ਮਾਨਸਾ : ਮਸ਼ਹੂਰ ਗਾਇਕ ਸ਼ੁਭਦੀਪ ਸਿੰਘ ਸਿੱਧੂ ਮੂਸੇਵਾਲਾ ਦਾ ਭੋਗ 8 ਜੂਨ ਨੂੰ ਮਾਨਸਾ ਦੇ ਸਿਰਸਾ ਰੋਡ ਸਥਿਤ ਅਨਾਜ ਮੰਡੀ ਵਿਚ ਦੁਪਹਿਰ 12 ਵਜੇ ਪਵੇਗਾ।
ਸਿੱਧੂ ਮੂਸੇਵਾਲਾ ਦੇ ਪਰਿਵਾਰ ਨੇ ਅਪੀਲ ਕਰਦਿਆਂ ਸਿੱਧੂ ਦੇ ਚਹੇਤਿਆਂ ਨੂੰ ਕਿਹਾ ਕਿ ਉਸ ਦੇ ਭੋਗ ’ਤੇ ਆਉਣ ਵਾਲੇ ਦਸਤਾਰ ਸਜਾ ਕੇ ਆਉਣ। ਉਸ ਦੀ ਸਸਕਾਰ ਵਾਲੀ ਥਾਂ ’ਤੇ ਸਿੱਧੂ ਮੂਸੇਵਾਲਾ ਦੀ ਯਾਦਗਾਰ ਬਣਾਈ ਜਾਵੇਗੀ। ਸ਼ੁੱਭਦੀਪ ਸਿਰਫ਼ ਗੁਰੂ ਸ਼ਬਦ ਭਾਵ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਚ ਅਥਾਹ ਵਿਸ਼ਵਾਸ ਰੱਖਦਾ ਸੀ। ਇਸ ਲਈ ਉਸ ਦੀ ਯਾਦਗਾਰ ’ਤੇ ਕੋਈ ਵੀ ਪੈਸਿਆਂ ਦਾ ਮੱਥਾ ਨਾ ਟੇਕੇ। ਉਸ ਦੀ ਯਾਦ ਵਿਚ ਹਰ ਇਕ ਉਸ ਦਾ ਚਾਹੁਣ ਵਾਲਾ ਇਕ ਬੂਟਾ ਲਾਵੇ ਤਾਂ ਜੋ ਧਰਤੀ ਨੂੰ ਪਿਆਰ ਕਰਨ ਦੀ ਰੂਹ ਨੂੰ ਸਕੂਨ ਮਿਲ ਸਕੇ।
