ਪਠਾਨਕੋਟ : ਫੌਜ ਦੀ ਪਠਾਨਕੋਟ ਯੂਨਿਟ ’ਚ ਤਾਇਨਾਤ ਜਵਾਨ ਨੇ ਕਚਹਿਰੀ ’ਚ ਦੋਵਾਂ ਦੇ ਰਿਸ਼ਤੇਦਾਰਾਂ ਦੀ ਮੌਜੂਦਗੀ ’ਚ ਮਥੁਰਾ ਦੀ ਰਹਿਣ ਵਾਲੀ ਲੜਕੀ ਨਾਲ ਵਿਆਹ ਕਰਵਾ ਲਿਆ ਪਰ ਬਾਅਦ ਵਿਚ ਹਿੰਦੂ ਰੀਤੀ-ਰਿਵਾਜ ਨਾਲ ਵਿਆਹ ਦੀ ਗੱਲ ਕਹਿ ਕੇ ਫੌਜੀ ਨੇ ਲੜਕੀ ਨਾਲ ਸਾਰੇ ਰਿਸ਼ਤੇ ਤੋੜ ਲਏ ਤੇ ਹੁਣ ਤਾਂ ਉਸ ਦਾ ਫੋਨ ਚੁੱਕਣਾ ਵੀ ਬੰਦ ਕਰ ਦਿੱਤਾ। ਪਠਾਨਕੋਟ ’ਚ ਤਾਇਨਾਤ ਜਵਾਨ ਨੂੰ ਮਿਲਣ ਲਈ ਮਥੁਰਾ ਤੋਂ 25 ਸਾਲਾ ਲੜਕੀ 650 ਕਿਲੋਮੀਟਰ ਦਾ ਸਫ਼ਰ ਤੈਅ ਕਰ ਕੇ ਉਸ ਦੀ ਯੂਨਿਟ ਪਹੁੰਚ ਗਈ।।
ਇਸ ਦੌਰਾਨ ਲੜਕੀ ਮੀਨਾ ਵਾਸੀ ਮਥੁਰਾ ਨੇ ਦੱਸਿਆ ਕਿ ਉਸ ਨੇ ਆਪਣੀ ਸ਼ਿਕਾਇਤ ਯੂਨਿਟ ਦੇ ਅਧਿਕਾਰੀਆਂ ਨੂੰ ਦੇ ਦਿੱਤੀ ਹੈ। ਉਸ ਨੇ ਦੱਸਿਆ ਕਿ ਪਿਛਲੀ ਵਾਰ ਉਹ ਆਪਣੇ ਪਿਤਾ ਨੂੰ ਮਿਲਣ ਆਈ ਸੀ ਪਰ ਸੀਓ ਸਾਹਿਬ ਨਾ ਹੋਣ ਕਾਰਨ ਉਹ ਮੁਲਾਕਾਤ ਨਹੀਂ ਕਰ ਸਕੀ ਅਤੇ ਅੱਜ ਵੀ ਸਥਿਤੀ ਉਹੀ ਹੈ ਜਿਸ ਤੋਂ ਬਾਅਦ ਯੂਨਿਟ ਦੇ ਦੋ ਜਵਾਨਾਂ ਨੇ ਸੀਓ ਸਾਹਿਬ ਦੇ ਨਾਮ ਦਰਖ਼ਾਸਤ ਪੱਤਰ ਲੜਕੀ ਨੂੰ ਦਿੱਤਾ ਅਤੇ ਉਸ ਦਾ ਮੋਬਾਈਲ ਨੰਬਰ ਲੈ ਕੇ ਕਿਹਾ ਕਿ ਉਹ ਇਸ ਸਬੰਧੀ ਉਸ ਨੂੰ ਸੂਚਿਤ ਕਰਨਗੇ।।
ਲੜਕੀ ਮੀਨਾ ਨੇ ਦੱਸਿਆ ਕਿ ਉਸ ਦੀ ਮੁਲਾਕਾਤ ਸਾਲ 2017 ’ਚ ਰਾਜਸਥਾਨ ਦੇ ਨੌਜਵਾਨ ਨਾਲ ਫੇਸਬੁੱਕ ’ਤੇ ਹੋਈ ਸੀ।।ਇਸ ਤੋਂ ਬਾਅਦ ਪਿਛਲੇ ਸਾਲ ਅਪ੍ਰੈਲ ’ਚ ਦੋਹਾਂ ਨੇ ਆਪਣੇ ਰਿਸ਼ਤੇਦਾਰਾਂ ਦੀ ਮੌਜੂਦਗੀ ’ਚ ਕਚਹਿਰੀ ’ਚ ਵਿਆਹ ਕਰਵਾ ਲਿਆ। ਇਸ ਦੌਰਾਨ ਉਹ ਉਸ ਦਾ ਸਰੀਰਕ ਸ਼ੋਸ਼ਣ ਵੀ ਕਰਦਾ ਰਿਹਾ।।ਵਿਆਹ ਤੋਂ ਬਾਅਦ ਜਵਾਨ ਨੇ ਉਸ ਨੂੰ ਭਰੋਸਾ ਦਿੱਤਾ ਕਿ ਉਹ ਆਉਣ ਵਾਲੀ ਦੀਵਾਲੀ ’ਤੇ ਉਸ ਨਾਲ ਪੂਰੇ ਰੀਤੀ-ਰਿਵਾਜ ਨਾਲ ਵਿਆਹ ਕਰ ਲਵੇਗਾ। ਇਸ ਤੋਂ ਬਾਅਦ ਜਵਾਨ ਨੇ ਉਸ ਨਾਲ ਲੜਾਈ-ਝਗੜਾ ਕਰਨਾ ਸ਼ੁਰੂ ਕਰ ਦਿੱਤਾ ਤੇ ਗੱਲਬਾਤ ਵੀ ਬੰਦ ਕਰ ਦਿੱਤੀ। ਇਸ ਸਬੰਧੀ ਉਸ ਨੇ ਪੁਲਿਸ ਕੋਲ ਸ਼ਿਕਾਇਤ ਵੀ ਕੀਤੀ ਪਰ ਕੋਈ ਕਾਰਵਾਈ ਨਹੀਂ ਹੋਈ।। ਉਹ ਪਿਛਲੇ ਮਹੀਨੇ ਵੀ ਆਪਣੇ ਪਿਤਾ ਨਾਲ ਉਸ ਦੀ ਯੂਨਿਟ ’ਚ ਆਈ ਸੀ, ਫਿਰ ਵੀ ਉਸ ਨੂੰ ਨੀਰਜ ਨਾਲ ਨਹੀਂ ਮਿਲਵਾਇਆ ਗਿਆ ਜਿਸ ਤੋਂ ਬਾਅਦ ਅੱਜ ਉਹ ਉਸ ਨੂੰ ਦੁਬਾਰਾ ਮਿਲਣ ਦੀ ਉਮੀਦ ਨਾਲ ਯੂਨਿਟ ਵਿਚ ਆਈ ਹੈ।
