ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਫਿਲੌਰ: ਪੂਰਾ ਪੰਜਾਬ ਨਸ਼ੇ ‘ਚ ਡੁੱਬ ਰਿਹਾ ਹੈ। ਸੀਐੱਮ ਭਗਵੰਤ ਮਾਨ ਤੇ ਪੁਲਿਸ ਅਧਿਕਾਰੀ ਨਸ਼ੇ ਨੂੰ ਜੜ੍ਹੋਂ ਖਤਮ ਕਰਨ ਦਾ ਦਾਅਵਾ ਕਰ ਰਹੇ ਹਨ। ਇਸ ਦੇ ਉਲਟ ਹੀ ਨਸ਼ੇ ਦੇ ਕਾਰਨ ਖੁਦ ਪੁਲਿਸ ਦੀ ਵਰਦੀ ‘ਤੇ ਦਾਗ ਲੱਗਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਹੈਰਾਨ ਕਰ ਦੇਣ ਵਾਲੀ ਗੱਲ ਇਹ ਹੈ ਕਿ ਫਿਲੌਰ ਸਥਿਤ ਪੰਜਾਬ ਪੁਲਿਸ ਦੀ ਟਰੇਨਿੰਗ ਅਕੈਡਮੀ ‘ਚ ਵੀ ਨਸ਼ਾ ਵੇਚਿਆ ਜਾ ਰਿਹਾ ਹੈ।
ਅਕੈਡਮੀ ‘ਚ ਹੀ ਸਾਥੀਆਂ ਨੂੰ ਫਸਾ ਰਹੇ ਪੁਲਿਸ ਮੁਲਾਜ਼ਮ
ਤਾਜ਼ਾ ਮਾਮਲੇ ‘ਚ ਫਿਲੌਰ ਸਥਿਤ ਪੰਜਾਬ ਪੁਲਿਸ ਅਕੈਡਮੀ ‘ਚ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਅਕੈਡਮੀ ‘ਚ ਇਕ ਹਫ਼ਤਾ ਪਹਿਲਾ ਇਕ ਹੌਲਦਾਰ ਨਸ਼ਾ ਕਰਨ ਕਾਰਨ ਕੋਮਾ ‘ਚ ਚਲਾ ਗਿਆ ਸੀ। ਉਸ ਮਾਮਲੇ ‘ਚ ਜਦੋਂ ਤਫ਼ਤੀਸ਼ ਕੀਤੀ ਗਈ ਤਾਂ ਪਤਾ ਲੱਗਾ ਕਿ ਅਕੈਡਮੀ ‘ਚ ਹੀ ਪੁਲਿਸ ਮੁਲਾਜ਼ਮ ਨਸ਼ਾ ਵੇਚਣ ਲਈ ਸਾਥੀਆਂ ਨੂੰ ਆਪਣੇ ਜਾਲ ‘ਚ ਫਸਾ ਰਹੇ ਹਨ ਤੇ ਨਸ਼ਾ ਖਰੀਦਣ ਲਈ ਬੈਂਕ ਕੋਲੋਂ ਕਰਜ਼ ਦਵਾ ਕੇ ਉਨ੍ਹਾਂ ਦੀ ਜ਼ਿੰਦਗੀ ਵੀ ਬਰਬਾਦ ਕਰ ਰਹੇ ਹਨ। ਜਾਂਚ ਤੋਂ ਬਾਅਦ ਮੰਗਲਵਾਰ ਨੂੰ ਅਕੈਡਮੀ ‘ਚ ਤਾਇਨਾਤ ਸੀਨੀਅਰ ਇੰਸਟ੍ਰਕਟਰ ਸ਼ਕਤੀ ਕੁਮਾਰ ਤੇ ਇਕ ਹੋਰ ਮੁਲਾਜ਼ਮ ਜੈ ਕੁਮਾਰ ਖਿਲਾਫ਼ ਥਾਣਾ ਫਿਲੌਰ ‘ਚ ਮਾਮਲਾ ਦਰਜ ਕਰ ਲਿਆ। ਦੋਵਾਂ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ।
