ ਉਹ ਘਰ ਜਾਣ ਲੱਗਾ ਤਾਂ ਦੇਖਿਆ ਕਿ ਸਕੂਟਰੀ ਉੱਥੇ ਨਹੀਂ ਸੀ, ਨੂੰ ਕੋਈ ਵਿਅਕਤੀ ਚੋਰੀ ਕਰ ਕੇ ਲੈ ਗਿਆ ਸੀ। ਉਸ ਨੇ ਆਪਣੇ ਪੱਧਰ ‘ਤੇ ਸਕੂਟਰੀ ਦੀ ਹਰ ਥਾਂ ਭਾਲ ਕੀਤੀ ਪਰ ਉਸ ਦਾ ਕਿਤੇ ਵੀ ਕੋਈ ਸੁਰਾਗ ਨਹੀਂ ਮਿਲਿਆ। ਮੁੱਦਈ ਮਹਿੰਦਰ ਪਾਲ ਉਕਤ ਵਲੋਂ ਦਿੱਤੇ ਗਏ ਬਿਆਨ ‘ਤੇ ਐੱਸਆਈ ਸੁਰਿੰਦਰ ਸਿੰਘ ਵਲੋਂ ਅਣਪਛਾਤੇ ਚੋਰਾਂ ਦੇ ਖਿਲਾਫ ਮਾਮਲਾ ਦਰਜ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਚੋਰਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਮਾਮਲਾ ਜ਼ੇਰੇ ਤਫਤੀਸ਼ ਹੈ।
