ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਕਪੂਰਥਲਾ, – ਜ਼ਿਲ੍ਹਾ ਕਪੂਰਥਲਾ ਵਿਖੇ ਕਾਂਜਲੀ ਵੇਈਂ ਵਿਚ ਅੱਜ ਸਵੇਰੇ ਇਕ ਔਰਤ ਵਲੋਂ ਛਲਾਂਗ ਲਗਾਉਣ ਦੀ ਖ਼ਬਰ ਹੈ। ਔਰਤ ਨੂੰ ਵੇਈਂ ਵਿਚ ਛਾਲ ਮਾਰਦੇ ਹੋਏ ਇਕ ਕਰਮਚਾਰੀ ਨੇ ਦੇਖਿਆ ਤਾਂ ਉਹ ਉਸ ਸਥਾਨ ’ਤੇ ਪਹੁੰਚਿਆਂ ਤਾਂ ਔਰਤ ਪਾਣੀ ਦੇ ਬਹਾਅ ਨਾਲ ਅੱਗੇ ਬਹਿ ਚੁੱਕੀ ਸੀ, ਜਿਸ ’ਤੇ ਉਸ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਔਰਤ ਦਾ ਪਰਸ ਵੀ ਮਿਲਿਆ ਹੈ ਜੋ ਕਿ ਛਲਾਂਗ ਲਗਾਉਣ ਵਾਲੀ ਮਹਿਲਾ ਦਾ ਹੋਣ ਦੀ ਸੰਭਾਵਨਾ ਹੈ। ਇਸ ਘਟਨਾ ਦੀ ਪੁਸ਼ਟੀ ਕਰਦਿਆਂ ਡੀ.ਐਸ.ਪੀ. ਸਬ ਡਵੀਜ਼ਨ ਮਨਿੰਦਰਪਾਲ ਨੇ ਦੱਸਿਆ ਕਿ ਪਰਸ ਵਿਚ ਸਿਰਫ਼ 3500 ਰੁਪਏ ਸਨ, ਉਸ ਵਿਚ ਕੋਈ ਵੀ ਪਛਾਣ ਪੱਤਰ ਨਹੀਂ ਸੀ। ਫ਼ਿਲਹਾਲ ਔਰਤ ਦੀ ਹਾਲੇ ਤੱਕ ਪਛਾਣ ਨਹੀਂ ਹੋ ਸਕੀ। ਪੁਲਿਸ ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਔਰਤ ਦੀ ਤਲਾਸ਼ ਲਈ ਪਾਣੀ ਨੂੰ ਰੁਕਵਾ ਦਿੱਤਾ ਹੈ ਤੇ ਗੋਤਾਖ਼ੋਰਾਂ ਦੀ ਮਦਦ ਨਾਲ ਔਰਤ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ।
